Nya ǹ dín 23:6 - LAWA A BOO SONBORE

⁶ Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»

LAWA A BOO SONBORE 2011

⁶ Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»

Nya ǹ dín 23:6 ပူးပေါင်းရင်းမြစ်များ

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 22:23

*Sadusɛɛ̃n mà geren yii a re kiɛ wa. A din pinaa lɛ nɛ, bɛn kɔnɔn nə́ woo Yezu li ǹ nə́ nɔ̀n da la:

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Nya ǹ dín 22:3

Pooli pɛ: – Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke.

Nya ǹ dín 22:30

A lɛawaa, sɔraasin goledɛnaa lɛ bɛ́ giɛ li a Pooli zɛ̀rɛbaa ǹ mìi lɛ dɔ̃, á pɛ mà ǹ fɔlɔ biɛn lɛn bɔ a ganaa, mà wúlu-bɔlen goledɛnan laanka kiri-wɔlen kuru lɛ nə n lɛ sɔkɔn. Á pɛ mà ǹ soo ka Pooli ni, a n bɔlɔ pɛ ǹ yɔrɔ-a.

Nya ǹ dín 22:5

Wúlu-bɔlen kiã nɛ ka min golen kuru kɛ lɛ tumaa nɛ, bɛn tá boe la ǹ na a taãn pɛ. Sonbore, man má sɛ́wɔ si ka dinin lɛn la ma dɔɔ̃n Zuifun wɔ lɛa, bɛ̀ ma bɛ́ woe Damaasi kiwi ǹ mɛn waáraa. Maa dí mìi na á goã ka kɛ nɛ, man woe, Zii kɛ lɛ a kɔmalɛ wolen mɛnɛn bɛ́ walan, ma ǹ kũ ma fɔlɔ biɛn kaa ǹ ganaa, ma da ǹ nɛ Zeruzalɛmu, màn mɛn bɛ́ toɛ, ǹ dɔlɔ bɔ ǹ ganaa.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Nya ǹ dín 23:15

Haya, ka n lɛ kaa kun ka kiri-wɔlen lɛn nɛ, ka pɛ sɔraasin goledɛnaa lɛ nɛ, mà a Pooli lɛ bɔ a dia, ǹ na a sii yɔrɔ bɔ taãn-taãnɛ kəni. Wɔsɛn yɔrɔ boemaa nɛ wɔ dɛ, bɛ̀ a baa doe ka li.»

Nya ǹ dín 23:20

Nɛginin lɛ ná a lɛ si: «Zuifun man nə́ n lɛ kaa kun ǹ nə́ pɛ, mà maǹ die n nyankoe, n Pooli dia kiri-wɔlen yɔrɔ-a biɛ̃, mà ǹsɛn man die a sii lɛ gɔsiɛ taãn-taãnɛ.

Nya ǹ dín 23:7

Pooli din bɛa boo kɛ lɛ da á nya wa, yǎa zia yoo Fariziɛ̃n laanka Sadusɛɛ̃n bii ni, zaman lɛ nə́ n tala kɔn.

Nya ǹ dín 24:15

Ma foo á doa-n Lawa ganaa, bɛa foo-doa kɛ lɛ tá ǹ dɔn dinin lon, min din tumaa, a sonboren laanka a baraan nɛ, ǹ tumaa yii á re kiɛ ǹ nə n bɔ gerebaa nɛ.

Nya ǹ dín 28:20

Bɛ lɛ a lɛa nɛ má lɛ dia ka la, ma tá a yɔrɔ pii ka nɛ, a giala, Izirayeli minin foo bɛ́ doa-n sii mɛn ganaa, fɔlɔ biɛn man masɛ ganaa bɛ lɛ a lɛa.»

Filipi minin 3:5

Maǹ nə́ masɛ kuru maa yɛ lɛawaa kiwisibaa ǹ wɔ pinaa, má yɛ Izirayeli min lɛa Bɛnzamɛn tɔrɔ lɛa, *Ebrəə goarɛ n ka ma nɛ. Bɛ̀ Zuifun landa dɔ wɔ a paǹ nɛ, man má goã *Fariziɛ̃ lɛa sɔɔ̃nɛ.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Ebrəə 6:19

Bɛa foo-doa kɛ lɛ n wɔ kuĩ, á golee wɔ-n sɔnbɔraanɛ. A na á Lawa a kion bii kuru kɔn-a ǹ mɔnaa kɛ bii wɔsɔ lon gɔ́ɔ̃ nɛ, á kiɛ̃ á wɔ kion nyɛɛnaan sonbore kɛ nɛ.