Nya ǹ dín 23:12 - LAWA A BOO SONBORE

¹² Lɛ̀ bɛ́ á waa, Zuifun nə́ n lɛ kaa kun basaã a lɛa. Ǹ nə́ n liɛ, mà ǹsɛn ba màn kɔ́n we ǹ lɛ-n wa, ǹsɛn ba mu mii wa, yǎa ǹsɛn nə doe Pooli ganaa ǹ dii a giɛ̃.

LAWA A BOO SONBORE 2011

¹² Lɛ̀ bɛ́ á waa, Zuifun nə́ n lɛ kaa kun basaã a lɛa. Ǹ nə́ n liɛ, mà ǹsɛn ba màn kɔ́n we ǹ lɛ-n wa, ǹsɛn ba mu mii wa, yǎa ǹsɛn nə doe Pooli ganaa ǹ dii a giɛ̃.

Nya ǹ dín 23:12 ပူးပေါင်းရင်းမြစ်များ

Siin Giala 37:18

Sɛnɛ, ǹ golon lɛn nə́ toa sɔsɔɔ, ǹ nə́ yɛ. A laan bɛ̀ a dɔ ǹ li, ǹ nə́ n lɛ kaa kun, mà ǹ daa ǹ dɛ a gã.

Kiin1 19:2

Zezabɛli min dia woe pii Yilii-n kɛnɛn: «N dɔ Baali a wúlu-bɔlen nyín bɔ lɔn, ma dɔ n die n dɔ wɔ boe miɛ̃ biɛ̃ kɛnɛn yirəə. Bɛ̀ ma bɛ zɛnaa duduu wa, dìn die ǹ dɔlɔ babaraa bɔ ma ganaa.»

Kiin2 6:31

Kii lɛ nə́ n toa: «Bɛ̀ Safati a nɛ Yiliizee mìi goã a ganaa pelo, Lawa die a dɔlɔ babaraa bɔ ma ganaa!»

Nehemii 10:29

Zaman gialakun lɛ nɛ, Lawa a wúlu-bɔlen ne, Levii tɔrɔn nɛ, kiɛnlɛ-lɛduə̃lin ni, loe-lɔlin ni, Lawa a kion dí-nyalin ni, ka min mɛnɛn tumaa nə n na ǹ nə́ n bɔ gána lɛ a tɔrɔ kɔsɔn kɛn ganaa, ǹ nə́ kɔ Lawa a dí-pɛ lɛ lɛ, bɛn lɔn nɛ, ǹ nɛgiĩn ni, ǹ nɛlɔn nɛ, ka min mɛnɛn tumaa bɛ́ boe la ǹ tá sii a woo ǹ bǎã doɛ̃,

Loen 31:13

Minin yiri bɔ ma nɛ ka man má gã, ǹ yiri bɔ ma nɛ, ka màn ziziɛ̃ nɛ.

Zeremii 11:19

Man má goã ka sère nɛ mɛn bɛ́ ǹ nə́ woe ne a dɛ ǹ bǎã nɛ. Ǹ goã sii mɛn we kɔn ma ganaa, ma goã doɛ̃ wa. Maǹ pii: «Ka daa wɔ da lɛ dɛ a kakabaa waáraa, a papaã a n bɔ yiikoonaan bii, min kɔn yiri nyan gisĩ a tɔ-n doo wa!»

Zeremii 44:25

Dɛnaa Lawa Pàãyiidɛnaa Izirayeli a Lawa n kɛ pii: «Ka laanka kaa lɔn man ka pɛ kɛnɛn: Wɔ n lɛ kɔ wáa wɔ á re da yon gìĩ kɔɔ̃n laanka duvɛ̃ zumii lon a kii lɔ la. Wɔ ǹ li wɔ wɔa lɛ-kɔ lɛ pã.» Ka bɛ́ li lɔn ka zɛnaa miɛ̃, ka kaa lɛ-kɔn lɛ pã!

Lawa a wúlu-bɔlen 27:29

Ta min mɛn nɛ, ǹ nə́ toa walan miɛ̃ duduu Dɛnaa Lawa taman yii, min ba boe la a na a mìi bɔ wa. Ǹ doamaa nɛ ǹ bɛ dɛ a gã.

Matiə 26:4

ǹ nə́ n lɛ kaa kun boo goon ganaa, mà maǹ die Yezu kuĩ ka durii ni ǹ dɛ.

Matiə 26:74

Piɛrɛ yoo á dì bíi a din li, á n liɛ: «Bɛ̀ masɛ soɛ bɔ, Lawa dɔlɔ bɔ ma ganaa! Masɛ a kɛa giĩ lɛ doɛ̃ wa dɛ!» A din biikoo lɛ li gɔrɔ, koo sa goon nə́ wuu pɛ.

Matiə 27:25

Zaman lɛ tumaa tɔ́n pɛ: «A gɛ̀ lɛ a koen nə goã wɔsɛn dinin laanka wɔa nɛnyaanan mìi ni!»

Nya ǹ dín 23:13

Min mɛnɛn nə bɛa liɛ kɛ lɛ wɔ, ǹ nə́ là min pusi ni.

Nya ǹ dín 23:14

Ǹ nə́ woo wúlu-bɔlen goledɛnan laanka nyɛɛnaandɛnan yaa, ǹ nə́ pɛ bɛn manɛ: «Wɔsɛn man wɔ́ n liɛ taãn-taãnɛ, wáa wɔ ba màn kɔ́n we wɔ lɛ-n wa, yǎa wɔ Pooli dii a giɛ̃.

Nya ǹ dín 23:21

N nyan toa ǹ nə n bebele wa. Minin lɛn man gɔn diɛ Pooli ganaa. Ǹ tá re liɛ min pusi ni ǹ nə́ die bɛa dí kɛ lɛ nyɛɛ. Ǹ nə́ n liɛ dinin, mà ǹsɛn ba màn kɔ́n we ǹ lɛ-n wa, yǎa ǹsɛn nə Pooli lɛ dii a giɛ̃. Ǹ nə́ ǹ sii tumaa yɔrɔ bɔ á nya, maǹ nə n yii diɛ n din a lɛ-kɔ la.»

Nya ǹ dín 23:30

Bɛ kio má ma, mà minin man nə́ n lɛ kaa kun, ǹ nə́ giɛ li ǹ dɛ a gã, bɛ lɛ-n má giĩ lɛ dia n la. Má pɛ a zɛ̀rɛ-baalin lɛn nɛ, máa ǹ wo a zɛ̀rɛ baa n din yɔrɔ-a.»

Nya ǹ dín 25:3

mà a bǐɛ̃ kɔ ǹsɛn-a, a da ka Pooli ni Zeruzalɛmu. Sonbore, maǹ nə́ n lɛ kaa kun ǹ nə́ die gɔn diɛ Pooli ganaa ǹ dɛ zii la.

Nya ǹ dín 9:23

Lɛawaan kɔnɔn bɛ́ ǹ nə́ kiɛ̃, Zuifun lɛn nə́ da kɔn nɛ, mà maǹ die Sooli dii a gã.

Nya ǹ dín 9:24

Bɛ lɛ nɛ, ǹ nə́ goã kiwi lɛ a kiɛnlɛn lɛduĩ tèlò-n ka penleen ne, màn mɛn bɛ́ toɛ, ǹ dɔ a ganaa ǹ dɛ a gã. Sɛnɛ, Sooli bɔ ǹ sii lɛ siére-a.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Korɛnti2 11:26

Maa zii tɔ wɔ gigiã kɛ gɔ́ɔ̃ nɛ ka ma gòã nɛ, sii gɔgɔrɛn nə́ ma yɛ tà kuru ǹ bǎãn nɛ, waa zii ganaa wolen wɔ paǹ li, ma dɔɔ̃n Zuifun wɔ paǹ li, tɔrɔ kɔsɔn wɔ paǹ li, kiwi dadaran gɔ́ɔ̃ nɛ, ka don sabii ni, yìsi mu li ni ka ma din dɔɔ̃n babaraan nɛ.

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Tesaloniki1 2:16

Min mɛnɛn bɛ́ ǹ ba Zuifun lɛa wa maǹ wɔ kurii, mà wɔ baran kirisibaa ǹ boo kɛ pɛ bɛn man wa. Maǹ màn diɛ ǹ dinin sii baraa li miɛ̃ biikoo tumaa li, ǹ tá a lɛ piɛ̃. Sɛnɛ, a giala-nyɔmiɛ li, Lawa a foo-busii yu ǹ mìi ni.

Zozoe 6:26

Bɛa waáraa kɛ lɛ nɛ, Zozoe nə́ n liɛ á pɛ: «Min mɛn bɛ́ re yui kɛ kio mà a n kiwi kɛ doe, Zerikoo kiwi lɛ, Dɛnaa Lawa die a bɔ̀n da bɛa dɛnaa ganaa. Min mɛn bɛ́ re a gòã kiɛ tán ǹ mɛn pinaa, a nɛgiĩ bibinaa gã. A bɛ́ re goo we lɛ ǹ mɛn pinaa, a nɛgiĩ gɔn nyɔmiɛ̃ gã.»

Zozoe 7:1

Sɛnɛ, Izirayeli minin lɛn nə́ Lawa bɔlɔ tii. Dɛnaa Lawa bɛ́ á n gɔn waa ǹ nɛ, mà ǹ baran màn kɔn saa Zerikoo kiwi lɛ a yui pinaa wa, min yɛ ǹ bii á màn saa. Zudaa tɔrɔn kɛn min goon ne. A tɔ n Aakan, ǹ di tɔ n Karmii. Karmii lɛ n Zabdii a nɛgiĩ lɛa, Zabdii dɔ n Zeeraa a nɛgiĩ lɛa. Bɛa sii lɛ na á toa Dɛnaa Lawa foo yoo Izirayeli minin lɛn li parsiini.

Zozoe 7:15

Ma bɛ́ re n gɔn nyɛɛ min mɛn ganaa màn lɛ a saali lɛa, ǹ die ǹ bɛa dɛnaa da tɛ-n ǹ tã, a din laanka màn mɛn tumaa bɛ́ a wɔ lɛa. A giala, a na á masɛ Dɛnaa Lawa bɔlɔ tii, á sii bɔbɔnɛɛ zɛnaa Izirayeli gána nɛ.»

Samayeli1 14:24

Izirayeli minin lɛn nə́ nɔmaa bɛa pinaa kɛ lɛ nɛ, a giala, Sayulu nə́ n liɛ á da ǹ bɔlɔ-a kɛnɛn: «Min mɛn bɛ́ re màn-bii we a lɛ-n, wasa ná a tɔn mɛn wa, masɛ n ma tɔn dòo bɔ maa zɔ́ɔn ganaa wa, koe die a bɔ bɛa dɛnaa ganaa.» A bɛ miɛ̃, min kɔn nə yɛ kun ka zaman lɛ nɛ, á màn boɛɛn wɔ a lɛ-n wa.