Nya ǹ dín 23:10 - LAWA A BOO SONBORE

¹⁰ Zia lɛ bɛ́ baraa koe woe nyɛɛnɛ, sɔraasin goledɛnaa pɛ sɔraasin manɛ, mà ǹ soo ǹ Pooli lɛ bɔ zaman lɛ bii ǹ da-n kion, màn mɛn bɛ́ toɛ, minin lɛn baran babaã kɔn wa.

LAWA A BOO SONBORE 2011

¹⁰ Zia lɛ bɛ́ baraa koe woe nyɛɛnɛ, sɔraasin goledɛnaa pɛ sɔraasin manɛ, mà ǹ soo ǹ Pooli lɛ bɔ zaman lɛ bii ǹ da-n kion, màn mɛn bɛ́ toɛ, minin lɛn baran babaã kɔn wa.

Nya ǹ dín 23:10 ပူးပေါင်းရင်းမြစ်များ

Loen 50:22

Kasɛn mɛnɛn yiri bɛ́ boe ka Lawa nɛ, ka toa ka bɛ giala ma. Bɛ bie wa, man die ka kuĩ, ma ka wɔwoɛ̃ kɔn, min dɔ ná a die yii a ka si wa.

Loen 7:2

Dɛnaa Lawa, maa Lawa, man kiɛ n din yele. Min mɛnɛn bɛ́ fuu nyɛɛ ma nɛ, ma kanbaa ǹ ganaa, n ma si ǹ la.

Misee 3:3

A n goon ka ka n ma tɔrɔ minin lɛn siĩ soɛ̃. A n goon ka ka n ká ǹ ki bɔ, ka ǹ wen yiyiɛ, ka siĩ din bɛ́ ǹ tá kukuri, bɛ̀ ǹ kaa kùsì-n lɔn, ka siĩ bɛ́ ǹ tá kukuri, bɛ̀ ǹ kaa fɔlɔ donkolon ne lɔn, ka n ká ma tɔrɔn lɛn baa miɛ̃.

Nya ǹ dín 21:37

Ǹ bɛ́ re we ka Pooli ni sɔraasin dí nya ǹ kion lɛ nɛ ǹ mɛn waáraa, á nɔ̀n da ǹ goledɛnaa lɛ la: «Ma á boe la ma boo goon da n nɛ?» Bɛ́ pɛ Pooli ni: «N tá Grɛki bɔlɔ miɛ?

Nya ǹ dín 22:24

Sɔraasin goledɛnaa lɛ pɛ mà ǹ Pooli da ǹ dí nya ǹ kion lɛ nɛ, ǹ duwəə ǹ nɔ̀n da la, mà minin kɛn lɛn bɛ́ n lɛ dii a ganaa mìi mɛn-a, mà á re bɛ pii.

Nya ǹ dín 23:16

Sɛnɛ, Pooli ǹ miãnɛn a nɛ bɔ bɛa basaã sii kɛ lɛ siére-a. Á baa si á woo sɔraasin dí nya ǹ kion lɛ nɛ, a ná a yɔrɔ pɛ Pooli ni.

Nya ǹ dín 23:27

Giĩ ke ma á diɛ n la ke, Zuifun man nə́ kũ mà maǹ die dii a gã. Ma bɛ́ má a Rɔmu gána minbaa dɔ̃, má pɛ maa sɔraasin manɛ ǹ nə́ si.

Nya ǹ dín 23:28

Ma bɛ́ giɛ li ma a zɛ̀rɛbaa ǹ mìi lɛ dɔ̃, má woo ne Zuifun lɛn kiri-wɔlen kuru yɔrɔ-a.

Nya ǹ dín 23:32

A lɛawaa ǹ nə́ sùi-dabaalin lɛn toa ǹ nə́ woo ka Pooli ni nyɛɛnɛ, sɔraasi gòã tɔ-wɔlen kɛn nə́ wusoo, ǹ nə́ daa ǹ dí nya ǹ kion Zeruzalɛmu.

Nya ǹ dín 24:7

sɛnɛ, sɔraasin goledɛnaa Liziasi si wɔ la ka pàã taãn-taãn nɛ.

Korɛnti2 11:26

Maa zii tɔ wɔ gigiã kɛ gɔ́ɔ̃ nɛ ka ma gòã nɛ, sii gɔgɔrɛn nə́ ma yɛ tà kuru ǹ bǎãn nɛ, waa zii ganaa wolen wɔ paǹ li, ma dɔɔ̃n Zuifun wɔ paǹ li, tɔrɔ kɔsɔn wɔ paǹ li, kiwi dadaran gɔ́ɔ̃ nɛ, ka don sabii ni, yìsi mu li ni ka ma din dɔɔ̃n babaraan nɛ.

Zaaki 1:19

Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

Zaaki 3:14

Sɛnɛ, bɛ̀ foo a wuu pɛ babaraa laanka zɔɔ̃ kɔn-a ǹ taasiɛ ka gɔ́ɔ̃ pã, ka nyan soɛ bɔ ka n dinin baa sii doɛ̃ wolen lɛa, a da yaa sonbore ná a ba ka lon wa.