Nya ǹ dín 22:25 - LAWA A BOO SONBORE

²⁵ Mà maǹ die Pooli naɛ tán ǹ duwəə, sɔraasin kuru mìilandɛnaa mɛn bɛ́ dí lɛ la bɛa pinaa lɛ nɛ, Pooli pɛ bɛ nɛ: «Masɛ din Rɔmu gána min, ka kiri dɔ wɔ ma ganaa wa, wàa mɛn pàã n ka lon ka ma duwəə miɛ̃?»

LAWA A BOO SONBORE 2011

²⁵ Mà maǹ die Pooli naɛ tán ǹ duwəə, sɔraasin kuru mìilandɛnaa mɛn bɛ́ dí lɛ la bɛa pinaa lɛ nɛ, Pooli pɛ bɛ nɛ: «Masɛ din Rɔmu gána min, ka kiri dɔ wɔ ma ganaa wa, wàa mɛn pàã n ka lon ka ma duwəə miɛ̃?»

Nya ǹ dín 22:25 ပူးပေါင်းရင်းမြစ်များ

Matiə 10:17

Ka yiri bɔ dɛ, a giala minin tá re ka kuĩ, ǹ wo ka kɔ kiri-kurulin la, bɛn nə ka duwəə ka sɛ̌n nɛ ǹ lɛsɔkɔn kionən ne.

Matiə 27:54

Rɔmun sɔraasin goledɛnaa laanka sɔraasin mɛnɛn nə́ goã Yezu lɛduĩ, bɛn nə́ tán a bìn-diɛ lɛ yɛ, kun ka sii mɛn tumaa nə́ n zɛnaa, nyɛ́ɛ nə́ ǹ kũ parsiini, ǹ nə́ tɔ́n pɛ: «A na á goã Lawa a Nɛgiĩ lɛa sonbore!»

Matiə 8:8

Sɛnɛ, sɔraasin goledɛnaa lɛ pɛ Yezu ni: «Mìinaa ganaa, masɛ doamaa bie ka n wɔ maa kion ne wa. Boo goon dinsɔɔ̃ pɛ, maa dí-nyali lɛ a busu á die nyɛɛ.

Nya ǹ dín 10:1

Giĩ goon na á goã Sezaaree kiwi a tɔ n Kɔrnɛyi. A na á goã goledɛnaa lɛa sɔraasin kuru kɔ́n nɛ ǹ nə́ bíi "Italiin wɔ".

Nya ǹ dín 16:37

Sɛnɛ, Pooli pɛ ǹ nɛ: «Wɔsɛn mɛnɛn bɛ́ Rɔmu gána minin lɛa, ǹ nə́ wɔsɛn dɛ zaman yɔrɔ-a, bɛ̀ dɔlɔ ná a wɔsɛn kũ wa, ǹ nə́ wɔ kaa kòso-n. Sisia maǹ giɛ li mà ǹ tá wɔ kiɛ ka durii ni. Bɛ ba n zɛnɛɛ wa. Ǹ dininmaan nə da wɔ kaa.»

Nya ǹ dín 22:26

Bɛa boo kɛ lɛ a diɛ gɔ́ɔ̃ nɛ, sɔraasin kuru mìilandɛnaa lɛ woo pɛ goledɛnaa lɛ nɛ: «Sii lɛ a siĩn wa koe! Táa giĩ lɛ n Rɔmu gána min lɛa.»

Nya ǹ dín 23:17

Pooli lɛ dia sɔraasin kuru mìilandɛnaa goon la, á pɛ nɛ: «Mɛ nɛginin kɛ nyɛɛnɛ n wo ne kaa goledɛnaa li, boo tá a lɛ-n a n die pii ni.»

Nya ǹ dín 23:27

Giĩ ke ma á diɛ n la ke, Zuifun man nə́ kũ mà maǹ die dii a gã. Ma bɛ́ má a Rɔmu gána minbaa dɔ̃, má pɛ maa sɔraasin manɛ ǹ nə́ si.

Nya ǹ dín 25:16

Má nyaa ǹ nɛ máa bɛ ba n zɛnɛɛ wɔsɛn Rɔmu gána minin li wa. Wɔsɛn ba kòso nɛ koe min la, a da yaa wɔ́ n wɔ tɔn nə ǹ kaa kɔn yɔrɔ-a, wɔ a zɛ̀rɛ-baalin wɔ ma, wɔ zii kɔ a din dɔ la, a n bɔlɔ pɛ a zɛ̀rɛbaa ǹ sii lɛ wɔ gɔn la wa.

Nya ǹ dín 27:1

Ǹ bɛ́ ǹ nə́ pɛ, mà wɔ n die we tà kuru ǹ goo ne wɔ wo Italii gána nɛ, ǹ nə́ Pooli laanka kòso nɛn kɔsɔn kɔ sɔraasin kuru mìilandɛnaa goon la, a tɔ n Zulusu. Sɔraasin kuru mɛn bɛ́ Kii Gole kɛ tɔ ná a ganaa, bɛa goledɛnaa nɛ.

Nya ǹ dín 27:3

Wɔa woo a lɛawaa, wɔ́ dɔ Sidɔn. Zulusu na á goã Pooli kuĩ ka minbuiinbaa nɛ, á lɛ kɔ mà Pooli wo bɔ a giaáran li kiwi gɔ́ɔ̃ nɛ, bɛn na a laadoo siin zɛnaa nɛ.

Nya ǹ dín 27:43

Sɛnɛ, sɔraasin kuru mìilandɛnaa lɛ bɛ́ a ba li a Pooli dɛ wa, á n piã ka n miãn lɛn taasiɛ lɛ nɛ. Min mɛnɛn bɛ́ boe mu baa la, á pɛ bɛn manɛ mà ǹ parɛ bibinaa nɛ, ǹ nə n dɔ mu li ǹ wo tán lɛ ganaa.