Nya ǹ dín 22:1 - LAWA A BOO SONBORE

¹ «Ma dɔɔ̃nɔn lɛn ka maa diin ni, sisia, ma bɛ́ re boo mɛn diɛ ma din si ǹ wɔ lɛa, ka n too kɔ bɛ ganaa.»

LAWA A BOO SONBORE 2011

¹ «Ma dɔɔ̃nɔn lɛn ka maa diin ni, sisia, ma bɛ́ re boo mɛn diɛ ma din si ǹ wɔ lɛa, ka n too kɔ bɛ ganaa.»

Nya ǹ dín 22:1 ပူးပေါင်းရင်းမြစ်များ

Luku 12:11

«Bɛ̀ ǹ nə́ ka kũ ǹ nə́ woo ka nɛ lɛsɔkɔn kionən ne, ǹ nə́ die kiri kuri ka la, hinlaa nyɛɛnaandɛnan kɔsɔn li ka pàã mìilan dɛnan nɛ, ka baran n gɔ́ɔ̃ bii ka ka bɔ ǹ gɔn nɛ wa, ka baran n gɔ́ɔ̃ bii ka kaa da ǹ boo dɔ-n wa.

Luku 21:14

Ka da ka yiri ni mà ka doamaa bie, ka saa lɛlɛ ka n dinin bɔ sii ni ǹ boo yɔrɔ bɔ ka koa wa.

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Nya ǹ dín 19:33

Zuifun nə́ Alɛksandrə nyanaa ǹ nə́ da nyɛɛnɛ, yǎa minin kɔnɔn nə sii lɛ yɔrɔ pɛ nɛ. Alɛksandrə nə́ n gòon saa lon, mà a n die boo diɛ zaman lɛ nɛ, á nyɛɛ mà Zuifun nə sii kɛ lɛ la wa.

Nya ǹ dín 23:1

Pooli nə́ n yii doa kiri-wɔlen kuru lɛ la, á pɛ: «Dɔɔ̃nɔn lɛn, masɛ bɛ́ má maa tɔ wɔ lɔn Lawa yɔrɔ-a, á daa kaa pelo lɛ, ma foo ba ma din zɛ̀rɛ biɛ ka sii kɔ́n nɛ bɛ wɔ a paǹ li wa.»

Nya ǹ dín 23:6

Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»

Nya ǹ dín 24:10

Kii lɛ bɛ́ á zii kɔ Pooli la mà a boo da, Pooli pɛ: «Masɛ á doɛ̃ má a lɛ̀ damata ke, n nə́ gána kɛ a kiri sii yɔrɔ-bɔle lɛa. Bɛ lɛ nɛ ma foo á doa nɛ man bɔlɔ pɛ n yɔrɔ-a.

Nya ǹ dín 25:16

Má nyaa ǹ nɛ máa bɛ ba n zɛnɛɛ wɔsɛn Rɔmu gána minin li wa. Wɔsɛn ba kòso nɛ koe min la, a da yaa wɔ́ n wɔ tɔn nə ǹ kaa kɔn yɔrɔ-a, wɔ a zɛ̀rɛ-baalin wɔ ma, wɔ zii kɔ a din dɔ la, a n bɔlɔ pɛ a zɛ̀rɛbaa ǹ sii lɛ wɔ gɔn la wa.

Nya ǹ dín 25:8

Pooli na á goã pii a din wɔ gɔn la: «Ma sii kɔ́n zɛnaa á Zuifun landa ziziɛ̃ wa, ma Lawa a kion kɛ a soɛ̃ sii kɔ́n zɛnaa wa, ma màn kɔ́n da Rɔmu a kii gole gole lɛ dɔ ganaa wa.»

Nya ǹ dín 26:24

Pooli bɛ́ boo diɛ miɛ̃, Fɛstusu nə́ n lɛ bũ á pɛ ka lɛn gole ne: «Pooli ganaa, n yii a kɔɔ̃n wa! N daraa gole lɛ ná a n yiri yoo.»

Nya ǹ dín 28:17

Lɛawaa sɔɔ bɛ kio, Pooli lɛ dia Zuifun nyɛɛnaandɛnan la. Ǹ bɛ́ ǹ nə́ daa n lɛ sɔkɔn, á boon kɛn da ǹ nɛ: «Ma dɔɔ̃ngiĩn lɛn ganaa, ma sii la ma tɔrɔ minin la wa, ma wɔ digolon landa sii kɔ́n sàabaa wa, sɛnɛ, maǹ nə́ masɛ kũ ǹ nə́ ma da kòso-n Zeruzalɛmu, ǹ nə́ ma wɔ Rɔmu minin gɔn.

Nya ǹ dín 7:2

Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.

Rɔmu minin 2:15

Ǹ dinin tɔ wɔ ǹ gɔn nə nyɛɛ kɛnɛn, mà dí-pɛn bɛ́ giɛ màn mɛn li, mà bɛ n kiɛ̃ nɛ ǹ gɔ́ɔ̃ nɛ. Ǹ dinin foo n bɛa siére pii, ǹ taasiɛn manə ǹ zɛ̀rɛ biɛ biikoo tɛn li, ǹ sonbore kɔ ǹ la biikoo tɛn dɔ li.

Korɛnti1 9:3

Ma bɛ́ yɔ boe ma tɔ-pɛlen ganaa, ka yɔrɔ mɛn nɛ, bɛ á ke:

Korɛnti2 12:19

Kɔntan, ka ǹ taasɛ haalɛ bibi, mà ma nə n din biɛ min pepere lɛa kasɛn yɔrɔ-a. Haayii, maa giaáran lɛn, Krita bɛ́ giɛ màn mɛn li, wɔ ǹ bɛ pii ka nɛ Lawa yɔrɔ-a. Man bɛ tumaa zɛnɛɛ, ka dinin bǐɛ̃ kɔ a wo nyɛɛn a lɛa goleemali gɔ́ɔ̃ nɛ.

Korɛnti2 7:11

Foo-ziziɛ̃ mɛn ka yɛ, Lawa dí mɛn nya ka bɛ nɛ, ka yii tá a sii-zɛnaa ganaa kanna! Ka yii tá a ganaa, bɛa foo-ziziɛ̃ kɛ lɛ na á toa, ka n we yii sii kɛ lɛ a zɛnaali li, ka yii kakabaa nɛ, ka kaa zia gii si nyaa! Foo-yoo baraa mɛn goã ka nɛ, sii lɛ a zɛnaali wɔ paǹ li! Ka nyɛ́ɛ mɛn baa masɛ a foo-yoo ne! Wɔa wusoo a kɔn yɛ ǹ foo mɛn goã ka nɛ! Din kɔ sii ganaa mɛn goã ka nɛ, ká dɔlɔ bɔ sii baraa-zɛnaali lɛ ganaa! Ka ǹ ká nyaa ka bɛ lɛ tumaa nɛ, mà ka gii ba sii baraa kɛ lɛ-n wa.

Filipi minin 1:17

Gialakunun taasiɛ a siĩn wa. Maǹ Krita boo lɛ diɛ ka foo a wuu pɛ nɛ, ǹ nə́ taasɛ, mà ǹsɛn man màn diɛ maa fuu li, maa tá kòso-n lɛ gɔ́ɔ̃ nɛ.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Timote2 4:16

Ma bɛ́ n bɔlɔ pii kiri wɔ ǹ bǎã-n bibinaanɛ, min kɔ́n bɔ ma lɛ-a wa, ǹ tumaa ma toa. Lawa baran ǹ kũ bɛ li wa.

Piɛrɛ1 3:15

Sɛnɛ, ka toa *Krita goã kaa Dɛnaa lɛa, ka bǎã kɔ a dinsɔɔ̃ la ka foo ne. Ka n yɔrɔ bɔ biikoo tumaa li ka koa, foo-doa mɛn bɛ́ ka lon, bɛ̀ minin tá nɔ̀n diɛ ka la bɛ wɔ gɔn la, ka toa ka a yɔrɔ sonbore nyaa ǹ nɛ.