Nya ǹ dín 21:8 - LAWA A BOO SONBORE

⁸ A lɛawaa wɔ́ yoo doo, wɔ́ zii tɔ wɔ wɔ́ woo dɔ Sezaaree kiwi. Wɔ́ woo n yu Lawa a boo tii kɔɔ̃n pɛle Filipi a piɛ. Ǹ min sɔbaa mɛn bɔ Zeruzalɛmu sii yɔrɔ-bɔlen lɛa, bɛn lɛn goon ne, wɔ́ woo giã a piɛ.

LAWA A BOO SONBORE 2011

⁸ A lɛawaa wɔ́ yoo doo, wɔ́ zii tɔ wɔ wɔ́ woo dɔ Sezaaree kiwi. Wɔ́ woo n yu Lawa a boo tii kɔɔ̃n pɛle Filipi a piɛ. Ǹ min sɔbaa mɛn bɔ Zeruzalɛmu sii yɔrɔ-bɔlen lɛa, bɛn lɛn goon ne, wɔ́ woo giã a piɛ.

Nya ǹ dín 21:8 ပူးပေါင်းရင်းမြစ်များ

Nya ǹ dín 10:1

Giĩ goon na á goã Sezaaree kiwi a tɔ n Kɔrnɛyi. A na á goã goledɛnaa lɛa sɔraasin kuru kɔ́n nɛ ǹ nə́ bíi "Italiin wɔ".

Nya ǹ dín 16:10

Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.

Nya ǹ dín 16:13

*Susu ǹ pii pinaa, wɔ́ soo wɔ́ n bɔ kiwi lɛ nɛ, wɔ́ woo tà kɔ́n lɛ-a. Wɔ́ taasɛ wáa wɔ á boe la wɔ Zuifun Lawa nyankɔ ǹ bǎã kɔ́n yɛ walan. Wɔ bɛ́ wɔ́ giã tán, lɔn mɛnɛn lɛ bɛ́ soe-n kɔn walan, wɔ́ boo da bɛn nɛ.

Nya ǹ dín 16:16

Ǹ kɔ́n pinaa wɔ bɛ́ woe Lawa nyankɔ ǹ bǎã nɛ, bɛ̀rɛlɔ goon daa n da wɔ lɛ. Nɔ̀ɔnɔn man a ganaa, a n wɔkuĩ. A bɛ́ min mɛnɛn bɛ̀rɛ lɛa, a wɔ-kũ ǹ dí na á goã là gole we bɛn lon.

Nya ǹ dín 18:22

á woo gisĩ Sezaaree kiwi, á tɔ́n tɔ wɔ, á woo fòo da Lawa a sɔmɔ minin manɛ Zeruzalɛmu. Bɛ kio, á woo Antiɔsi kiwi.

Nya ǹ dín 20:13

Wɔsɛn nə́ yoo Pooli nyɛɛnɛ, wɔ́ wɔ tà kuru ǹ goo ne wɔ́ woo Asɔsi kiwi. Pooli sɛ mà asɛ n die koe zii lɛ, wɔ tɔn wo kɔn yaa walan wɔ saa tà kuru ǹ goo ne.

Nya ǹ dín 20:6

*Yɔ bùbaã buuru zɔ́n a kiɛ̃ kio, wɔ dininmaan dɔn nə́ yoo Filipi kiwi, lɛawaa sooro gɔ́ɔ̃ nɛ wɔ́ woo ǹ yaa Troasi. Wɔ́ golee walan wɔ́ piizii goon zɛnaa.

Nya ǹ dín 21:16

Sezaaree kiwi a Lawa-nyankɔlen kɔnɔn dɔn man zii tɔ we kun wɔ nɛ, bɛn nə́ woo wɔ nɛ Siiprin giĩ goon a piɛ, a tɔ n Naasɔn, *Krita a kialandɛnaa bibinaan lɛn goon ne.

Nya ǹ dín 23:23

Sɔraasin goledɛnaa lɛ tɔ́n sɔraasin kuru mìilaǹdɛnaa min paa bíi, á pɛ ǹ nɛ: «Ka sɔraasi biɛpaa (200) yɔrɔ bɔ, ka sùi-dabaali pɔsɔbaa nɛ, ka sɛmiɛ̃-gũli biɛpaa nɛ, ka ǹ dia Sezaaree kiwi tèlò a biikoo sɔɔbaa ǹ wɔ li.

Nya ǹ dín 27:1

Ǹ bɛ́ ǹ nə́ pɛ, mà wɔ n die we tà kuru ǹ goo ne wɔ wo Italii gána nɛ, ǹ nə́ Pooli laanka kòso nɛn kɔsɔn kɔ sɔraasin kuru mìilandɛnaa goon la, a tɔ n Zulusu. Sɔraasin kuru mɛn bɛ́ Kii Gole kɛ tɔ ná a ganaa, bɛa goledɛnaa nɛ.

Nya ǹ dín 28:11

Mui sɔɔ bɛ kio, wɔ́ wɔ Alɛksandrii kiwi a tà kuru ǹ goo goon ne, a tɔ n "Dioskuru". Bɛa tà kuru ǹ goo lɛ na á bɔ̀nɔn zɛnaa Malti gána nɛ.

Nya ǹ dín 28:16

Wɔ bɛ́ wɔ́ dɔ Rɔmu kiwi, ǹ nə́ lɛ kɔ mà Pooli kion saa, sɛnɛ, sɔraasi goon na á goã a lɛduĩ.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Nya ǹ dín 9:30

Ǹ dɔɔ̃n Lawa-nyankɔlen bɛ́ ǹ nə́ bɛ ma, ǹ nə́ kũ ǹ nə́ woo ne Sezaaree kiwi, ǹ nə́ tɔ́n nə n toa walan, ǹ nə́ dia Tarsi kiwi.

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.