Nya ǹ dín 21:5 - LAWA A BOO SONBORE

⁵ Wɔ bɛ́ wɔ́ piizii lɛ lɛ pã ǹ li, wɔ́ wusoo wɔ́ wɔa zii kũ wɔ́ woo. Ǹ dinin tumaa, ǹ lɔn nɛ ka ǹ nɛnyaanan nɛ, ǹ nə́ wɔ da zii yǎa lalaa lɛ-a. Wɔ́ n musin koa tán kun mu lɛ-a walan, wɔ́ Lawa nyankɔ.

LAWA A BOO SONBORE 2011

⁵ Wɔ bɛ́ wɔ́ piizii lɛ lɛ pã ǹ li, wɔ́ wusoo wɔ́ wɔa zii kũ wɔ́ woo. Ǹ dinin tumaa, ǹ lɔn nɛ ka ǹ nɛnyaanan nɛ, ǹ nə́ wɔ da zii yǎa lalaa lɛ-a. Wɔ́ n musin koa tán kun mu lɛ-a walan, wɔ́ Lawa nyankɔ.

Nya ǹ dín 21:5 ပူးပေါင်းရင်းမြစ်များ

Kiin1 8:54

Salomɔn bɛ́ á bɛa siin kɛn lɛn tumaa nyankɔ Dɛnaa Lawa lon, á gòã-kũ da a ganaa á nya ǹ mɛn waáraa, á yoo á n bɔ tán Dɛnaa Lawa a wúlu bɔ ǹ bǎã lɛ yɔrɔ-a. A na á goã a musi lɛn la tán wúlu bɔ ǹ bǎã lɛ nɛ, a gɔnɔn nə́ dia-n lon.

KZS2 20:13

Zudaa zaman tumaa ka ǹ kion minin ni, ǹ lɔn nɛ, ka ǹ nɛnyaanan nɛ, ǹ nə́ golee lon Dɛnaa Lawa yɔrɔ-a.

Nehemii 12:43

Bɛa pinaa kɛ lɛ nɛ, minin nə́ wúlu didi bɔ, ǹ nə́ goã foo kɔɔ̃nbaa gɔ́ɔ̃ nɛ, a giala Lawa na á foo kɔɔ̃nbaa gole kɔ ǹ la. Lɔn laanka nɛnyaanan dɔn nə́ goã n nyɛnyɛɛ, minin nə́ n toa sɔsɔɔ ǹ nə́ Zeruzalɛmu a foo kɔɔ̃nbaa lɛ a boo ma.

Loen 95:6

Ka daa wɔ wɔ, wɔ kaa tán, wɔ a guguru kɔ, wɔ n musin koa tán Dɛnaa Lawa lɛ yɔrɔ-a. A din na á wɔ zɛnaa.

Matiə 14:21

Min mɛnɛn nə sɔ̃, ǹ tá giĩ duu sooro (5 000) boe, lɔn laanka nɛnyaanan gòɛ̃ ná a ba a-n wa.

Marki 1:40

Giĩ goon ne, gɔ̀nɔn busu babaraa goã a ganaa, á daa Yezu li, á kaa tán a giulun, a ná a nyankɔ parsiini á pɛ: «Bɛ̀ n tá li, n tá boe la n maa busu nya.»

Luku 22:41

A din nə́ tɔ́n nə n zɔ̃ á n bɔ ǹ ganaa, á woo tiãlɛa sɔsɔɔ ka kɔlɔ zũ a mɛ tán-a ǹ bǎã bɛ́ lɔn. A bɛ́ á kaa tán, á Lawa nyankɔ á pɛ:

Nya ǹ dín 15:3

Lawa a sɔmɔ minin nə́ ǹ zii tɔ-we sii yɔrɔ bɔ. Ǹ bɛ́ kiɛ̃ Fenisii gána nɛ ka Samarii gána nɛ, ǹ nə́ tɔrɔ kɔsɔn golee Lawa li kɛ boo da, á foo kɔɔ̃nbaa da dɔɔ̃nɔn tumaa ganaa parsiini.

Nya ǹ dín 17:10

Tèlò bɛ́ á kɔ, dɔɔ̃n Lawa-nyankɔlen lɛn nə́ Pooli laanka Silaasi bɔ ǹ nə́ ǹ da zii, ǹ nə́ woo Beere kiwi. Ǹ bɛ́ ǹ nə́ dɔ walan, ǹ nə́ woo Zuifun lɛsɔkɔn kion.

Nya ǹ dín 20:36

Bɛa boon kɛn kio, á n musin koa tán kunun ǹ tumaa nɛ, á Lawa nyankɔ.

Nya ǹ dín 20:38

Màn mɛn nə ǹ yɔrɔ kɔsɛ taãn-taãnɛ, bɛ n ka kɛ nɛ, a bɛ́ á pɛ ǹ nɛ mɛnɛn ke, mà ǹ ba re asɛ yii doo wa. Bɛ kio, ǹ nə́ da zii yǎa tà kuru ǹ goo lɛ-a.

Nya ǹ dín 9:40

Piɛrɛ pɛ mà min tumaa soo. A din nə́ mɛ a musin la, á Lawa nyankɔ. Bɛ kio á n yɔrɔ dia gere lɛ la, á pɛ: «Tabita, yoo lon.» Lɔ lɛ nə́ n yii bũ, á bɛ́ á Piɛrɛ yɛ lɔn gɔrɔ, á yoo á giã a giala la.

Zozoe 24:15

Sɛnɛ, bɛ̀ dí nya Dɛnaa Lawa nɛ lɛ a siĩni ka yii li wa, ka dinin bɛ́ li ka dí nya min mɛn nɛ, ka bɛ bɔ pelo. Ka digolon nə lawa kɔsɔn mɛnɛn guguru kɔ bɛ̀ ǹ bɛ́ tɔn giã-n Efrati tà kio, hinlaa ǹ bɛ́ giã-n Amɔɔrɔ tɔrɔn mɛnɛn gána nɛ, bɛn dìn kɛn. Masɛ laanka maa kion minin ni sɛn, wɔsɛn man die dí nyɛɛ Dɛnaa Lawa nɛ.»

Zozoe 8:35

Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.