Nya ǹ dín 21:3 - LAWA A BOO SONBORE

³ Wɔ bɛ́ wɔ́ diri Siipri la, wɔ́ nə́ n toɛ tà kuru ǹ goo ne wɔ yii ná a ganaa, wɔ́ kanaa wɔ́ bɔ a gusin a lɛ̀gɔn li, wɔ́ mu kuru wɔ́ woo Siirii ganaa. Wɔ́ golee Tiiri kiwi, a giala, ǹ doamaa nɛ ǹ tà kuru ǹ goo lɛ a guĩ gisĩ walan.

LAWA A BOO SONBORE 2011

³ Wɔ bɛ́ wɔ́ diri Siipri la, wɔ́ nə́ n toɛ tà kuru ǹ goo ne wɔ yii ná a ganaa, wɔ́ kanaa wɔ́ bɔ a gusin a lɛ̀gɔn li, wɔ́ mu kuru wɔ́ woo Siirii ganaa. Wɔ́ golee Tiiri kiwi, a giala, ǹ doamaa nɛ ǹ tà kuru ǹ goo lɛ a guĩ gisĩ walan.

Nya ǹ dín 21:3 ပူးပေါင်းရင်းမြစ်များ

Samayeli2 8:6

Davida minin bɔ á ǹ koa Siirii minin lɛn mìi la Damaasi kiwi. Siirii minin lɛn nə́ nɔmaa ǹ nə́ Davida a dí-nyalin baa, ǹ nə́ goã nyin giɔ̀mɔ sarɛɛ Davida la. Davida goã woe bǎã mɛn tumaa nɛ, Dɛnaa Lawa na á goã gɔ̀lɔ̀baa koe la miɛ̃.

Loen 45:12

N siĩnbaa kɛ die a kɔɔ̃n kɔ kii ganaa. A din nə n dɛnaa lɛa. Kaa tán a giulun n na a guguru kɔ.

Loen 87:4

Man Ezipti laanka *Baabilonii tɔ bíi, kun maa doɛ̃ wolen ne. Haalɛ minin mɛnɛn dɔn dinin bɛ́ ǹ nə́ yɛ Filisiti, Tiiri ka Etiopii gána nɛ.

Izayii 7:2

Lɛ dia dɔ Davida tɔrɔ Ahaazi ganaa, ka a kiodɛnan tumaa nɛ, mà Siirii minin nə́ wɔ Efrayimu gána nɛ. Bɛa kibərə lɛ bìn da kii laanka a zaman ganaa parsiini ka piɛ̃ bɛ́ bìn diɛ da ganaa lɔn.

Matiə 11:21

«Kasɛn Koraazɛn minin kɛn, bɔ̀n nə kaa wɔ lɛa! Kasɛn Bɛtsayidaa minin kɛn, bɔ̀n nə kaa wɔ lɛa! A giala kaãbaa ǹ siin mɛnɛn bɛ́ ǹ nə́ n zɛnaa kaa piɛ, bɛ̀ bɛn man nə́ n zɛnaa Tiiri kiwi laanka Sidɔn kiwi babaraan kɛn nɛ, bɛ̀ ǹ nə́ boroon wɔ ǹ dinin ganaa, ǹ nə́ ton kaa ǹ dinin ganaa haalɛ bibi, ǹ nə́ nyaa mà ǹsɛn nə́ n taasɛ ǹ nə́ wusoo ǹ sii baraan kio.

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Luku 10:13

«Kasɛn Koraazɛn minin kɛn, bɔ̀n nə kaa wɔ lɛa. Kasɛn Bɛtsayidaa minin kɛn, bɔ̀n nə kaa wɔ lɛa. A giala kaãbaa ǹ sii gigiã nə́ n zɛnaa kaa kiwi. Bɛ̀ bɛn man nə́ n zɛnaa Tiiri laanka Sidɔn kiwi babaraan kɛn nɛ, bɛ̀ bɛn minin nə́ wusoo ǹ sii baraan kio haalɛ bibi, ǹ nə́ boroo wɔ, ǹ nə́ ton kaa ǹ dinin-a, ǹ nə́ ǹ yɔrɔ-kɔsiɛ nyaa.

Luku 2:2

Bɛa minin-nimii lɛ na a bibinaa lɛa, a na á n zɛnaa bɛ̀ Kirinusu n Siirii gána mìi la.

Nya ǹ dín 11:19

Fuu gole mɛn da Itian a gɛ̀ waáraa, á Lawa-nyankɔlen sasawaa. Bɛa minin kɛn lɛn tɛn nə́ woo yǎa Fenisii gána nɛ, ǹ nə́ wɔ Siipri gána laanka Antiɔsi kiwi. Ǹ Lawa a boo pɛ min kɔsɔ kɔ́n nɛ duduu wa, yǎa Zuifun.

Nya ǹ dín 12:20

Zia baraa kɔ́n na á goã a laanka Tiiri ka Sidɔn kiwi minin bii ni. Bɛa kiwin lɛn minin nə́ n lɛ kaa kun ǹ nə́ woo bɔ Erɔdi li. Maǹ nə́ kii lɛ a kion gɔ́ɔ̃ dí-nyali Balaatusu lɛ pii, ǹ nə́ n doa kɔn nɛ, mà ǹsɛn man giɛ zia lɛ a nya ka minbuiinbaa-n li. Sonbore, bɛa minin kɛn lɛn gána a màn-bii na á goã boe kii kɛ wɔ nɛ.

Nya ǹ dín 13:4

Barnabaasi laanka Sooli bɛ́ Yiri Fu a dia dí-a wolen lɛa, ǹ nə́ woo Selusii kiwi, ǹ nə́ tà kuru ǹ goo saa walan ǹ nə́ n yɔrɔ dia Siipri gána la.

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 15:39

Á liere baa ǹ bii ni taãn-taãn nɛ, didie nɔmaa á woo a wɔa paǹ li. Barnabaasi Marki kũ ǹ nə́ tà kuru ǹ goo saa ǹ nə́ woo Siipri.

Nya ǹ dín 15:41

Á Siirii gána wɔsɔ ka Siliisii gána nɛ, á Lawa a sɔmɔ minin foo taã mà ǹ goã golee Lawa li gɔ́ɔ̃ nɛ.

Nya ǹ dín 18:18

Pooli giã Korɛnti á biikoo gigiã zɛnaa. Bɛ kio, á dɔɔ̃n Lawa-nyankɔlen lɛn toa walan, á wɔ tà kuru ǹ goo ne, á woo Siirii gána-n kun ka Prisili laanka Akilaasi ni. A bɛ́ á dɔ Sankree kiwi, á n mìi kɔɔ̃ kəni, a giala, a na á goã á n lɛ kɔ Lawa la.

Nya ǹ dín 21:16

Sezaaree kiwi a Lawa-nyankɔlen kɔnɔn dɔn man zii tɔ we kun wɔ nɛ, bɛn nə́ woo wɔ nɛ Siiprin giĩ goon a piɛ, a tɔ n Naasɔn, *Krita a kialandɛnaa bibinaan lɛn goon ne.

Nya ǹ dín 21:2

Wɔ́ woo tà kuru ǹ goo goon yaa walan á n woe Fenisii gána nɛ, wɔ́ wɔ bɛ nɛ wɔ́ woo.

Nya ǹ dín 21:7

Wɔ dɔn nə́ yoo Tiiri lɛ nɛ, wɔ́ mu kuru wɔ́ daa dɔ Tolemayisi kiwi. Wɔ bɛ́ wɔ́ dɔɔ̃nɔn yɛ wɔ́ fòo da ǹ nɛ, wɔ́ lɛawaa goon zɛnaa kunun ǹ ni.

Nya ǹ dín 27:4

Wɔ bɛ́ wɔ́ yoo walan, Siipri gána mɛn bɛ́ mu bii, wɔ́ bɔ bɛ para li, a giala, bɛ̀ wɔ́ pɛ wáa wɔ n woe pepere, piɛ̃ nə n diɛ wɔ lɛ.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Sii yɔrɔ-bɔlen 10:6

Sii mɛn bɛ́ baraa Dɛnaa Lawa yii li, Izirayeli minin lɛn nə́ wusoo, ǹ ná a giala kɔ, ǹ nə́ bɛ zɛnaa. Ǹ nə́ dí nya dìn manɛ: Bɛn man ka *Baali laanka *Asitartee ne. Ǹ nə́ tɔrɔ kɔsɔn lawan guguru kɔ: Aramu minin wɔn manɛ, Sidɔn minin wɔn nɛ, Moabu tɔrɔn wɔn nɛ, Amɔn tɔrɔn wɔn nɛ ka Filisiti minin wɔn nɛ.