Nya ǹ dín 21:24 - LAWA A BOO SONBORE

²⁴ bɛn kũ, n wo *gɔ̀ bɔ min ganaa ǹ landa sii lɛ zɛnaa kunun ǹ ni, n din nə́ ǹ giɔ̀mɔ saraa. Bɛa yɔrɔ kɛ la, ǹ tá re n mìi koɛ̃. Min tumaa á re doɛ̃, mà ǹ bɛ́ boon mɛnɛn diɛ n wɔ gɔn la ke, mà taãn bie wa, mà n dinmaa lɛ dɔ á koe dí-pɛn lɛn zɛnaa ǹ zii lɛ.

LAWA A BOO SONBORE 2011

²⁴ bɛn kũ, n wo *gɔ̀ bɔ min ganaa ǹ landa sii lɛ zɛnaa kunun ǹ ni, n din nə́ ǹ giɔ̀mɔ saraa. Bɛa yɔrɔ kɛ la, ǹ tá re n mìi koɛ̃. Min tumaa á re doɛ̃, mà ǹ bɛ́ boon mɛnɛn diɛ n wɔ gɔn la ke, mà taãn bie wa, mà n dinmaa lɛ dɔ á koe dí-pɛn lɛn zɛnaa ǹ zii lɛ.

Nya ǹ dín 21:24 ပူးပေါင်းရင်းမြစ်များ

Zɔbu 1:5

Bɛ̀ zɔ́n lɛ kiɛ̃, Zɔbu na a nɛnyaanan lɛn bíi, bɛ̀ a *gɔ̀ bɔ ǹ ganaa. A n yui baayɛlɛ yiisoone, bɛ̀ a tɔɔ dɛ a tã lenlen, a didie a wúlu bɔ nɛ. Zɔbu na á goã zɛnɛɛ miɛ̃ biikoo tumaa li. A giala a na á goã taasɛ, mà kɔntan asɛ a nɛnyaanan lɛn nə́ sii baraa zɛnaa, hinlaa ǹ nə́ wɔ Lawa gasɛ nɛ ka ǹ taasiɛ nɛ.

Zɔbu 41:25

Tán kɛ la, ǹ miã din banban, a na á n zɛnaa kɛnɛn, sii kɔn ba nyɛ́ɛ diɛ a ganaa wa.

Bɔ bɛ̀rɛbaa nɛ 19:10

Dɛnaa pɛ-n doo: «Wo zaman lɛ li, n na a *yoreen kɔ pelo laanka biɛ̃ nɛ. A pɛ ǹ nɛ, mà ǹ nə ǹ mɔnaan pii,

Bɔ bɛ̀rɛbaa nɛ 19:14

Muizu gisĩ á n bɔ kele lɛ la, á woo zaman lɛ li. Á zaman lɛ yoreen kɔ, á pɛ ǹ nɛ, mà ǹ nə́ ǹ mɔnaan pii.

Minin nimi 6:13

«Landa mɛn bɛ́ a tan din-kɔ Lawa la wole lɛ wɔ paǹ li, bɛ á ke: Bɛ̀ a din-kɔ Lawa la biikoo lɛ lɛ pã, ǹ kũ ǹ da nɛ kɔn yɛ ka Lawa nɛ ǹ kion kɛ a kiɛnlɛ-a.

Minin nimi 6:18

Bɛ kio, din-kɔwole lɛ nə n mìi ka mɛn koa a din kɔ lɛ a sii a kɔnboe lɛa, a die a bɛ kɔɔ̃ kɔn yɛ ka Lawa nɛ ǹ kion kɛa kiɛnlɛ-a, a bɛa mìi ka kɛ lɛ goa a zũ tɛ kɛ nɛ kuĩ barka da ǹ wúlu màn kɛ giulun.

Minin nimi 6:5

Din-kɔ biikoo lɛ tumaa gɔ́ɔ̃ nɛ, kùn ba re n diɛ a mìi-n wa, yǎa a din-kɔ Dɛnaa Lawa la biikoo lɛ lɛ piɛ̃. A doamaa nɛ a goã *yoreene Lawa a paǹ li, a mìi ka pã suuni.

Minin nimi 6:9

Bɛ̀ gɛ̀ min dɛ tán bǎã goon ne din-kɔ Lawa la wole lɛ genli, yiri ná a ba li wa, yǎa bɛ gɔ̀ da a din-kɔ Lawa la ǹ mìi lɛ ganaa, bɛ̀ a tá gɔ̀ boe a din-a ǹ mɛn pinaa, a doamaa nɛ, a n mìi lɛ kɔɔ̃. A kɔɔ̃ a lɛawaa sɔbaabaa ǹ wɔ pinaa.

Zaã a sɛ́wɔ 11:55

Zuifun *kiɛ̃mala ǹ zɔ́n nə́ diri. Don kion min gigiã zɔ́n lɛ toa die, ǹ nə́ soo ǹ nə́ woo *gɔ̀ bɔ ǹ dinin ganaa Zeruzalɛmu, á kɔnpɛ ka ǹ landa nɛ.

Zaã a sɛ́wɔ 3:25

Ǹ kɔ́n pinaa, liere yoo giĩ goon laanka ZAÃ a kialandɛnan bii, *gɔ̀ bɔ minin ganaa ǹ landa wɔ gɔn la.

Nya ǹ dín 18:18

Pooli giã Korɛnti á biikoo gigiã zɛnaa. Bɛ kio, á dɔɔ̃n Lawa-nyankɔlen lɛn toa walan, á wɔ tà kuru ǹ goo ne, á woo Siirii gána-n kun ka Prisili laanka Akilaasi ni. A bɛ́ á dɔ Sankree kiwi, á n mìi kɔɔ̃ kəni, a giala, a na á goã á n lɛ kɔ Lawa la.

Nya ǹ dín 21:26

A lɛawaa, Pooli bɛa minin kɛn lɛn kũ kun ka a din ni, ǹ nə́ gɔ̀ bɔ min ganaa ǹ landa sii lɛ giala kɔ kun. Á woo Lawa a kion, á woo ǹ gogoonmaa a lɛawaa kɔ, ǹ bɛ́ re ǹ *wúlu mànan boe lɛawaan mɛnɛn li, gɔ̀ bɔ min ganaa ǹ sii lɛ a zɛnaa kio.

Nya ǹ dín 24:18

Man má goã bɛ lɛ zɛnɛɛ, ǹ nə́ daa ma yaa Lawa a kion, bɛ̀ ma bɛ́ má *gɔ̀ bɔ ma din ganaa. Zaman dɔ din goã kun ma-n wa, n tɔn sii lɔlɔkɔn pɛ.

Korɛnti1 9:20

Má goã kun ka Zuifun ni ka Zuifu bɛ́ lɔn, màn mɛn bɛ́ toɛ, ma gɔn dɔ ǹ ganaa. A laan ma goã Muizu a Landa pàã giulun wa, ma dí nya kunun ǹ ni, ka ma na a pàã giulun, màn mɛn bɛ́ toɛ ma gɔn dɔ tá Landa pàã giulun wolen ganaa.

Galaasi minin 2:12

Zaaki a dia dí-a wolen bɛ́ ǹ tɔn daa wa, a na á goã màn bii kun ka tɔrɔ kɔsɔn kɛn nɛ, Krita a minin lɛa. Sɛnɛ, ǹ bɛ́ ǹ nə́ daa biikoo mɛn li, á n na á n bɔ ǹ ganaa. A màn bii kunun ǹ ni doo wa, a giala, a na á nyɛ́ɛ baa Zaaki a minin lɛn manɛ, ǹ paraa kurii boo ganaa kɛ taman yii.

Sii yɔrɔ-bɔlen 13:5

A giala, n tá re nɔ̀ sii, n nɛgiĩ yɛ. Kùn ba re n diɛ nɛ lɛ mìi-n wa, a giala, a toa ǹ dan gɔ́ɔ̃-n gɔrɔ, bɛa nɛginin kɛ lɛ n die goɛ̃ Lawa wɔ lɛa. A din lɛ n die a giala koe, a Izirayeli minin lɛn si Filisiti minin lɛn la.»