Nya ǹ dín 20:7 - LAWA A BOO SONBORE

⁷ Piizii lɛ a lɛawaa bibinaa giala kɔ li, wɔ n lɛ sɔkɔn, wɔ n die màn bii. Pooli bɛ́ re woe a lɛawaa, á boo da dɔɔ̃nɔn lɛn nɛ yǎa làan kɔ.

LAWA A BOO SONBORE 2011

⁷ Piizii lɛ a lɛawaa bibinaa giala kɔ li, wɔ n lɛ sɔkɔn, wɔ n die màn bii. Pooli bɛ́ re woe a lɛawaa, á boo da dɔɔ̃nɔn lɛn nɛ yǎa làan kɔ.

Nya ǹ dín 20:7 ပူးပေါင်းရင်းမြစ်များ

Nehemii 8:3

Ɛsidrasi bɛa sɛ́wɔ kɛ lɛ pɛ bii-a Mu kiɛnlɛ lɛ nyɛɛnɛ, giĩn laanka lɔn yɔrɔ-a, ka min mɛn tumaa goã boe la ǹ nə́ boo giala miɛ, ǹ ná a woo ǹ bǎã dɔ doɛ̃. A kũ baayɛlɛ yiisoo ganaa a wo penleen yaa, zaman lɛ tumaa na á goã n too koe doɛ̃ dí-pɛn sɛ́wɔ lɛ a boon ganaa.

Nehemii 9:3

Ǹ bɛ́ golee-n lon ǹ bǎã nɛ, ǹ Lawa, Dɛnaa Lawa a dí-pɛn sɛ́wɔ kɛ na á n pɛ á belebɔ, á dɔ biikoo sɔɔ. Ǹ nə́ ǹ sii baraan dɔn pɛ, ǹ nə́ ǹ Lawa, Dɛnaa Lawa guguru kɔ, bɛ dɔ́ belebɔ á dɔ biikoo sɔɔ.

Marki 16:9

Yezu yii bɛ́ á wusoo á kaa, a nɔ̀ɔn sɔbaa loo á ǹ bɔ Magadalaan Mariya mɛn ganaa, a na á n din nyaa bɛ lɛ-n bɔrɔ, susu ǹ pii a lɛawaa baayɛlɛ lɛliɛnɛ.

Luku 22:19

Bɛ kio á buuru saa, a bɛ́ á barka da Lawa nɛ a ganaa á nya, á yiyiɛ kɔn á kɔ ǹ la, bɛ̀ a n pii: «Masɛ din gɔ̀nɔn nə ka kɛ nɛ, ma á koe kaa lɛa. Ka die ka bɛa sii kɛ lɛ zɛnaa masɛ kio, ka n yiri gisĩ masɛ nɛ.»

Luku 24:35

Siin mɛnɛn nə n zɛnaa ǹ dɔn manɛ zii gialaa, Yezu lɛ buuru saa á yiyiɛ lɔn ǹ nə́ tɔ́n dɔ̃, ǹ nə́ bɛn laakalaa.

Zaã a sɛ́wɔ 20:1

Dimaasi pinaa, baayɛlɛ yiisoo ne, bɛ̀ wɔlɔ bɛ́ tɔn tì, Magadalaan Mariya woo yala lɛ lɛ-a, á woo yaa bɛ̀ yala lɛ lɛ bɛ́ tiɛ̃-n ka kɔlɔ mɛn nɛ, bɛ nə́ n bɔ á n bɔ lɛ.

Zaã a sɛ́wɔ 20:19

A din dimaasi pinaa lɛ a wasamiɛnɛ, kialandɛnan lɛn nə́ goã kion kɔ́n nɛ, ǹ nə́ kiɛnlɛ sɔɔ ǹ dinin lɛ, a giala, maǹ nə́ goã nyɛ́ɛ biɛ Zuifun pàãdɛnan lɛn manɛ. Yezu daa á golee ǹ bii, á pɛ ǹ nɛ: «Là nyantoro die a giã ka li.»

Zaã a sɛ́wɔ 20:26

Piizii goon bɛ kio, kialandɛnan lɛn nə́ goã soe-n kɔn kion lɛ-n doo, Toomaa dɔ́ goã kunun ǹ ni. Kiɛnlɛn lɛn tumaa sɔɔmaa nɛ, sɛnɛ, Yezu daa á golee ǹ bii, á pɛ ǹ nɛ: «Là nyantoro die a giã ka li.»

Nya ǹ dín 16:10

Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Nya ǹ dín 20:11

Pooli bɛ́ á wusoo á dii, á buuru yiɛ á sɔ̃. Bɛ kio, á sùn baa yǎa lɛ̀ woo diri waa la, á tɔ́n soo á woo.

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Nya ǹ dín 20:5

Bɛa kuru kɛ lɛ sɛ woo nyɛɛnɛ ka tà kuru ǹ goo ne, á n yii da wɔ la Troasi kiwi.

Nya ǹ dín 20:9

Nɛginin goon ne, a tɔ n Etiki, a na á goã giã-n fenɛtərə lɛkoro la. Pooli bɛ́ boo diɛ woe nyɛɛnɛ, nyuù nɛ lɛ saa. A bɛ́ á nyuù wɔ á kã, á bɔ sanabolo lɛ a kion a sɔɔbaa ǹ wɔ la lon á mɛnaa. Ǹ bɛ́ siɛ lon, ǹ nə́ woo yaa bɛ̀ á gã.

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Korɛnti1 10:16

Ka ga a ganaa: Wɔ bɛ́ mi ǹ màn barkadɛnaa mɛn mii, wɔ n barka diɛ Lawa nɛ, bɛa wɔ kiɛ kun ka Krita mà kɛ-n ma? Wɔ bɛ́ buuru barkadɛnaa mɛn tatalɛ kɔn bɛ̀ wɔ sɔ̃, bɛa wɔ kiɛ kun ka Krita gɔ̀nɔn nɛ wa?

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 16:2

Didie tumaa bɛ́ wɔrɔ mɛn yii, a kɔnpɛ ka a din pàã yii ni, dimaasi gogoon tumaa li, á boe la a bɛ koa a din li, bɛ̀ ma baa die. Ka zɛnaa miɛ̃, màn mɛn bɛ́ toɛ, ka nyan nə n yii da maa daa la ka tɔn bobo wa.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Sii-nyaan 1:10

Dɛnaa a lɛawaa pinaa, Lawa a Yiri Fu ma kũ, má lɛn gole goon ma ma kio, a wuu goã boe kaka ka bɛn lɛn bɛ́ lɔn.