Nya ǹ dín 20:6 - LAWA A BOO SONBORE

⁶ *Yɔ bùbaã buuru zɔ́n a kiɛ̃ kio, wɔ dininmaan dɔn nə́ yoo Filipi kiwi, lɛawaa sooro gɔ́ɔ̃ nɛ wɔ́ woo ǹ yaa Troasi. Wɔ́ golee walan wɔ́ piizii goon zɛnaa.

LAWA A BOO SONBORE 2011

⁶ *Yɔ bùbaã buuru zɔ́n a kiɛ̃ kio, wɔ dininmaan dɔn nə́ yoo Filipi kiwi, lɛawaa sooro gɔ́ɔ̃ nɛ wɔ́ woo ǹ yaa Troasi. Wɔ́ golee walan wɔ́ piizii goon zɛnaa.

Nya ǹ dín 20:6 ပူးပေါင်းရင်းမြစ်များ

Bɔ bɛ̀rɛbaa nɛ 23:15

Bibinaanɛ: *Yɔ bùbaã buuru zɔ́n nɛ. Lɛawaa sɔbaa gɔ́ɔ̃ nɛ, ka buuru sɔ̃ yɔ bù ná a ba li wa. Bɛ nə n zɛnaa mui bibinaa kɛ nɛ, ka ma bɛ́ ma pɛ ka-n lɔn. A giala, ka n ka soo bɛa mui kɛ lɛ nɛ, ka n bɔ Ezipti gána nɛ. Ka baran da masɛ guguru kɔ ǹ bǎã dɔ nɛ ka ka gɔn kooro-n wa.

Bɔ bɛ̀rɛbaa nɛ 34:18

«Ka toa ka *yɔ bùbaã buuru zɔ́n kɛ tamaa ka zɛnaa. Lɛawaa sɔbaa gɔ́ɔ̃ nɛ, ka yɔ bùbaã buuru sɔ̃. Ka zɛnaa a kɔnpɛ biikoo kɛ lɛ nɛ, má pɛ ka nɛ. Mui bibinaa nɛ, a giala, ka n ka soo Ezipti gána nɛ, mui bibinaa kɛ lɛ nɛ.

Nya ǹ dín 12:3

A bɛ́ á yɛ mà Zuifun foo kɔɔ̃n kɔ bɛa sii lɛ gɔ́ɔ̃ nɛ, á minin kaa Piɛrɛ dɔ a kuĩ ganaa. *Yɔ bùbaã buuru zɔ́n waáraa nɛ.

Nya ǹ dín 16:10

Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.

Nya ǹ dín 16:12

Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ.

Nya ǹ dín 16:8

Ǹ nə́ tɔ́n Miizii gána wɔsɔ ǹ nə́ woo Troasi kiwi.

Nya ǹ dín 20:16

Sonbore, Pooli goã giɛ li a golee Efɛɛzi wa, a ba li a biikoo saa Azii gána-n wa. A na á goã n nanaɛ sii goon dinsɔɔ̃ li, bɛ̀ á boe la a dɔ Zeruzalɛmu a kɔnpɛ ka *Pantikɔti Zɔ́n nɛ.

Nya ǹ dín 20:5

Bɛa kuru kɛ lɛ sɛ woo nyɛɛnɛ ka tà kuru ǹ goo ne, á n yii da wɔ la Troasi kiwi.

Nya ǹ dín 21:4

Wɔ́ Lawa-nyankɔlen yɛ kiwi lɛ nɛ, wɔ́ lɛawaa sɔbaa zɛnaa kunun ǹ ni walan. Lawa a Yiri Fu da ǹ yiri-a ǹ nə́ pɛ Pooli ni, mà a baran wo Zeruzalɛmu wa.

Nya ǹ dín 21:8

A lɛawaa wɔ́ yoo doo, wɔ́ zii tɔ wɔ wɔ́ woo dɔ Sezaaree kiwi. Wɔ́ woo n yu Lawa a boo tii kɔɔ̃n pɛle Filipi a piɛ. Ǹ min sɔbaa mɛn bɔ Zeruzalɛmu sii yɔrɔ-bɔlen lɛa, bɛn lɛn goon ne, wɔ́ woo giã a piɛ.

Nya ǹ dín 28:14

Wɔ́ woo wɔ dɔɔ̃nɔn kɔnɔn yaa walan, bɛn nə́ wɔ nyankɔ mà wɔ piizii goon zɛnaa ǹsɛn li. Wɔ n wɔ́ woo Rɔmu kiwi bɛa yɔrɔ kɛ lɛ la.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.

Timote2 4:13

Ma bɛ́ ma dɔnkɛ gole mɛn toa Karpuusu a kion Troasi, bɛ̀ n tá die n da ka bɛ nɛ, ka sɛ́wɔn kɛn dɔn nɛ. Ma laadoo n sɛ́wɔ-muniin kɛn ganaa á la bɛn tumaa nɛ.