Nya ǹ dín 20:32 - LAWA A BOO SONBORE

³² Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

LAWA A BOO SONBORE 2011

³² Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Nya ǹ dín 20:32 ပူးပေါင်းရင်းမြစ်များ

Siin Giala 50:24

Zozɛfu tɔ́n pɛ ǹ dɔɔ̃nɔn lɛn nɛ ǹ kɔn pinaa kɛnɛn: «Masɛ a gɛ̀ dɔ á nya. Sɛnɛ, Lawa á die n doe ka lɛ. A n lɛ kɔ Abrahamu laanka Izaaki la ka Zakɔba nɛ, mà á die gána mɛn koe ka la, Lawa á die ka boe a ka bɔ Ezipti gána nɛ, a wo ka-n walan.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 49:11

Kaa nɛ toenen kɛn, ma á re ǹ toe, kaa lɔ giɔɔrɔn tá boe la ǹ nə n foo doa ma ganaa.»

Marki 10:17

Yezu bɛ́ á mɛ zii la á n woe, giĩ goon baa si á daa kaa tán a giulun á nɔ̀n da la kɛnɛn: «Mìinaa sonbore, masɛ doamaa-n ma wàa zɛnaa ma tɔn nyin nyabaã yɛ?»

Zaã a sɛ́wɔ 15:3

Ma boon mɛnɛn pɛ ka nɛ, bɛn lɛn dinin nə́ ka bǐɛ̃ kɔ gɔrɔ dɔn.

Zaã a sɛ́wɔ 17:17

Ǹ baa n din wɔn lɛa lenlen ka sonbore barka nɛ; n boo lɛ n sonbore lɛa.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 14:3

Ka bɛ din yii ni, Pooli laanka Barnabaasi goã Ikoniɔmu kiwi ǹ nə́ biikoo kɔ́n zɛnaa. Ǹ foo bɛ́ doa-n Dɛnaa ganaa, ǹ nə́ Dɛnaa a boo kɛ pɛ ka foo tãbaa nɛ. Dɛnaa din toa ǹ nə́ kaãbaa ǹ sii sonbore zɛnaa, á nyaa ka bɛn nɛ, mà ǹ boo lɛ n sonbore lɛa.

Nya ǹ dín 15:40

Sɛnɛ, Pooli sɛ Silaasi kũ á da kun a din ni. Dɔɔ̃nɔn ná a sii toa Dɛnaa gɔn, yǎa ǹ zii kɔ la á woo.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 9:31

Bɛa biikoo kɛ li, Lawa a sɔmɔ minin mɛnɛn bɛ́ bǎã tumaa nɛ, Zudee gána nɛ, Galilee gána nɛ ka Samarii gána nɛ, bɛn nə́ goã yii-nyɛɛ la. Ǹ nə́ goã kɔn foo taɛ̃, ǹ nə́ n doe kɔn lɛ, ǹ nə́ goã tɔ we ka nyɛ́ɛbaa Dɛnaa yii-n ni. Lawa a Yiri Fu barka nɛ, màn na á goã miɛ ǹ li á woe nyɛɛnɛ.

Rɔmu minin 8:17

Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 6:10

wurumun ni ka yii bɔ miã gɔn màn li wolen ne, yɔ-mili baraan nɛ, minin tɔ-ziziɛ̃lin ni, ka waa zii-a wolen ne, bɛa min kɛ kɔ́n ba re bǎã yii Lawa a kiibaa-n wa.

Korɛnti1 6:11

Ka tɛnɛn man ka goã miɛ̃. Sɛnɛ, Lawa sii baraa pii á bɔ ka ganaa, á ka bɔ ka gɔrɔn a din wɔn lɛa, á lɛ kɔ ka ganaa min peperen lɛa a din yɔrɔ-a, ka Dɛnaa Yezu *Krita tɔ nɛ, wɔa Lawa a Yiri Fu kɛ dɔ pàã ganaa.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Efɛɛzi minin 1:14

Yiri Fu lɛ n nyɛɛ mà Lawa bǐɛ̃ mànan mɛnɛn koa a zaman nɛ, mà wɔ á re bɛn yii. A din dɔ n wɔ foo doɛ mà ǹ tá re wɔa wɔ biɛ, bɛ̀ wɔa si bɛ̀rɛbaa la lɛ pã ǹ mɛn waáraa. A bɛ́ miɛ̃, ka daa wɔ Lawa a golebaa tɔ bɔ.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 4:12

A na á zɛnaa miɛ̃, mà ǹ Lawa a zaman minin yɔrɔ bɔ, ǹ nə ǹ Lawa-nyankɔlebaa ǹ dí nya, Lawa a sɔmɔ mɛn bɛ́ Krita gɔ̀nɔn lɛa, ǹ bɛ gole kɔ nɛ goleemali gɔ́ɔ̃ nɛ.

Efɛɛzi minin 4:16

A din nə toɛ, gù totoron mɛnɛn bɛ́ gɔ̀nɔn ganaa, ǹ nə́ doa-n kɔn ka kaka gɔ̀nɔn goon lɛa, didie tumaa tá a din a doa kɔn-a ǹ bǎã nɛ. Ka bɛ nɛ, bɛ̀ gù gogoon tumaa tá a dí nyɛɛ, ka a bɛ́ kɔnboe-n lɔn, gɔ̀nɔn lɛ tumumaa n gole koe, màn nə́ miɛ li ka kɔn-narɛɛ nɛ.

Efɛɛzi minin 5:5

Ka dɔ̃ taãnɛ, mà kɔrɔbaali ni, min gɔgɔrɛ nɛ, hinlaa yii mu-mili ni, mà bɛa minin kɛn kɔ́n gii ba Krita laanka *Lawa a kiibaa kɛ-n wa. Yii a mu mi màn li n goon ka dì guguru-kɔ nɛ.

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Kolɔɔsi minin 2:7

Ka toa ka goã golee-n taãn-taãn a din li, ka kaa sii tumaa zɛnaa, ka doa a din ganaa. Ka toa ka wo nyɛɛnɛ, ka golee a din li taãn-taãnɛ, a kɔnpɛ daraa kɛ nɛ ǹ nə́ kɔ ka la. Ka toa ka bǐɛ̃ dɔ̃ Lawa nɛ parsiini.

Kolɔɔsi minin 3:24

Bɛ̀ ka á zɛnɛɛ miɛ̃, ka dɔ̃ mà Dɛnaa din nə n lɛ kɔ a minin la ka màn mɛn nɛ, á re ka sarɛɛ ka bɛ nɛ. Krita n goledɛnaa taãn lɛ lɛa, ka n dí nyɛɛ a din lɛ nɛ.

Ebrəə 10:14

A min mɛnɛn yoreen kɔ, a na á bɛn baa min lɛ-piɛ̃n lɛa yǎa duduu, a din kɔ wúlu màn lɛa gunyin goon toto kɛ lɛ barka nɛ.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Ebrəə 2:11

A giala, Yezu mɛn bɛ́ *gɔ̀ boe minin-a, ka minin mɛnɛn bɛ́ gɔ̀ nə́ n bɔ ǹ ganaa, bɛn tumaa n boe Díi goon ne. Bɛ lɛ na á toa, a ba sìi lɛa Yezu lɛ ganaa, a kɛn lɛn bíi mà asɛ dɔɔ̃nɔn wa.

Ebrəə 9:15

Bɛ lɛ taman yii ni, Krita lɛ á lɛ kɔ kɔn la dii a zɛlɛ lɛa. Sii baraan mɛnɛn nə n zɛnaa lɛ kɔ kɔn la zizi a biikoo li, asɛ na á gã á minin si bɛn la, màn mɛn bɛ́ toɛ, Lawa din min mɛnɛn bíi, á n lɛ kɔ ǹ la ka bǐɛ̃ nyabaã wole ne, bɛn nə bɛ yɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.