Nya ǹ dín 20:31 - LAWA A BOO SONBORE

³¹ Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

LAWA A BOO SONBORE 2011

³¹ Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Nya ǹ dín 20:31 ပူးပေါင်းရင်းမြစ်များ

Ezekieli 3:21

Sɛnɛ, bɛ̀ n nə́ n gɔn waa min pepere lɛ nɛ, màn mɛn bɛ́ toɛ a baran sii baraa zɛnaa wa, bɛ̀ a sii baraa zɛnaa sonbore wa, a yii á re goɛ̃ koo, n gɔn waa nɛ lɛ taman yii. N dinmaa dɔ á re kirisibiɛ.

Matiə 13:25

Ǹ kɔ́n pinaa tèlò-n, min din tumaa bɛ́ nyuù ni, bɛa giĩ lɛ a zɔ́ɔ goon nə́ daa, á buu babaraa we pɛsɛ̃ a màn tɔrɔ sonbore lɛ bii, á kiɛ̃ á woo.

Matiə 3:7

ZAÃ bɛ́ á yɛ ǹ mɛn waáraa, mà *Fariziɛ̃ gigiã laanka *Sadusɛɛ̃ gigiã á die asɛ li, mà asɛ batɛmu da ǹ ganaa, a na á pɛ ǹ nɛ: «Ka kɔrɔka tɔrɔn kɛn! Die na á pɛ ka nɛ, mà Lawa a foo busu ǹ kiri gole mɛn bɛ́ die, mà ka á boe la ka baa si ka la bɛ la?

Luku 21:36

Sɛnɛ, ka n yii dɔraa, ka Lawa nyankɔ biikoo tumaa waáraa, màn mɛn bɛ́ toɛ, pàã yɛ ka lon, ka n bɔ bɛa biɛ̃ ǹ siin kɛn lɛn nɛ, ka boo la ka golee biɛ̃ ka foo tãbaa nɛ Min a Nɛgiĩ yɔrɔ-a kiri kuru ǹ bǎã nɛ.»

Nya ǹ dín 19:10

Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.

Nya ǹ dín 19:8

Mui sɔɔ gɔ́ɔ̃ nɛ, Pooli na á goã we lɛsɔkɔn kion, bɛ̀ a boo da ka foo tãbaa nɛ *Lawa a kiibaa ǹ bǎã kɛ wɔ gɔn la. A na á goã n doɛ màn mɛn bɛ́ toɛ, a too kɔmalon wolen lɛn nə boo lɛ si taãn lɛa.

Nya ǹ dín 20:11

Pooli bɛ́ á wusoo á dii, á buuru yiɛ á sɔ̃. Bɛ kio, á sùn baa yǎa lɛ̀ woo diri waa la, á tɔ́n soo á woo.

Nya ǹ dín 20:19

Masɛ n má dí nya Lawa nɛ ka din gisiĩ ni, ka yii mu ni, fuun bii, Zuifun nə fuun mɛnɛn da masɛ mìi ni, bɛ̀ ǹ bɛ́ giɛ li ǹ ma kũ.

Nya ǹ dín 20:7

Piizii lɛ a lɛawaa bibinaa giala kɔ li, wɔ n lɛ sɔkɔn, wɔ n die màn bii. Pooli bɛ́ re woe a lɛawaa, á boo da dɔɔ̃nɔn lɛn nɛ yǎa làan kɔ.

Nya ǹ dín 24:17

«Lɛ̀ gigiã á kiɛ̃ kio, má wusoo má daa dɔmalɛ ǹ màn kɔ ma tɔrɔ minin la, má daa dɔn, má *wúlu màn bɔ má kɔ Lawa la Zeruzalɛmu.

Korɛnti1 4:14

Ma bie ma sɛ́wɔ kɛ miã dia ka la, ma á sìi diɛ ka ganaa wa. Sɛnɛ, man má dia ka la, man ka doree, ka ma din a nɛnyaanan bɛ́ lɔn ma nə́ ǹ narɛ.

Filipi minin 3:18

Má pɛ ka-n gunyin damata, man wusii ma á pii ka-n kanna ka wuu ni: min gigiã tá tɔn nə n dinin kuĩ Krita a gã gɔn la kɛ a zɔ́ɔn lɛa.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Tesaloniki2 2:5

Ka yiri ba a nɛ, mà má bɛ pɛ ka nɛ bɛ̀ ma bɛ́ tɔn ka li wa?

Tesaloniki2 3:8

Wɔ màn mɛn bii, wɔ bie wɔ́ a nyankɔ min kɔ́n la wa. Sɛnɛ, wɔ dinin man wɔ́ dí nya penleen laanka tèlò ne, wɔ́ fuu yɛ wɔ́ nɔmaa, màn mɛn bɛ́ toɛ, wɔ baran goã guĩ lɛa min kɔ́n mìi-n wa.

Timote2 4:5

Sɛnɛ, nsɛ toa n boo n din la sii tumaa gɔ́ɔ̃ nɛ, n nɔmaa si n ganaa, n Boo Tii Kɔɔ̃n kɛ pɛ, n nə n Lawa a dí nya a yɔrɔ li sɔnbɔraanɛ.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Sii-nyaan 16:15

Á ke, Dɛnaa boo mɛn da: «Man die ka tɔwɛɛ ka wurumu wɔ bɛ́ lɔn. Min mɛn bɛ́ n yiri koɛ a din li, a ná a mɔnaan we, bɛa dɛnaa wɔ á bǐɛ̃ koe, a re woe ka a gɔ̀nɔn kooro ne, ǹ na a sìi yɛ kanaa wa.»