Nya ǹ dín 20:28 - LAWA A BOO SONBORE

²⁸ Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

LAWA A BOO SONBORE 2011

²⁸ Ka ga ka dinin walan, ka Lawa a minin lɛn dɔn nɛ, Yiri Fu bɛ́ á ka bɔ á ka koa ǹ mɛnɛn nyɛɛnɛ. Lawa din na a sɔmɔ mɛn pii ka a din a Nɛgiĩ mà-n ke, ka goã bɛa lɛduə̃lin lɛa.

Nya ǹ dín 20:28 ပူးပေါင်းရင်းမြစ်များ

Loen 74:2

N yiri koa n din a zaman kɛ nɛ, n zaman mɛn pii, ń baa n din wɔ lɛa haalɛ lɛlɛ. N yiri koa ka *Siɔn kele kɛ nɛ, n din bɛ́ n nə́ n giã ǹ bǎã koa ǹ mɛn la ke lɛn.

Suusun 10:21

Min gigiã n là yii sii sonbore-zɛnaali a boon ganaa. Sɛnɛ baãnaan man giɛ̃ yiriwɛɛnaabaa taman yii.

Izayii 40:11

Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»

Izayii 63:11

A zaman lɛ yiri gisĩ ka lɛlɛ ǹ nɛ, biikoo mɛn bɛ́ Muizu goã kunun ǹ ni: «Min mɛn yìsi mu kuru ka a zaman nɛ kɔnlɛ ka ǹ tɔɔn laanka ǹ lɛduə̃lin ni, ǹ dɛnaa n maa? Min mɛn na a Yiri sonbore gisĩ ǹ la, bɛa dɛnaa n maa?

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 13:20

Zeruzalɛmu, n yii saa n ga: Zɔ́ɔn man boe gɔsɛ a lɛ̀gɔn li. Ma tɔɔ kuru mɛn koa n li, bɛ á maa? Sèren mɛnɛn nə goã n foo kɔɔ̃n koe, ǹ tá maa?

Zeremii 3:15

Lɛduə̃lin mɛnɛn bɛ́ ma dùũ lɛa, ma á re bɛn koe ka la. Ǹ tá re ka nyɛɛnaan boe ka yiridɛnaabaa laanka sii-doɛ̃ nɛ.»

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Ezekieli 34:3

Maǹ tɔɔn lɛn nyɔɔ soɛ̃, ǹ nə́ ǹ ka biɛ mɔnaa lɛa bɛ̀ ǹ wɔ, maǹ wúlu boe ka a kasiɛ̃ wolen ne. Sɛnɛ, ǹ ba giɛ tɔɔn lɛn dininmaan walan wa.

Ezekieli 34:31

«Ka n maa sèren lɛa, ka n maa tɔɔ kuru lɛa, ma ń giɛ ka walan, ka n minbuiinin lɛa, masɛ n kaa Lawa lɛa. Ma din Dɛnaa Lawa a da ǹ boo ne.»

Misee 5:4

A din lɛ n die die ka là nyantoro ne. Bɛ̀ Asiirii minin nə́ daa kɔ wɔa gána kɛ lɛ ǹ mɛn pinaa, bɛ̀ ǹ gòã mɛ wɔa pàãman kɛn kion ǹ mɛn pinaa, wɔ á die zia-baali damata kiɛ ǹ ganaa.

Misee 7:14

Dɛnaa Lawa, mɛ n zaman nyɛɛnɛ, n nə ǹ lɛduə̃ ka n din a bàlà kɛ nɛ. Bɛa zaman kɛ lɛ, n din wɔn manɛ. Ǹ bɛ́ ke ǹ gɔrɔn daã nɛ, ǹ nə́ giã-n da yii ni, wusoo n mɛ ǹ nyɛɛn doo ka lɛlɛ ǹ bɛ́ lɔn, n wo ǹ ne Basan a nyankɔrɔ basa kɛ nɛ, n wo ǹ ne Galaati gána nɛ.

Zakarii 11:4

Dɛnaa Lawa, maa Lawa kɛa boo kɛ da ma nɛ: – Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, bɛn lɛduə̃li baa.

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Marki 13:9

«Sɛnɛ, kasɛn nə yiri bɔ ka dinin li. A giala, minin tá re ka kuĩ ǹ wo kiri wɔ ka ganaa Zuifun lɛsɔkɔn kionən gɔ́ɔ̃ nɛ, ǹ ka duduwəə. Ǹ tá re woe ka nɛ pàãdɛnan laanka kiin yɔrɔ-a masɛ tɔ taman yii, bɛ lɛ n die toɛ ka masɛ boo da ǹ yɔrɔ-a.

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Luku 21:34

Yezu mà ǹ ganaa: «Ka n dinin kũ! Kaa taasiɛn baran n doa zɔ́nɔn ganaa, ka yɔ mii baraa nɛ, ka kanaa a gɔ́ɔ̃ bii siin ni wa, màn mɛn bɛ́ toɛ, dɔlɔ bɔ pinaa kɛ lɛ baran da ka tɔwaa wa,

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 14:23

Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 20:17

Pooli bɛ́ Milɛti kiwi, á lɛ dia Efɛɛzi a Lawa a sɔmɔ nyɛɛnaandɛnan la.

Nya ǹ dín 20:29

Ma á doɛ̃, máa maa woo kio, minin tá re die, baraa ka don ginin bɛ́ lɔn, ǹ tá re we ka bii, ǹ Lawa a minin lɛn sasawaa.

Rɔmu minin 16:16

Ka fòo sonbore da kɔn nɛ. Krita a sɔmɔ minin tumaa á fòo diɛ ka nɛ.

Korɛnti1 1:2

Kasɛn lɛn man Lawa a sɔmɔ lɛa Korɛnti kiwi. Lawa na á ka bɔ, á ka kaa ka gɔrɔn Yezu Krita pàã ganaa, mà ka goã a din a minin lɛa. Wɔ n sɛ́wɔ kɛ diɛ ka laanka Lawa-nyankɔlen tumaa la, ǹ mɛnɛn bɛ́ bǎã tumaa nɛ ǹ nə́ Yezu Krita bíi Dɛnaa, ka wɔsɛn bɛ́ lɔn.

Korɛnti1 10:32

Ka giã doɛ̃, ta Zuifun manɛ, ta Grɛkin manɛ, ta Lawa a sɔmɔn manɛ, ka nyan kɔ́n da kanaa ǹ minin baa wa.

Korɛnti1 11:22

Kaa kionən manə ǹ banban, ka á màn bii ǹ ni, ka n màn mii ǹ ni wa? Hinlaa ka ǹ zoɛ̃ mà ka Lawa a sɔmɔ lɛ piɛ̃ bɔ, ka sìi da gɔn kooro-an ganaa? Ka nə n yii diɛ mà ma wàa pɛ ka nɛ? Á kɔnboe ma ka tɔ bǐɛ̃ pɛ kɛ a lɛa? Haayii, ma a boe la ma á ka tɔ bǐɛ̃ pii wa.

Korɛnti1 15:9

A giala, ma din nə Yezu a dia dí-a wolen tumaa a boɛɛndɛnaa lɛa. Ma a kɔnboe dinin, ǹ ma bíi dia dí-a wole wa, a giala, man má goã boe Lawa a sɔmɔ minin yii-n lɛlɛ.

Korɛnti1 6:20

Lawa ka pii, á ka giɔ̀mɔ saraa. A bɛ́ miɛ̃, ka ka gɔ̀nɔn lɛ baa Lawa tɔ gole kɔ ǹ màn lɛa.

Galaasi minin 1:13

Ma goã doa-n kɔn ka Zuifun zii-n biikoo mɛn li, maa zɛnaa ǹ sii bɛ́ ka yɔrɔ mɛn nɛ, ká bɛ boo ma. Ma goã boe Lawa a sɔmɔn lɛn minin yii-n lɔn, má n wen waa máa yǎa ǹ ziziɛ̃, ka á bɛ doɛ̃.

Efɛɛzi minin 1:14

Yiri Fu lɛ n nyɛɛ mà Lawa bǐɛ̃ mànan mɛnɛn koa a zaman nɛ, mà wɔ á re bɛn yii. A din dɔ n wɔ foo doɛ mà ǹ tá re wɔa wɔ biɛ, bɛ̀ wɔa si bɛ̀rɛbaa la lɛ pã ǹ mɛn waáraa. A bɛ́ miɛ̃, ka daa wɔ Lawa a golebaa tɔ bɔ.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 4:11

A din lɛ dɔ na á bǐɛ̃ totoron zɛnaa minbuiinin ni: Á minin kɔnɔn baa dia dí-a wolen lɛa, á kɛn baa Lawa a boo gii-dalin lɛa. Á ǹ tɛnɛn baa Boo Tii Kɔɔ̃n laakalaalin lɛa, á gialakunun baa ga Lawa a sɔmɔ walan wolen lɛa, ǹ nə́ minin darɛɛ.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Kolɔɔsi minin 1:14

A Nɛgiĩ lɛ barka nɛ, á wɔ si sii baraa la, á wɔa sãn toa wɔ nɛ.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Timote1 3:1

Kɛ n boo lɛa, min doamaa bɛ́ a boo mɛn si taãn lɛa. Bɛ̀ min mɛn tá li a ga Lawa a sɔmɔ walan, dí taãn nɛ bɛa dɛnaa á giɛ li.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 3:5

A giala, bɛ̀ min ba boe a din a kion la á tamaɛ wa, a n die siɛ lɔn a tɔn ga Lawa a sɔmɔ walan?

Timote1 4:14

Lawa a bǐɛ̃baa ǹ màn mɛn bɛ́ n lon, n nyan bɛ da n gɔn para li wa. A din lɛ na á n kɔ n la, á kɔnpɛ ka Lawa a boo gii-dalin da ǹ boo ne, bɛ̀ ga Lawa a sɔmɔ walan wolen bɛ́ ǹ nə́ n gɔn da n la ǹ mɛn pinaa.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote1 5:17

Ga Lawa a sɔmɔ walan wolen mɛnɛn bɛ́, ǹ dí nyɛɛ a yɔrɔ li, bɛn doamaa-n ka saraa paa nɛ. Sanparɛ ǹ mɛnɛn bɛ́, ǹ nə́ Lawa a boo laakalaa laanka minin daraa baa ǹ nya ǹ dí lɛa.

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.

Ebrəə 12:15

Ka n yiri kɔ ka dinin li, min kɔ́n baran da ka bɔ Lawa a bǐɛ̃baa kɛ li wa, min kɔ́n baran n baa da kɔɔsɛ lɛa, a bɔ tán a yoo, a minin tumaa lɔlɔkɔn, a ǹ ziziɛ̃ wa.

Ebrəə 13:17

Ka kaa nyɛɛnaandɛnan bɔlɔ si, ka goã doroo ne ǹ ne. Sonbore, maǹ giɛ ka telenboenən walan, a giala, ǹ tá re n bɔlɔ pii Lawa yɔrɔ-a bɛa lɛa. Bɛ̀ ka á ǹ bɔlɔ sii, ǹ tá re dí nyɛɛ ka nyɛnyɛɛ nɛ. Bɛ̀ ka a ǹ bɔlɔ sii wa, ǹ tá re nyɛɛ ka yɔrɔ-kɔsiɛ nɛ. Bɛ̀ á yɔrɔ-kɔsiɛ baa, ka dɔn dinin là ba a-n wa.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Zaã1 1:7

Sɛnɛ, bɛ̀ wɔ á tɔ we wɔlɔ fúlu li, ka Lawa din bɛ́ wɔlɔ fúlu li lɔn, wɔ á re kaa-kun sonbore yii ka wɔ miãn nɛ. A Nɛgiĩ Yezu mà kɛ n wɔ *yoreen koe, a wɔ bɔ wɔa sii baraa tumaa nɛ.

Sii-nyaan 5:9

Maǹ nə́ goã loe tii loe kɛnɛn: «Ń kɔnbɔ n sɛ́wɔ kɛ si, ń kɔnbɔ n na a lɛ tã ǹ bǎãn kɛn bũ, a giala, n din ni ǹ nə́ n baa *wúlu màn lɛa. Ń minin pii ka n din mà nɛ, ń kɔ Lawa la, ǹ nə́ zaman gigiã lɛa, tɔrɔ tumaa lɛa, gána tumaa minin lɛa, ǹ nə́ bɔlɔ tumaa pii.