Nya ǹ dín 20:27 - LAWA A BOO SONBORE

²⁷ A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

LAWA A BOO SONBORE 2011

²⁷ A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Nya ǹ dín 20:27 ပူးပေါင်းရင်းမြစ်များ

Loen 32:11

Ka toa ka foo kɔɔ̃n kɔ Dɛnaa Lawa a lɛa, min peperen lɛn, ka n nyɛnyɛɛ. Ka min sonboren lɛn tumaa, ka foo kɔɔ̃nbaa ǹ lɛ dɛ!

Loen 40:10

Zaman gole kɛ bii, má n peperebaa laakalaa. Dɛnaa Lawa, man lɛ kɔ kɔn lɛ wa. N din tá bɛ doɛ̃.

Zeremii 23:22

Bɛ̀ maǹ maa sii yɔrɔ bɔn kɛn siére-a, bɛ̀ ǹ ná a boo da maa zaman nɛ. Ǹ giã ǹ gɔn baraa laanka ǹ sii baraan kɛn, bɛ̀ ǹ nə́ bɛn toa walan.

Zeremii 26:2

– Masɛ Dɛnaa Lawa bɛ́ boo mɛn diɛ, á ke: «Wo giã Lawa a kion a sumu kɛ nɛ. Min mɛn tumaa bɛ́ boe Zudaa gána a kiwin ni bɛ̀ ǹ da ma guguru kɔ Lawa a kion kɛ nɛ, n boo da bɛn manɛ. Ma bɛ́ re boo mɛn tumaa diɛ n nɛ, n na a yii pɛ ǹ nɛ. N nyan boo nɛ goon din bɔ lɛ wa!

Zeremii 34:6

Lawa a boo gii-dali Zeremii woo boo lɛ pɛ Zudaan kii Sedekiasi ni, Zeruzalɛmu.

Zeremii 42:21

Sɛnɛ pelo, man Dɛnaa Lawa, wɔa Lawa a boo binyəə koe ka la. Sɛnɛ, a boo mɛn yii da ma nɛ, ka a n too koe ǹ kɔn li wa.

Ezekieli 40:4

Giĩ lɛ nə n toa ma ganaa kɛnɛn: «Minbuiin a nɛ, ga doɛ̃, n too dɔ kɔ doɛ̃. Ma bɛ́ re màn mɛn tumaa nyɛɛ n nɛ, n yiri kɔ bɛ li taãn-taãnɛ. A giala, Lawa n giɛ li a sii nyaa n nɛ, bɛ lɛ na á toa á daa ka n nɛ bǎã kɛ lɛ nɛ. N bɛ́ re màn mɛn tumaa yii, n die n bɛ laakalaa Izirayeli tɔrɔn lɛn manɛ.»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Luku 7:30

Sɛnɛ, Lawa bɛ́ á nyin si ǹ sii mɛn yɔrɔ bɔ á dia ǹ la, *Fariziɛ̃n laanka landa sii-daraalin nə́ n piã ka bɛ nɛ. Ǹ lɛ kɔ ǹ nə́ batɛmu lɛ si ZAÃ li wa.

Zaã a sɛ́wɔ 15:15

Ma ba ka bíi máa maa dí-nyalin doo wa, a giala, dí-nyali ba a dɛnaagiĩ a nya ǹ dí doɛ̃ wa. Má ka bíi giaáran, a giala, ma màn mɛn tumaa ma maa Díi li, má a tumaa nyaa ka nɛ.

Nya ǹ dín 13:36

Dí goã Davida gɔn a din a biikoo kɛ li, a bɛ́ á bɛ nya Lawa nɛ á nya, á gã, ǹ ná a gere bĩ kunun ǹ digolon ne, a gere bɔɔ̃.

Nya ǹ dín 2:23

sɛnɛ, ká n tã, ká toa Lawa doɛ̃ baãnaan nə́ dere gɔn ganaa ǹ nə́ dɛ. Sɛnɛ, Lawa din na á saa lɛlɛ á bɛ yɔrɔ bɔ á koa.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Korɛnti1 11:23

A giala, Dɛnaa ma daraa màn mɛn ganaa, má ka dɔn daraa a ganaa, bɛ á ke: Ǹ bɛ́ re Dɛnaa Yezu koe tèlò mɛn nɛ, á buuru saa,

Korɛnti2 4:2

Siin mɛnɛn bɛ́ durii ni, ǹ nə́ sìi diɛ, má n piã ka bɛn nɛ. Ma a sii zɛnɛɛ ma minin yiri sã-n wa, ma a Lawa a boo lɛ bɔbɔyɛɛ wa. Haayii, man Lawa a boo a taãnbaa nyɛɛ minin ni foaãnɛ. Man giɛ li, máa min tumaa nə n foo doa ma ganaa Lawa yɔrɔ-a.

Galaasi minin 4:16

Sɛnɛ kanna, ma taãn mɛn lɛ pɛ ka nɛ, bɛ n ma biɛ kaa zɔ́ɔ lɛa?

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Tesaloniki1 2:4

Sɛnɛ, wɔ ǹ boo diɛ biikoo yii li, á n kɔnpii ka Lawa dùũ ni, a giala, Lawa ga wɔ ganaa dí lɛ a nyalin lɛa, á tɔ́n Boo Tii Kɔɔ̃n pɛ ǹ dí kɛ kɔ wɔ la. Wɔ bie giɛ li wáa wɔ sii kɔɔ̃n kɔ minbuiinin ganaa wa, wɔ ǹ giɛ li wáa wɔ sii kɔɔ̃n kɔ Lawa ganaa, asɛ mɛn bɛ́ minbuiinin gɔ́ɔ̃gɔ́ɔ̃ ǹ taasiɛ doɛ̃.

Zozoe 8:35

Muizu boon mɛnɛn tumaa pɛ Zozoe ne, bɛa boo lɛ a goon goã, mà Zozoe na á pɛ Izirayeli zaman lɛ yii-n wa. Ǹ lɔn nɛ, ǹ nɛnyaanan nɛ, tɔrɔ kɔsɔn mɛnɛn dɔn dinin bɛ́ ǹ bii, á pɛ ǹ tumaa yii ni.