Nya ǹ dín 20:24 - LAWA A BOO SONBORE

²⁴ Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

LAWA A BOO SONBORE 2011

²⁴ Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 20:24 ပူးပေါင်းရင်းမြစ်များ

KZS1 11:18

Yǎa zia-baali babaraa sɔɔ lɛ tɔ́n wo kiɛ̃ Filisiti minin giã ǹ bǎã lɛ nɛ ka pàã nɛ. Tù mɛn lɛ bɛ́ Bɛtlehɛmu kiwi a kiɛnlɛ-a, ǹ nə́ woo bɛ lɛ a mu si ǹ nə́ daa kɔ Davida la. Sɛnɛ, Davida lɛ kɔ á mu lɛ mi wa, á kaa tán á Dɛnaa Lawa gɔ nɛ.

Luku 16:28

Mà asɛ dɔɔ̃n sooro tan. Mà a wo n gɔn waa ǹ nɛ, màn mɛn bɛ́ toɛ, ǹ dɔn baran da fuu yɛ ǹ bǎã kɛ-n wa.

Zaã a sɛ́wɔ 15:27

Ka dɔn tá re siére biɛ masɛ a lɛa, a giala, ka á kun ka masɛ nɛ, haalɛ maa siin lɛn giala kɔ waáraa.

Zaã a sɛ́wɔ 17:4

Man tɔ guguru kɔ tán la, n dí mɛn kɔ ma la, má bɛ nya á nya.

Nya ǹ dín 1:17

Táa a dɔ na á goã kun ka wɔsɛn nɛ, a dɔ́ goã a dí gii nyɛɛ kun ka wɔ nɛ.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 13:25

ZAÃ bɛ́ re a dí gɔn nyɔmiɛ̃, á pɛ: «Minin man taasɛ mà die n ka masɛ nɛ? Ǹ bɛ́ n yii diɛ min mɛn la, bɛ bie ka masɛ-n wa. Sɛnɛ, min kɔ́n tá die masɛ kio, ma mìi á kiɛɛrɛ, man zuməə ma bɛa dɛnaa kɛ lɛ a kɔsɔ biɛn fore.»

Nya ǹ dín 14:3

Ka bɛ din yii ni, Pooli laanka Barnabaasi goã Ikoniɔmu kiwi ǹ nə́ biikoo kɔ́n zɛnaa. Ǹ foo bɛ́ doa-n Dɛnaa ganaa, ǹ nə́ Dɛnaa a boo kɛ pɛ ka foo tãbaa nɛ. Dɛnaa din toa ǹ nə́ kaãbaa ǹ sii sonbore zɛnaa, á nyaa ka bɛn nɛ, mà ǹ boo lɛ n sonbore lɛa.

Nya ǹ dín 15:7

Liere lɛ bɛ́ á sasa kɔ, Piɛrɛ nə́ n lɛ bũ á pɛ: «Ma dɔɔ̃nɔn lɛn, táa ka á doɛ̃ mà Lawa na á masɛ bɔ ka bii a giala koe li, màn mɛn bɛ́ toɛ, ma boo tii kɔɔ̃n pɛ tɔrɔ kɔsɔn manɛ, ǹ lɛ kɔ a ganaa ǹ golee Yezu li.

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 20:23

Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Nya ǹ dín 21:13

Á tɔ́n wɔ lɛ si: «Wàa mɛn wuu-n ka á pii, ka n masɛ foo pipii? Ma yɔrɔ boemaa nɛ, ta gɛ̀ lɛ dɔ din ni masɛ á re we Zeruzalɛmu, Dɛnaa Yezu tɔ kɛ lɛ a lɛa, masɛ lɛ kɔ, sanparɛ ka kũ a yii ni.»

Nya ǹ dín 22:21

Sɛnɛ, Dɛnaa pɛ ma nɛ: «Woo, masɛ din ni n diɛ sɔsɔɔ, tɔrɔ kɔsɔn li.»

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Rɔmu minin 11:6

Lawa na á ǹ bɔ a din a bǐɛ̃baa a lɛa, ǹ nya ǹ dí a lɛa bie wa. Bɛ̀ ǹ nya ǹ dí a lɛa nɛ, bɛ̀ Lawa a bǐɛ̃ lɛ ba n bíi doo mà bǐɛ̃ wa.

Rɔmu minin 4:4

Bɛ̀ min dí nya, a na a saraa yii, bɛa saraa kɛ bie bǐɛ̃baa ǹ màn lɛa, ǹ nə́ kɔ la wa, a din a doakasie ne.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 12:10

Bɛ lɛ-n ma á n nyɛnyɛɛ maa pàãwɛɛnaabaa ǹ siin kɛn lɛa, ka sɔ kaa ma la nɛ, ka sii kakan ma yɛ nɛ, ka bɔ ma yii-n ni, ka taasiɛn nɛ, Krita a lɛa. A giala, bɛ̀ pàã wɛɛ̃ tá ma ganaa biikoo mɛn li, bɛ lɛ n maa kakabaa biikoo lɛa kəni.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:12

Bɛa yɔrɔ kɛ lɛ la, masɛ n we-n gɛ̀ gɔn, sɛnɛ, bɛ n yiikoonaabaa koe kasɛn la.

Korɛnti2 5:8

Má pã ka foo tãbaa nɛ, bɛ̀ man soe man bɔ gɔ̀nɔn kɛ nɛ, ma wo giã Dɛnaa li, bɛ n kɔɔ̃n ma ganaa.

Korɛnti2 7:4

Ma foo á doa-n ka ganaa parsiini, ma nə n nyɛnyɛɛ ka a lɛa dɔn parsiini. Maa fuun tumaa gɔ́ɔ̃ nɛ, man piɛ̃-n ka foo tãbaa nɛ, maa foo kɔɔ̃n kɔ kiɛ̃ a bǎã la.

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.

Efɛɛzi minin 1:6

A n mà wɔ asɛ a bǐɛ̃ golee kɛ lɛ laakalaa. A bǐɛ̃ mɛn baa wɔ la ka bǐɛ̃baa ǹ foo ne, a ná a Nɛgiĩ narɛɛ wole kɔ wɔ la.

Efɛɛzi minin 3:13

Bɛ lɛ taman yii, man ka nyankoe, máa ma bɛ́ fuun mɛnɛn yii ka a lɛa, bɛn baran ka gù basã wa. Bɛn lɛn man tɔ koe ka la.

Filipi minin 2:17

Bɛ̀ a n doa wa, bɛ̀ má gɛ̀-wɔle baa, ma mà á re goɛ̃ kun ka kaa *wúlu màn kɛ nɛ, ka n koe Lawa la ka goleemali ni. Bɛ̀ bɛ́ taãn baa, ma foo n die kɔɔ̃n koe, ma ka dɔn tumaa gii da maa foo kɔɔ̃n kɔ kɛ nɛ.

Filipi minin 2:30

A giala, á baa re giɛ̃ Krita a dí kɛ a nya gɔ́ɔ̃ nɛ; ka dia dɔmalɛ mɛn koe ma la, ka dinin nə́ ka a boe la ka á die-n wa, a nyin baa re goɛ̃ bɛ gɔ́ɔ̃ nɛ.

Kolɔɔsi minin 1:24

Sisia kəni, ma bɛ́ fuun mɛnɛn yii ka a lɛa, ma nə n nyɛnyɛɛ bɛn gɔ́ɔ̃ nɛ. A giala, bɛa yɔrɔ kɛ lɛ la, man fuu yii ma din gɔ̀nɔn nɛ Krita gɔ̀nɔn kɛ a lɛa, bɛ giala, mà Lawa a sɔmɔ a lɛa. Wɔ doamaa bɛ́-n wɔ nɔmaan mɛnɛn wɔ kun ka Krita nɛ, ma dɔ nə n doɛ, ma á bɛn sii ma ganaa ma tá ǹ lɛ piɛ̃.

Tesaloniki1 2:2

Ǹ nə́ fuu nyaa wɔ nɛ Filipi kiwi bɔrɔ, ǹ nə́ sɔ kakaa wɔ la, ka á bɛ doɛ̃. Sɛnɛ bɛ lɛ kio, wɔa Lawa wusoo á foo tãbaa kɔ wɔ la, mà yǎa wɔ a Boo Tii Kɔɔ̃n kɛ pii ka nɛ, haalɛ ta wɔa zɔ́ɔn ba nɛn wa.

Tesaloniki1 3:3

màn mɛn bɛ́ toɛ, ka kɔ́n gɔ̀nɔn baran bìn da sisia a fuun kɛn gɔ́ɔ̃-n wa. A giala, ka á doɛ̃ mà bɛ lɛ na á n da wɔ dɔn mìi ni.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Tiitii 1:3

Sɛnɛ, a biikoo bɛ́ á dɔ kanna, a na á nyaa wɔ nɛ, ka a din a boo ne. Bɛa boo lɛ n ke á n kɔ masɛ Pooli la, wɔ Kirisibaali Lawa din ma dia a laakalɛɛ.

Tiitii 2:11

A giala, Lawa ná a bǐɛ̃ nyaa mà minbuiin din tumaa a kirisibaa bɔ a nɛ.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Zaã1 3:16

Kɔn-narɛɛ bɛ́ màn mɛn lɛa, wɔ ǹ doɛ̃ kɛ lɛ li: Krita na á n din nyin kɔ wɔa lɛa. Wɔ dɔn doamaa nɛ wɔ n nyin kɔ wɔ dɔɔ̃nɔn lɛa.

Sii-nyaan 12:11

Wɔ dɔɔ̃nɔn nə́ gɔ̀lɔ̀baa yɛ ka Sère Nɛ mà kɛ pàã nɛ, ka ǹ siérebaa ǹ boo pàã nɛ. Haalɛ ta maǹ giɛ̃ bɛa lɛa, ǹ tá lɛ koe bɛ ganaa á la ǹ yiikoonaabaa nɛ.

Sii-nyaan 6:11

Ǹ nə́ tɔ́n dɔnkɛ fu kɔ ǹ gogoonmaa la, ǹ nə́ pɛ ǹ nɛ: «Ka golee ka n yii da boɛɛn bɔrɔ. Ǹ doamaa bɛ́ nɛ ǹ ka dɔɔ̃n dí nya kun wolen mɛnɛn dɛ ǹ gã ka ka dɔn wɔ bɛ́ lɔn, yǎa bɛn lɛ piɛ̃.»