Nya ǹ dín 20:20 - LAWA A BOO SONBORE

²⁰ Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

LAWA A BOO SONBORE 2011

²⁰ Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:20 ပူးပေါင်းရင်းမြစ်များ

Zeremii 26:2

– Masɛ Dɛnaa Lawa bɛ́ boo mɛn diɛ, á ke: «Wo giã Lawa a kion a sumu kɛ nɛ. Min mɛn tumaa bɛ́ boe Zudaa gána a kiwin ni bɛ̀ ǹ da ma guguru kɔ Lawa a kion kɛ nɛ, n boo da bɛn manɛ. Ma bɛ́ re boo mɛn tumaa diɛ n nɛ, n na a yii pɛ ǹ nɛ. N nyan boo nɛ goon din bɔ lɛ wa!

Zeremii 42:4

Lawa a boo gii-dali Zeremii nə́ ǹ lɛ si kɛnɛn: «Má ma! Ma á re Dɛnaa Lawa, kaa Lawa nyankoe ká ka pɛ lɔn. Bɛ kio, ma á re Dɛnaa Lawa a boo a binyəə koe ka la. Ma a re màn kɔn duri ka la wa.»

Marki 4:34

A boo kɔ́n diɛ ǹ nɛ, bɛ̀ boo giməə gòɛ̃ ná a ba a-n wa, sɛnɛ, bɛ̀ a laanka a kialandɛnan lɛn dininsɔɔ̃nɔn tá kun, a na a tumaa giala pii ǹ ni.

Nya ǹ dín 2:46

Ǹ goã nyaabiɛ Lawa a kion wa. Maǹ nə́ goã n lɛ kiɛ kun bɛ̀ ǹ wo baraabaraa. Maǹ nə́ goã màn bii kɔn a piɛn nɛ kun, ka nyɛnyɛɛ nɛ ka foo sonbore ne.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Nya ǹ dín 5:2

Sɛnɛ, asɛ laanka a lɔ lɛ golee bɔlɔ goon la, á tán giɔ̀mɔ lɛ kɔ́n bɔ, á daa ka a gialakun kɛ nɛ, á kɔ dia dí-a wolen lɛn la.

Nya ǹ dín 5:42

Baraabaraa, Lawa a kion gɔ́ɔ̃ nɛ hinlaa ǹ dinin piɛn nɛ, ǹ goã minin daraa laanka Yezu Minin Nyin-sili boo kɔɔ̃n kɛ a pɛ lɛ diɛ wa.

Korɛnti1 12:7

Didie n bǐɛ̃baa ǹ màn lɛ yii, boe Yiri Fu ni, min tumaa a bǐɛ̃ kɔ a lɛa.

Korɛnti1 14:6

Ma dɔɔ̃nɔn lɛn, man nɔ̀n diɛ ka la: bɛ̀ má daa ka li, má n boo diɛ ka nɛ ka bɔlɔ soree ne, ma là n ka wàa-n ka ganaa? Bɛ̀ maa boo lɛ sii-durii nyaa ka nɛ, a màn-doɛ̃ kɔ ka la wa, bɛ̀ a Lawa a sii nyaa ka nɛ wa, a daraa kɔ́n dɔ kɔ ka la wa, ma là ba ka ganaa wa.

Korɛnti1 15:3

Ma din daraa mɛn yɛ, man má bɛ lɛ kɔ ka la. Màn mɛn bɛ́ gole sii tumaa nɛ bɛ á ke. *Krita na á gã wɔa sii baraan lɛa, ka Lawa a sɛ́wɔ bɛ́ á pɛ lɔn.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Filipi minin 3:1

Kanna kəni, ma dɔɔ̃nɔn lɛn, ka n nyɛnyaa Dɛnaa wɔ gɔ́ɔ̃ nɛ. Bɛ̀ ma boo da ka nɛ, má n wusii timii la, a kaka ma ganaa wa, á soɛ kasɛn dɔn wɔ paǹ li.

Kolɔɔsi minin 1:28

Bɛ lɛ nɛ, wɔ á Krita lɛ boo diɛ min din tumaa nɛ. Min bɛ́ boe la a sii mɛn tumaa dɔ̃, wɔ nə n gɔn wɛɛ min gogoonmaa nɛ, wɔ n darɛɛ bɛ ganaa, màn mɛn bɛ́ toɛ, min gogoonmaa boo la, a n din nyaa Lawa yɔrɔ-a min lɛ piɛ̃ lɛa, a kaa-kun ka Krita-n kɛ a lɛa.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.