Nya ǹ dín 2:9 - LAWA A BOO SONBORE

⁹ Wɔsɛn mɛnɛn bɛ́ boe Parti gána nɛ, ka Mɛdi laanka Elamu gána nɛ, ka Mezopotamii gána nɛ, Zudee gána-n ka Kapadɔɔsi gána nɛ, Pɔn gána-n ka Azii wɔ nɛ,

LAWA A BOO SONBORE 2011

⁹ Wɔsɛn mɛnɛn bɛ́ boe Parti gána nɛ, ka Mɛdi laanka Elamu gána nɛ, ka Mezopotamii gána nɛ, Zudee gána-n ka Kapadɔɔsi gána nɛ, Pɔn gána-n ka Azii wɔ nɛ,

Nya ǹ dín 2:9 ပူးပေါင်းရင်းမြစ်များ

Siin Giala 10:22

Sɛmu a nɛnyaanan man ka Elamu ni, Asuuru ni, Arpaksaadi ni, Ludu ni ka Aramu ni.

Siin Giala 14:1

Bɛa wasa lɛ nɛ, Baabiloniin kii Amurafeli ni, ka Elaazaaran kii Ariɔki ni, Elamun kii Kedɔrlomɛɛrɛ nɛ ka Guimun kii Tidiali ni,

Siin Giala 24:10

Bɛ̀rɛgiĩ lɛ nyɔɔmaa fù bɔ a dɛnaagiĩ lɛ a nyɔɔmaan bii, á woo. A màn sonbore mɛn tumaa bɛ́ a tan, á yoo ka bɛ kɔ́n nɛ a gɔn, a n woe Nahɔɔrɔ a kiwi, Mezopotamii gána nɛ.

Kiin2 17:6

Ozee a kiibaa lɛ̀ manangɔrɔbaa ǹ wɔ, Asiirii gána a kii lɛ Samarii kiwi si á nɔmɔ a ganaa. Á Izirayeli minin goa á kiɛ̃ ǹ nɛ Asiirii gána nɛ. Á ǹ kaa giã ganaa Halaa kiwi, Habɔɔrɔ tà lɛ-a nɛ, Goozan gána nɛ, ka Mɛdi gána a kiwin ni.

KZS1 19:6

Amɔn tɔrɔn lɛn nə́ dɔ̃ mà ǹsɛn nə́ n tìĩ bɔ Davida nyin ni. Bɛ lɛ nɛ, Anuuni laanka Amɔn nɛn nə́ wɔrɔ we duu goon (1 000) bɔ ǹ nə́ dia Aaramu minin la, kɛn tà màn paa lɛa, ka Aaramu minin mɛnɛn bɛ́ Maakaa ka Kava, màn mɛn bɛ́ toɛ ǹ ziabaa ǹ wotoron laanka sùi da baa-a wolen dia ǹ la.

Ɛsidrasi 6:2

Ǹ nə́ tɔ́n sɛ́wɔ munii zizi goon yɛ Ekibatana, Mɛdi gána a kiwi gole kɛ nɛ. A n kiɛ̃-n bɛa sɛ́wɔ lɛ-n kɛnɛn:

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 21:2

Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Nya ǹ dín 16:6

Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa.

Nya ǹ dín 18:2

Á kaa Zuifu goon lɛ walan, a tɔ n Akilaasi, Pɔn gána min ni. A na á bɔ Italii gána-n sisia, á daa kun ka a lɔ Prisili ni. Sonbore, kii gole gole Klodo na á goã á pɛ, mà Zuifun tumaa soo ǹ nə n bɔ Rɔmu kiwi. Pooli woo bɛa giĩ kɛ lɛ laanka a lɔ li.

Nya ǹ dín 19:10

Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.

Nya ǹ dín 19:27

Bɛa sii kɛ lɛ gɔ́ɔ̃ nɛ, barka bie re n boe wɔsɛn dí kɛ dinsɔɔ̃-n wa, sɛnɛ, wɔa dì lɔdɛnaa gole Artemisi ke, Azii gána laanka kanaa tumaa tá a guguru koe, bɛa kion kɛ n die kooro biɛ, a din a gugurubaa dɔ n die n sii la.»

Nya ǹ dín 19:31

Azii gána nyɛɛnaandɛnan mɛnɛn bɛ́ Pooli a giaáran lɛa, bɛn dɔn nə́ minin dia, ǹ nə́ n gɔn waa nɛ, mà a baran wo lɛsɔkɔn bǎã lɛ-n wa.

Nya ǹ dín 2:8

A n siɛ lɔn wɔsɛn gogoonmaa tá ǹ lɛ miɛ boo diɛ ka wɔ bɔlɔ nɛ?

Nya ǹ dín 20:16

Sonbore, Pooli goã giɛ li a golee Efɛɛzi wa, a ba li a biikoo saa Azii gána-n wa. A na á goã n nanaɛ sii goon dinsɔɔ̃ li, bɛ̀ á boe la a dɔ Zeruzalɛmu a kɔnpɛ ka *Pantikɔti Zɔ́n nɛ.

Nya ǹ dín 20:18

Ǹ bɛ́ ǹ nə́ daa a li, á pɛ ǹ nɛ: – A kũ masɛ a dɔ Azii pinaa ganaa, ka dinin tá masɛ a tɔ wɔ ǹ gɔn doɛ̃ kaa wɔ a paǹ li.

Nya ǹ dín 20:4

A koa-kun wolen man nə́ goã ka Beeren giĩ Pirusu a nɛ Sopatrɔsi ni, Tesalonikin Aristarki laanka Sekundusu ni, Dɛrbən Gayusu laanka Timote ne, ka Tisiki laanka Trofimu ni, bɛa min paa kɛ n boe Azii lɛ a paǹ kɛ nɛ Rɔmu a pàã giulun.

Nya ǹ dín 21:27

Lɛawaa sɔbaa lɛ lɛ bɛ́ re piɛ̃, Zuifun mɛnɛn nə bɔ Azii gána nɛ, bɛn nə́ Pooli yɛ Lawa a kion. Ǹ nə́ zaman lɛ yiri lɔlɔkɔn yǎa ǹ Pooli kũ.

Nya ǹ dín 24:18

Man má goã bɛ lɛ zɛnɛɛ, ǹ nə́ daa ma yaa Lawa a kion, bɛ̀ ma bɛ́ má *gɔ̀ bɔ ma din ganaa. Zaman dɔ din goã kun ma-n wa, n tɔn sii lɔlɔkɔn pɛ.

Nya ǹ dín 27:2

Wɔ́ wɔ Adramiti kiwi a tà kuru ǹ goo goon ne, bɛ doamaa nɛ a bɔ Azii gána genli a kiɛ̃. Wɔ́ wɔ, wɔ́ woo ka Aristarki-n kun wɔ nɛ, Masedoanɛ gána min ni, a n boe Tesaloniki kiwi.

Nya ǹ dín 6:9

Sɛnɛ, bɛa siin kɛn lɛn zɛnaa gɔ́ɔ̃ nɛ, liere wɔ Itian laanka minin kɔnɔn bii ni. Ǹ tɛnɛn man boe lɛsɔkɔn kion kɔ́n nɛ, ǹ nə́ bíi mà Bɔ Bɛ̀rɛbaa-n Wolen lɛsɔkɔn kion, gialakunun man Sirɛni gána minin lɛa, ka Alɛksandrii kiwi minin ni, kɔsɔn dɔn man Siliisii laanka Azii gána minin lɛa.

Nya ǹ dín 7:2

Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.

Rɔmu minin 16:5

Lawa a sɔmɔ minin mɛnɛn bɛ́, n lɛ soe kɔn Prisili laanka Akilaasi lɛ a kion, ma á fòo diɛ bɛn dɔn manɛ. Ma á fòo diɛ ma dɔɔ̃n Epenɛti sonbore kɛ nɛ, a din na á lɛ kɔ Krita ganaa bibinaanɛ Azii gána nɛ.

Korɛnti1 16:19

Azii a Lawa a sɔmɔ minin tá fòo diɛ ka nɛ. Akilaasi laanka Prisili ni, ka minin mɛnɛn bɛ́ n soe kɔn Lawa a sɔmɔ lɛa ǹ kion, bɛn dɔn tá fòo diɛ ka nɛ Dɛnaa wɔ gɔ́ɔ̃ nɛ.

Korɛnti2 1:8

Ma dɔɔ̃nɔn lɛn, taãn nɛ, man giɛ li, máa ma fuu mɛn yɛ Azii gána nɛ, máa ka bɛ dɔ̃. Fuu lɛ la ma yii ni, á kiɛ̃ ma pàã yii la, ka ma daa ma pɛ, máa man die giɛ̃.

Timəə dí-pɛn 23:4

Amɔn tɔrɔn laanka Moabu tɔrɔn doamaa bie ǹ giã kun ka Dɛnaa Lawa a zaman nɛ ka duduu wa. Haalɛ ǹ nɔ̀ɔ fulupaa a fùbaa ǹ wɔ doamaa bie a giã kun ka Dɛnaa Lawa a zaman nɛ wa.

Timote2 1:15

N tá doɛ̃ mà Azii gána minin tumaa ma tii. Fizeli laanka Ermozɛnɛ á kun ka maa tiilin lɛn nɛ.

Piɛrɛ1 1:1

Masɛ Piɛrɛ mɛn bɛ́ Yezu *Krita a dia dí-a wole lɛa, masɛ n sɛ́wɔ kɛ kiɛ̃. Man diɛ Lawa din a min boen kɛn la, giã-n gùlibaa nɛ, ǹ nə́ pɛpɛsiɛ̃-n Pɔn gána laanka Galaasi gána nɛ, Kapadɔɔsi laanka Azii ni ka Bitinii gánan nɛ.

Sii-nyaan 1:11

Á goã pii: «N yii bɛ́ sii mɛn ganaa, a kiɛ̃ sɛ́wɔ nɛ, n dia Lawa a sɔmɔ sɔbaa kɛ la kiwin kɛn nɛ: Efɛɛzi kiwi ni ka Simirni kiwi ni, Pɛrgamu ni, Tiatiiri ni, Sardə ne, Filadɛlfii ni ka Lawodisee ne.»

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii yɔrɔ-bɔlen 3:8

Bɛ lɛ nɛ, Dɛnaa Lawa foo yoo Izirayeli minin lɛn li, á ǹ kɔ Mezopotamiin kii Kusan-Risitayimu la. Izirayeli minin lɛn nə́ goã Kusan-Risitayimu a pàã giulun, lɛ̀ kiwisi gɔ́ɔ̃ nɛ.