Nya ǹ dín 2:5 - LAWA A BOO SONBORE

⁵ Á daa yaa, Zeruzalɛmu kiwi lɛ nɛ, Zuifu nyɛ́ɛbaa Lawa yii-n wolen tan, ǹ nə́ bɔ kanaa a gánan tumaa nɛ ǹ nə́ daa.

LAWA A BOO SONBORE 2011

⁵ Á daa yaa, Zeruzalɛmu kiwi lɛ nɛ, Zuifu nyɛ́ɛbaa Lawa yii-n wolen tan, ǹ nə́ bɔ kanaa a gánan tumaa nɛ ǹ nə́ daa.

Nya ǹ dín 2:5 ပူးပေါင်းရင်းမြစ်များ

Bɔ bɛ̀rɛbaa nɛ 23:16

«A paabaa ǹ wɔ, ka kaa wuru màn lɛ bibinaa zɔ́n zɛnaa, ka kaa wuru gɔ́ɔ̃ màn-kurii bibinaa nɛ. «A sɔɔbaa ǹ wɔ kəni, kaa-piɛ ǹ zɔ́n kɛ nɛ, ka bɛ zɛnaa lɛ̀ a nya biikoo li, bɛ̀ ka bɛ́ ka kaa wuru màn tumaa kaa piɛ.

Izayii 66:18

Dɛnaa Lawa pɛ: «Ma tá ǹ zɛnaa ǹ siin laanka ǹ taasiɛ doɛ̃. Man die bɔlɔ tumaa a tɔrɔn soekɔn. Ǹ tá re die, ǹ maa gugurubaa yɛ.

Zakarii 8:18

Dɛnaa Lawa Pàãyiidɛnaa pɛ ma-n kɛnɛn:

Matiə 24:14

Boo Tii Kɔɔ̃n kɛ á die n pii kanaa paǹ tumaa nɛ, màn mɛn bɛ́ toɛ, Lawa bɛ́ a kanaa dii a wɔ ma nɛ ǹ lɛ-dia mɛn we, tɔrɔ tumaa bɛ ma. Bɛ kio kanaa tɔn nya.

Luku 17:24

Sonbore, la a tɛ-pɛ bɛ́ boe lɔn, a kanaa a lɛ̀ gùrù sii wɔlɔ tumaa fulu, Min a Nɛgiĩ a daa sii n die goɛ̃ miɛ̃.

Luku 2:25

Á daa yaa giĩ goon tá Zeruzalɛmu kiwi, a tɔ n Simiɔn. Bɛa giĩ lɛ na á goã min pepere lɛa, a n nyɛ́ɛ biɛ Lawa yii ni, bɛ̀ á n yii diɛ Izirayeli minin nyin-sili lɛ la. Lawa a Yiri Fu na á goã la,

Luku 24:18

Ǹ goon mɛn tɔ bɛ́ Kilopaasi, bɛ ná a lɛ si mà siin mɛnɛn nə n zɛnaa lɛawaan kɛn lɛn nɛ, mà a dinsɔɔ̃ n die goɛ̃ Zeruzalɛmu kiwi a ná a bɛn ma wa?

Zaã a sɛ́wɔ 12:20

Min mɛnɛn nə da Lawa guguru kɔ zɔ́n lɛ li, Grɛkin kɔnɔn nə́ goã kunun ǹ ni.

Nya ǹ dín 10:2

Á goã Lawa a sii kuĩ ka a foo ne, a laanka a kion minin tumaa goã woe Lawa guguru koe lɛsɔkɔn bǎã nɛ. A din goã Zuifu lɛa wa, sɛnɛ, á goã bǐɛ̃ gigiã zɛnɛɛ Zuifun doobaan manɛ, á goã Lawa nyankoe dɔn biikoo tumaa li.

Nya ǹ dín 10:7

Lon a dia dí-a wole mɛn goã boo diɛ nɛ, bɛ bɛ́ á papaã lɔn gɔrɔ, Kɔrnɛyi lɛ dia a kion minin min paa la, ka sɔraasi nyɛ́ɛbaa Lawa yii-n wole goon ne, min mɛn bɛ́ a dinmaa a dí yɔrɔ-bɔle lɛa haalɛ bibi.

Nya ǹ dín 13:50

Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.

Nya ǹ dín 2:1

Zɔ́n mɛn bɛ́ n zɛnɛɛ kiɛ̃mala ǹ wɔ kɛ a kiɛ̃ lɛawaa posooro pinaa, a tɔ n *Pantikɔti, bɛ dɔ. Kialandɛnan lɛn tumaa lɛ na á goã soe-n kɔn kun.

Nya ǹ dín 22:12

Giĩ kɔ́n na á goã, a tɔ n Ananiasi. A na á goã nyɛ́ɛ biɛ Lawa yii ni, á n dí-pɛn lɛn bɔlɔ sii. Zuifun mɛnɛn tumaa goã walan, a tɔ sonbore na á goã bɛn tumaa lɛ-n.

Nya ǹ dín 8:2

Nyɛ́ɛbaa Lawa yii-n wolen nə́ Itian gere saa ǹ nə́ bĩ, ǹ ná a gɛ̀ wuu pɛ parsiini.

Nya ǹ dín 8:27

Filipi bɛ́ á bɛ ma lɔn gɔrɔ, á yoo fufuu á woo. Á daa yaa, giĩ goon dɔ na á goã bɛa zii lɛ la, Etiopii gána a kii lɔ dɛnaa kɛ a dí-nyali gole goon ne. Giĩ lɛ n kii lɛ a kion sii yɔrɔ-bɔle lɛa, á koa a naforo din tumaa mìi la. Bɛa Etiopii gána min kɛ lɛ na á woo Lawa guguru kɔ Zeruzalɛmu,

Timəə dí-pɛn 2:25

Pelo dinin, man die nyɛ́ɛ laanka foo biɛ na diɛ kanaa tumaa a tɔrɔn ganaa ka kaa sii ni. Bɛ̀ ǹ nə́ ka boo ma lɔn, nyɛ́ɛ á die ǹ kuĩ, ǹ gɔ̀nɔn tá re bìn diɛ ka nyɛɛnɛ.»

Kolɔɔsi minin 1:23

Sii goon dinsɔɔ̃ n ke, ka doamaa-n ka goã doa-n golee Lawa li gɔ́ɔ̃ nɛ, ka baran toa min ka na, a ka bɔ kaa foo-doa kɛ ganaa wa, ka foo-doa mɛn lɛ yɛ Boo Tii Kɔɔ̃n kɛ a miɛ gɔ́ɔ̃ nɛ. Bɛa Boo Tii Kɔɔ̃n kɛ lɛ, á n pɛ kanaa min din tumaa nɛ, Lawa na á masɛ Pooli dia bɛ lɛ nyɛɛ.