Nya ǹ dín 2:4 - LAWA A BOO SONBORE

⁴ Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

LAWA A BOO SONBORE 2011

⁴ Lawa a Yiri Fu daa ǹ tumaa kũ, yǎa ǹ mɛ la ǹ nə́ bɔlɔ kɔsɔn pii, a n kɔnpii ka Yiri Fu lɛ din a boo wɔ ǹ lɛ-n nɛ.

Nya ǹ dín 2:4 ပူးပေါင်းရင်းမြစ်များ

Samayeli2 23:2

Dɛnaa Lawa yiri a boo n ke soe ma lɛ-n, a din a boo kɛ lɛ n ma lɛwɔn la.

Izayii 28:11

Haya, sisia kəni, Dɛnaa Lawa n die boo diɛ ka zaman lɛ nɛ ka bobo-pɛlin ni, bɔlɔ soree lɛa zaman lɛ bɛ́ a ba ǹ mɛn miɛ wa.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Ezekieli 3:11

Bɛ kio, ǹ minin mɛnɛn bɛ́ ǹ nə́ ǹ goa ǹ nə́ woo ǹ ne bɛ̀rɛbaa ǹ bǎã nɛ, wo dɔ bɛn li, n pɛ ǹ nɛ: «Dɛnaa Lawa n kɛ pii.» Ta ǹ tá n too koe, ta ǹ ba n too koe wa, Dɛnaa Lawa a da ǹ boo ne.

Misee 3:8

Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Matiə 10:19

Bɛ̀ ǹ tá woe ka nɛ kiri kuru ǹ bǎã nɛ, ka baran ǹ gɔ́ɔ̃ bii ka kaa da ǹ boo-n wa, ka baran ǹ gɔ́ɔ̃ bii ka a da ǹ gɔn dɔ-n wa. Ka doamaa bɛ́ nɛ ka boon mɛnɛn da, Lawa á re bɛa boon lɛn koe ka la a din biikoo kɛ lɛ li.

Marki 16:17

Masɛ a goleemali wolen bɛ́ re n doɛ̃ sii a kɔnbɔn mɛnɛn li, bɛn man ka kɛn nɛ: Ǹ tá re nɔ̀ɔnɔn lui ǹ nə ǹ bɔ minin ganaa ka masɛ tɔ nɛ. Ǹ tá re bɔlɔ soreen pii.

Luku 1:15

A giala, bɛa nɛ kɛ lɛ n die min barkadɛnaa biɛ Lawa gɔn. Duvɛ̃ baran wɔ a lɛ-n wa, màn woo màn, a n we min yii ni, bɛ kɔ́n baran wɔ a lɛ-n wa. Nɛ lɛ n die piɛ̃ ka Lawa a Yiri Fu ni, bɛ̀ á tɔn nə ǹ dan gɔ́ɔ̃ nɛ.

Luku 1:41

Elizabɛti bɛ́ á Mariya a fòo-diɛ lɛ ma, a din bǎã-n gɔrɔ, a nɛ bìn da a gɔ́ɔ̃ nɛ. Lawa a Yiri Fu gisĩ

Luku 1:67

Lawa a Yiri Fu daa nɛnyaan tiɛɛ̃n lɛ di Zakarii la, á boo saa á Lawa a boo gii da:

Luku 12:12

A giala ka doamaa bɛ́ nɛ, ka màn mɛn da bɛa biikoo kɛ lɛ li, Yiri Fu á die bɛ nyɛɛ ka nɛ.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Luku 4:1

Yezu bɔ Zurdɛ̃ tà lɛ-a, a bɛ́ piɛ zii la, Yiri Fu mɛn bɛ́ kun ni, bɛ ná a nyɛɛnaan sabɔ á woo-n diə gole ne.

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 20:22

Bɛa boon lɛn diɛ kio, á piɛ̃ pɛ ǹ ganaa á pɛ ǹ nɛ: «Ka Lawa a Yiri Fu si.

Nya ǹ dín 1:5

ZAÃ na á *batɛmu da minin ganaa mu li, sɛnɛ, kànaa ka boɛɛn nɛ, kasɛn tá re we Lawa a zii ni ka Yiri Fu pàã nɛ.»

Nya ǹ dín 1:8

Sɛnɛ, bɛ̀ Lawa a Yiri Fu gisĩ ka la ǹ mɛn waáraa, ka á re pàã yii. Bɛa biikoo li, ka á re maa siéren biɛ, ka masɛ boo da Zeruzalɛmu kiwi, Zudee gána din tumaa nɛ ka Samarii gána nɛ, yǎa ka woe doe kanaa paǹ din tumaa ganaa.»

Nya ǹ dín 10:46

Sonbore, maǹ nə́ goã bɛa minin kɛn lɛn lɛ miɛ boo diɛ ka bɔlɔ kɔsɔn nɛ, ǹ nə́ Lawa a golebaa boo diɛ nɛ. Piɛrɛ wusoo á n lɛ bũ á pɛ:

Nya ǹ dín 10:47

«Die n boe la a wɔsɛn kurəə, mà wɔ baran batɛmu da minin kɛn ganaa wa, Lawa a Yiri Fu gisĩ minin mɛnɛn la ka wɔsɛn bɛ́ lɔn?»

Nya ǹ dín 11:15

Masɛ Piɛrɛ nə n lɛ bũ boɛɛn lɔn gɔrɔ má n boo diɛ, Yiri Fu gisĩ minin lɛn la, ka a bɛ́ á zɛnaa wɔsɛn dɔn man lɔn a giala koe li.

Nya ǹ dín 11:24

Sonbore, Barnabaasi lɛ na á goã min pepere lɛa, Lawa a Yiri Fu n la, golee Lawa li dɔ ná a lon. Bɛa yɔrɔ kɛ lɛ la, zaman gole kaa kun ka Lawa-nyankɔlen lɛn nɛ, ǹ nə́ golee Dɛnaa li.

Nya ǹ dín 13:52

Lawa-nyankɔlen kɛn sɛn nə́ goã ǹ foo n kɔɔ̃nɛ, Lawa a Yiri Fu nə́ ǹ la.

Nya ǹ dín 13:9

Sooli lɛ, a tɔ n Pooli dɔn, Lawa a Yiri Fu daa la, á n yii doa giĩ lɛ la ka gongon,

Nya ǹ dín 15:8

Lawa mɛn bɛ́ min tumaa foo doɛ̃, a din na á nyaa mà asɛ lɛ kɔ tɔrɔ kɔsɔn ganaa, a giala á Yiri Fu kɔ ǹ la, ka a bɛ́ á kɔ wɔsɛn dɔn la lɔn.

Nya ǹ dín 19:6

Pooli nə́ n gɔn da ǹ la, á Lawa nyankɔ, Yiri Fu gisĩ ǹ la. Ǹ nə́ bɔlɔ soreen pɛ, ǹ nə́ Lawa a boo gii da.

Nya ǹ dín 2:11

ka Krɛti laanka Larabu gána minin ni. Wɔsɛn tumaa, a Zuifu taãnan nɛ, ka tɔrɔ kɔsɔn mɛnɛn nə wɔ Zuifubaa nɛ. Á ke, wɔsɛn tumaa dɔ nə ǹ lɛ miɛ, ǹ nə́ Lawa a dí dadaran kɛn boo diɛ ka wɔsɛn gogoonmaa a bɔlɔ nɛ.»

Nya ǹ dín 2:3

Ǹ yii mànan kɔnɔn yɛ ka tɛ lɛwɔnɔn bɛ́ lɔn. Bɛa tɛ lɛwɔnɔn lɛn nə́ n gigii kɔn, ǹ nə́ mɛ kialandɛnan lɛn gogoonmaa mìi la.

Nya ǹ dín 4:31

Ǹ bɛ́ ǹ nə́ Lawa nyankɔ ǹ nə́ nya, ǹ lɛ bɛ́ soe-n kɔn bǎã mɛn nɛ, bɛa bǎã lɛ bìn da, Lawa a Yiri Fu gisĩ ǹ tumaa la. Ǹ nə́ Lawa a boo da ka foo-doa nɛ.

Nya ǹ dín 4:8

Lawa a Yiri Fu pàã kɔ Piɛrɛ la, yǎa a pɛ ǹ nɛ: – Kasɛn Zuifun nyɛɛnaandɛnan laanka ǹ min golen lɛn!

Nya ǹ dín 6:3

Ka ga ka dinin bii, ka min sɔbaa bɔ, minin mɛnɛn tɔ bǐɛ̃ bɛ́ boe, Yiri Fu nə́ ǹ la, ǹ nə́ sii dɔ doɛ̃. Ka bɛa minin lɛn bɔ wɔsɛn nə ǹ da màn-bii dí lɛ mìi la.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Nya ǹ dín 6:8

Lawa pàã kɔ Itian la parsiini, á goã sii-nyaa ǹ sii dadaran zɛnɛɛ zaman lɛ bii.

Nya ǹ dín 7:55

Sɛnɛ, Itian lɛ sɛ, Yiri Fu bɛ́ la, á n yii saa á ga lon, á tɔ́n Lawa yɛ a gugurubaa nɛ, á Yezu dɔ yɛ golee-n Lawa gusin.

Nya ǹ dín 8:17

Piɛrɛ laanka ZAÃ tɔ́n mɛ la, ǹ nə́ n gɔnɔn da Samarii minin lɛn mìi ni, ǹ nə́ Lawa nyankɔ, yǎa Yiri Fu gisĩ ǹ la.

Nya ǹ dín 9:17

Ananiasi tɔ́n woo, á wɔ kion lɛ nɛ, á n gɔn da Sooli la, á pɛ nɛ: «Ma dɔɔ̃n Sooli, Dɛnaa na á masɛ dia, Yezu mɛn bɛ́ á n din nyaa n nɛ zii la, bɛ lɛ na á masɛ dia màn mɛn bɛ́ toɛ, ma Lawa nyankɔ nɛ, n yiin nə wusoo ǹ wɔlɔ yɛ, Yiri Fu dɔ gisĩ n la.»

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Korɛnti1 12:10

A n kaãbaa ǹ sii zɛnaa koe min la, a Lawa a boo gii dalibaa kɔ min kɔsɔ la. A n yiri koe min tɛn la, a boo la a yiri baraa bɔkɔnlɛ dɔ̃ ka Lawa a Yiri Fu ni. A n bɔlɔ soree pɛ koe min tɛn dɔ la, a bɔlɔ soree lɛ a bɔyaa doɛ̃ kɔ min kɔsɔ dɔ la.

Korɛnti1 13:1

Haalɛ ta má minbuiinin bɔlɔ pɛ, má lon a dia dí-a wole dinin wɔ pɛ, bɛ̀ kɔn-narɛɛ ba ma lon wa, maa boo laakalaa lɛ a màn kɔ́n lɛa wa. A n goon ka màn wuu n boe, hinlaa ka fɔlɔ màn wuu bɛ́ lɔn.

Korɛnti1 13:8

Kɔn-narɛɛ a papaɛ̃ duduu wa. Lawa a boo gii-dalibaa á re nyɛɛ, bɔlɔ soree pɛ á re nyɛɛ, màn-doɛ̃ á re nyɛɛ.

Korɛnti1 14:18

Masɛ á bɔlɔ soree pii má la ka tumaa nɛ, ma á bɛa barka diɛ Lawa nɛ.

Korɛnti1 14:5

Ma tá li máa ka tumaa bɔlɔ soree pɛ doɛ̃. Sɛnɛ, bɛ̀ ka á Lawa a boo gii diɛ doɛ̃, bɛ á kɔɔ̃n ma ganaa doo á la yii ni. Taãn nɛ, min mɛn bɛ́ Lawa a boo gii diɛ, bɛ là tan á la bɔlɔ soree pɛle ne. Yǎa bɛ̀ a tá a boo lɛ giala pii, á n doe Lawa a sɔmɔ lɛ.

Efɛɛzi minin 3:19

Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Efɛɛzi minin 5:18

Ka baran duvɛ̃ mi a yoo ka yii-a wa, bɛ á re toɛ ka sii lɔlɔkɔn. Sɛnɛ, ka toa ka pã ka Yiri Fu ni.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Piɛrɛ1 1:12

Lawa nyaa boo gii-dalin lɛn manɛ, mà boo kɛ lɛ ǹ tá diɛ, mà a bie ǹsɛn wɔ lɛa wa, sɛnɛ, mà kasɛn wɔ nɛ. Kanna, Boo Tii Kɔɔ̃n pɛlen kɛn man nə́ bɛa boo kɛ lɛ saa, ǹ nə́ pɛ ka nɛ ka Yiri Fu pàã nɛ, Lawa Yiri Fu mɛn dia á bɔ lon ke lɛn. Haalɛ lon a dia dí-a wolen dinin man giɛ li, ǹ nə n yii wɔ bɛa boo kɛ lɛ gɔ́ɔ̃ nɛ, ǹ na a giala ma.

Piɛrɛ2 1:21

A giala, Lawa a boo gii kɛ lɛ kɔ́n bie boe minbuiin nɛ dùũ-n wa. Sɛnɛ, Yiri Fu na á minin nyɛɛnaan bɔ, ǹ nə́ Lawa wɔ gii lɛ da.

Samayeli1 1:14

Elii pɛ nɛ: «Yɔ lɛ n die goɛ̃ n yii ganaa yǎa biĩ? Toa a toɛ̃ a n bɔ n yii ganaa.» Sɛnɛ Anɛɛ ná a lɛ si kɛnɛn:

Samayeli1 10:10

Ǹ bɛ́ ǹ nə́ dɔ Gibeya, Lawa a boo gii-dalin nə́ kaa kun ǹ nə́ daa ǹ da lɛ. Lawa yiri gisĩ la, á Lawa a boo gii-dali baa ǹ siin zɛnaa kunun ǹ ni.