Nya ǹ dín 2:38 - LAWA A BOO SONBORE

³⁸ Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

LAWA A BOO SONBORE 2011

³⁸ Piɛrɛ nə́ ǹ lɛ si: «Ka wusoo kaa sii baraan kio. Kaa didie lɛ kɔ, wɔsɛn nə batɛmu kɛ da ka ganaa ka Yezu *Krita tɔ nɛ, màn mɛn bɛ́ toɛ, Lawa kaa sii baraan toa ka nɛ. Bɛa biikoo li, Lawa á die a Yiri Fu gisĩ ka la.

Nya ǹ dín 2:38 ပူးပေါင်းရင်းမြစ်များ

Izayii 32:15

Sɛnɛ ǹ kɔn pinaa, Dɛnaa Lawa á re a yiri gisĩ wɔ la. Bɛa biikoo li kəni, diə gole á re n bɔyɛɛ a da nɛ-kɔle wuru baa, da nɛ-kɔle wuru á re n bɔyɛɛ a daã baa.

Izayii 59:20

Si sii la wole á re die *Siɔn, Zakɔba a minin kɛn lɛa, ǹ nə́ ǹ sii baraan kaa. Dɛnaa Lawa a da ǹ boo ne.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Matiə 3:2

A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔ bii sisia.»

Matiə 3:6

Ǹ nə́ goã golee ǹ sii baraan li min tumaa yɔrɔ-a, bɛ̀ ZAÃ tá batɛmu diɛ ǹ ganaa Zurdɛ̃ tà mu li.

Matiə 4:17

A kũ a da Galilee biikoo lɛ ganaa, Yezu ná a giala kɔ á Boo Tii Kɔɔ̃n pɛ. A na á goã pii: «Ka n taasɛ ka wusoo kaa sii baraan kio, a giala, Lawa n die a kiibaa ǹ dí lɛ nyɛɛ wɔsɛn bii sisia.»

Marki 1:15

a na á goã pii: «Biikoo lɛ pã kəni, Lawa n die a kiibaa ǹ dí lɛ nyɛɛ wɔsɛn bii sisia. Ka n taasɛ, ka wusoo kaa sii baraan kio, ka lɛ kɔ Lawa a Boo Tii Kɔɔ̃n kɛ ganaa.»

Marki 16:16

Bɛ̀ min mɛn golee li, ka *batɛmu da a ganaa, Lawa á re bɛa dɛnaa kirisibiɛ. Bɛ̀ min mɛn golee li wa, Lawa á re dɔlɔ boe bɛa dɛnaa ganaa.

Luku 24:47

Maǹ die a giala koe Zeruzalɛmu ganaa, ǹ Lawa a boo pɛ ka a din tɔ nɛ tɔrɔn tumaa nɛ, mà ǹ wusoo ǹ sii baraan kio, ǹ golee Lawa li, màn mɛn bɛ́ toɛ, Lawa nə ǹ sii baraan toa ǹ nɛ.

Luku 3:10

Zaman gigiã na á goã nɔ̀n diɛ ZAÃ la mà ǹsɛn doamaa nɛ ǹ wàa mɛn zɛnaa kəni?

Nya ǹ dín 10:43

Lawa a boo gii-dalin lɛn tumaa na á goã boo kɛ pii a din lɛ wɔ gɔn la, mà min woo min golee li, mà Lawa n die bɛa dɛnaa a sii baraan toɛ nɛ ka a din lɛ tɔ pàã nɛ.»

Nya ǹ dín 10:48

Piɛrɛ zii kɔ, mà ǹ batɛmu da ǹ ganaa ka Yezu *Krita tɔ nɛ. Bɛ kio ǹ nə́ Piɛrɛ nyankɔ, mà a giã kun ka ǹsɛn nɛ lɛawaa paa.

Nya ǹ dín 13:38

Dɔɔ̃nɔn lɛn ganaa, ka dɔ̃ mà sii baraa toa kɛ na á dɔ ka li, a din Yezu kɛ lɛ barka nɛ. Muizu a dí-pɛn kɛn giulun, ka goã boe la ka tá n mìi siɛ lon Lawa yɔrɔ-a wa.

Nya ǹ dín 16:15

A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 22:16

Ma nə n yii diɛ wàa la doo? Yoo n Yezu nyankɔ, masɛ *batɛmu da n ganaa, Lawa nə n sii baraan toa n nɛ.»

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Nya ǹ dín 5:31

Lawa na á ná a din lɛ saa lon, á koa gugurubaa ǹ bǎã nɛ a din gusin, kii lɛa, kirisibaali lɛa, màn mɛn bɛ́ toɛ, Izirayeli minin nə boo la, ǹ wusoo ǹ sii baraan kio, Lawa nə ǹ sii baraan toa ǹ nɛ.

Nya ǹ dín 8:12

Sɛnɛ, Filipi na á goã *Lawa a kiibaa ǹ Boo Tii Kɔɔ̃n kɛ pii Yezu *Krita wɔ gɔn la, á nyaa, mà Lawa a kiibaa ǹ dí lɛ na á n giala kɔ kanaa ka a din ni. Ǹ bɛ́ ǹ nə́ golee li, ǹ nə́ lɛ kɔ, lɔn laanka giĩn ni, ǹ nə́ *batɛmu kɛ si.

Nya ǹ dín 8:20

Sɛnɛ, Piɛrɛ ná a lɛ si: «N bɛ́ ń taasɛ mà n tá boe la, n Lawa a bǐɛ̃ sonbore kɛ pii ka wɔrɔ nɛ, n laanka n wɔrɔ tumaa bɔ̀n baa kun.

Rɔmu minin 6:3

*Batɛmu lɛ n wɔ kiɛ kun ka *Krita nɛ. Ka á bɛ giala miɛ ke? Bɛ giala mà bɛa batɛmu lɛ n wɔ kiɛ kun ka Krita nɛ, a gɛ̀ lɛ gɔ́ɔ̃ nɛ.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Tiitii 3:5

a na á wɔ kirisibaa ka bɛ nɛ. A bie á zɛnaa mà wɔ ǹ wɔ́ dí peperen nya wa, sɛnɛ, a na á zɛnaa a giala, mà wɔ makara na á bɔ a ganaa. Wɔ bɛ́ wɔ́ *batɛmu mɛn yɛ, Lawa a Yiri Fu bɛ́ n toɛ bɛ gɔ́ɔ̃ nɛ, a wusoo a yɛ ka nyin dii-n mɛn kɔ wɔ la, a na á wɔ kirisibaa bɛa lɛa.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.