Nya ǹ dín 2:37 - LAWA A BOO SONBORE

³⁷ Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

LAWA A BOO SONBORE 2011

³⁷ Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 2:37 ပူးပေါင်းရင်းမြစ်များ

Loen 73:21

Sii kɔɔsɛ lɛ bɛ́ á ma gɔ́ɔ̃ pã, taasiɛ ma nɔmaa ka ma yiri daa a yoo,

Boo-laakalaali 12:11

Sii-dɔ̃lin boon man ka tɔɔn loo ǹ kiɛn bɛ́ lɔn, man ka tɔɔn gama walan wolen gɔnɔn dere tán nɛ, tɔɔ-lɛduə̃li goon dinsɔɔ̃ na á ǹ wɔ.

Izayii 21:12

Wɔlɔ-lɛduə̃li lɛ ná a lɛ si, á pɛ: «Lɛ̀ n wɛɛ, sɛnɛ tèlò n tɔn a tan. Bɛ̀ ka á li ka wusoo ka da nɔ̀n da, ka wusoo ka da biikoo kɔsɔ li doo!»

Ezekieli 7:16

Min mɛnɛn bɛ́ re liɛ, bɛn tá re baa sii ǹ wo kelen la. Ǹ tá re puri ka kɔlɔn bɛ́ lɔn, ǹ sii baraa taman yii.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Luku 3:10

Zaman gigiã na á goã nɔ̀n diɛ ZAÃ la mà ǹsɛn doamaa nɛ ǹ wàa mɛn zɛnaa kəni?

Luku 3:12

Wusuru-silin dɔn nə́ daa a li, mà a batɛmu da ǹsɛn ganaa. Ǹ nə́ tɔ́n nɔ̀n da la mà mìinaa, mà ǹsɛn doamaa nɛ ǹ wàa mɛn zɛnaa?

Luku 3:14

Sɔraasin dɔn nə́ nɔ̀n da la mà ǹsɛn dɔn doamaa nɛ ǹ wàa mɛn zɛnaa? Á ǹ lɛ si: «Ka baran pàã nyaa min ni ka wɔrɔ si la wa. Ka baran mɛnaa min dɔ la ka soɛ boon ne ka wɔrɔ si la wa. Bɛ din tumaa kio, ǹ bɛ́ saraa mɛn koe ka la, ka toa bɛ lɛ dɔ ka yii li.»

Zaã a sɛ́wɔ 8:9

Ǹ bɛa boon lɛn ma lɔn, ǹ nə́ n moɛ gogoon, a saa ǹ yii fulii-an ganaa a wo ǹ kiodɛnan yaa. Yezu dinsɔɔ̃ goã bǎã-n bii-a, kun ka lɔ lɛ-n tɔn golee-n a yɔrɔ-a.

Nya ǹ dín 1:16

– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.

Nya ǹ dín 22:10

Má nɔ̀n da: «Dɛnaa, ma doamaa nɛ ma wàa mɛn zɛnaa kəni?» Dɛnaa ma lɛ si: «Yoo, n wo Damaasi, Lawa dí mɛn koa n wɔ lɛa, ǹ tá re bɛ nyɛɛ n nɛ walan.»

Nya ǹ dín 5:33

Kiri-wɔlen lɛn bɛ́ ǹ nə́ bɛa boon kɛn ma, ǹ foo yoo. Maǹ nə́ goã giɛ li ǹ dia dí-a wolen lɛn dɛ ǹ gã.

Nya ǹ dín 7:54

Boon kɛn nə́ tɛ da kiri-wɔlen lɛn foo-a, yǎa ǹ nə́ n lɛ sɔsɔ̃ Itian li.

Rɔmu minin 7:9

Lɛlɛ-lɛlɛ, dí-pɛ bɛ́ a banban, gɛ̀ goã wɔ mìi-n wa. Sɛnɛ, dí-pɛ lɛ bɛ́ á daa, pàã wɔ sii baraa nɛ, gɛ̀ daa wɔ mìi ni.