Nya ǹ dín 2:33 - LAWA A BOO SONBORE

³³ Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

LAWA A BOO SONBORE 2011

³³ Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 2:33 ပူးပေါင်းရင်းမြစ်များ

Loen 118:16

Dɛnaa Lawa ná a boo sii la nyaa! Dɛnaa Lawa á boe sii la!

Loen 89:19

Dɛnaa Lawa, n din nə ń wɔ tamaali kɛ kɔ wɔ la, Izirayeli a Lawa sonbore, n din nə ń kii kɛ koa wɔ mìi la.

Loen 89:24

A giala, mà ma á re a zɔ́ɔn tuturi a nyɛɛnɛ, ma á re a baa zɔ́ɔbaa wolen dii.

Izayii 52:13

Dɛnaa Lawa pɛ: Á ke, maa dí-nyali n die bǐɛ̃ koe. Ǹ tá re a guguru koe, ǹ na a laakalaa gugurubaa n die n koe la.

Izayii 53:12

Bɛ lɛ nɛ, man bǎã koe la min dadaran bii. Á re zɔ́ɔn gɔn màn gii kɔn ka pàãdɛnan nɛ. A giala á n din kɔ gɛ̀ la, ǹ nə́ da kun ka min baraan nɛ. Taãn nɛ, á n toɛ̃ ka min gigiã a sii baraan nɛ, á daa sii baraa-zɛnaalin gú ganaa.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Marki 16:19

Wɔa Dɛnaa Yezu bɛ́ á boo da á nya ǹ mɛn waáraa, Lawa saa á woo-n lon ne, á woo giã a din gusin.

Luku 24:49

Ma Di bɛ́ á n lɛ kɔ ka màn mɛn nɛ, masɛ n die bɛ lɛ diɛ ka la. Sɛnɛ, ka giã Zeruzalɛmu kiwi bɔrɔ, yǎa pàã boe lon a die gisĩ ka la.»

Zaã a sɛ́wɔ 14:16

Masɛ dɔ á re maa Díi nyankoe má a Dɔmalɛ Wole kɔsɔ kɔ ka la, bɛ n die goɛ̃ ka li miɛ̃ biikoo tumaa waáraa.

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Zaã a sɛ́wɔ 17:5

Maa Díi, sisia kəni, gugurubaa mɛn goã ma lon n din li, bɛ̀ kanaa bɛ́ a tɔn nə n giala kɔ wa, wusoo n bɛ lɛ kɔ ma la n din li.

Nya ǹ dín 1:4

Màn bii ǹ bǎã kɔ́n nɛ kunun ǹ ni, á pɛ á laa ǹ ganaa kɛnɛn: «Ka baran n wɔlɔ lui Zeruzalɛmu ganaa wa. Sɛnɛ, maa Díi lɛ kɔ ka la ka Yiri Fu mɛn nɛ, ka n yii da la Zeruzalɛmu. Ka lɛ kɔ ǹ boo mɛn ma ma lɛ-n ke, bɛ lɛ nɛ.

Nya ǹ dín 10:45

Zuifu Lawa-nyankɔlen mɛnɛn nə́ Piɛrɛ da zii, ǹ nə́ bɔ Zoopee kiwi, á kaãbaa da bɛn ganaa parsiini, a giala, Lawa Yiri Fu dia á gisĩ tɔrɔ kɔsɔn dɔn la sisia.

Nya ǹ dín 2:17

A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

Nya ǹ dín 5:31

Lawa na á ná a din lɛ saa lon, á koa gugurubaa ǹ bǎã nɛ a din gusin, kii lɛa, kirisibaali lɛa, màn mɛn bɛ́ toɛ, Izirayeli minin nə boo la, ǹ wusoo ǹ sii baraan kio, Lawa nə ǹ sii baraan toa ǹ nɛ.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Galaasi minin 3:14

Bɛ na á n zɛnaa, màn mɛn bɛ́ toɛ, Lawa barka mɛn da Abrahamu ganaa, bɛ dɔ tɔrɔ kɔsɔn kɛn tumaa ganaa Yezu Krita pàã ganaa. Bɛa yɔrɔ kɛ lɛ la, goleemali barka nɛ, wɔ n boe la, wɔ Lawa a lɛ-kɔ ǹ Yiri Fu kɛ yɛ.

Efɛɛzi minin 1:13

Kasɛn dɔn bɛ́ ka sonbore boo kɛ ma, Boo Tii Kɔɔ̃n kɛ lɛ ka kirisibiɛ, ka dɔn man ká golee Krita lɛ li. Bɛ lɛ nɛ, Lawa din nə n lɛ kɔ ka Yiri Fu mɛn nɛ, a na á bɛ kɔ ka la, a wɔbaa ǹ nyaǹ kiɛ̃ lɛa ka ganaa.

Efɛɛzi minin 4:8

Ka ǹ bɛ́ pii Lawa a sɛ́wɔ-n lɔn: «A bɛ́ á dii lon, á woo ka bɛ̀rɛn nɛ kun ka a din ni, á bǐɛ̃ zɛnaa minbuiinin manɛ.»

Tiitii 3:6

Lawa na á bɛa Yiri Fu lɛ gisĩ wɔ la gigiã, wɔ Nyin-sili Yezu *Krita barka nɛ.

Ebrəə 10:12

Sɛnɛ, Krita sɛ na á n din kɔ, wúlu màn goon toto lɛa sii baraan lɛa, bɛ kio á giã Lawa gusin lon yǎa duduu,

Ebrəə 2:9

Sɛnɛ, wɔ yii n kɛ ganaa Yezu lɛ wɔ paǹ li: «Biikoo boɛɛn gɔ́ɔ̃ nɛ, Lawa ná a kiɛɛrɛ kɔ, á la lon a dia dí-a wolen manɛ,» màn mɛn bɛ́ toɛ, Lawa a bǐɛ̃baa barka nɛ, a gã minbuiin nɛ tumaa a lɛa. Sɛnɛ kanna, wɔ yii na a ganaa doo, wáa Lawa «gugurubaa laanka zín kɔ la» a gɛ̀-wɔ lɛ a lɛa.

Piɛrɛ1 1:21

Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.

Piɛrɛ1 3:22

Yezu Krita lɛ woo lon dɔn, á giã-n Lawa gusin. Lon a dia dí-a wolen ne, ka lon màn goledɛnan laanka a pàãdɛnan tumaa na a din lɛ bɔlɔ sii.