Nya ǹ dín 2:28 - LAWA A BOO SONBORE

²⁸ Ma nə́ n yiikoonaabaa ǹ zii nyaa ma nɛ. N din a tá kun ma-n tá re ma foo kɔɔ̃n koe taãn-taãnɛ.»

LAWA A BOO SONBORE 2011

²⁸ Ma nə́ n yiikoonaabaa ǹ zii nyaa ma nɛ. N din a tá kun ma-n tá re ma foo kɔɔ̃n koe taãn-taãnɛ.»

Nya ǹ dín 2:28 ပူးပေါင်းရင်းမြစ်များ

Loen 16:11

N din nə yiikoonaabaa ǹ zii nyɛɛ ma nɛ. Nyɛnyɛɛ nə n din li, foo kɔɔ̃nbaa mɛn bɛ́ a ba nyɛɛ wa, bɛ n yii n din li.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 21:4

N din nə́ n da lɛ ka bǐɛ̃ sonboren ne. N din nə ń kiibaa ǹ bafolo wɔ a mìi-a, sana lɛa.

Loen 21:6

N din a gɔ̀lɔ̀baa barka nɛ, á gugurubaa gole yɛ, n din nə ń siĩnbaa laanka golebaa kɔ la.

Loen 25:4

Dɛnaa Lawa, n zii lɛ nyaa ma nɛ, ma dɔ̃. Ma daraa n zii lɛ a kɔmalɛ ganaa.

Loen 42:5

Lɛlɛ, man má goã miɛ̃ zaman kɛ nyɛɛnɛ zɔ́n biikoo li. Man má goã woe koɛ yǎa Lawa a Kion. Maǹ nə́ goã foo kɔɔ̃nbaa ǹ loe loe, bɛ̀ ǹ Lawa tɔ bɔ. Bɛ̀ ma yiri gisĩ bɛ lɛ-n sisia, ma foo n ziziɛ̃.

Suusun 2:19

Min mɛn tumaa bɛ́ woe a li, ǹ ba n bɔyɛɛ duduu wa, ǹ ba yiikoonaabaa ǹ zii yii doo wa.

Suusun 8:20

Man tɔ we peperebaa zii la. Zii mɛn bɛ́ ǹ nə́ dí-pɛn tamaɛ la, maa wɔ n ka bɛ nɛ.

Zaã a sɛ́wɔ 14:6

Yezu pɛ nɛ: «Masɛ din nə zii lɛa, sonbore lɛa, yiikoonaabaa lɛa. Min kɔ́n ba woe Díi Lawa li, bɛ̀ a ná a kɔ masɛ lɛ wa.

Nya ǹ dín 2:27

máa n ba re ma toɛ geren li wa, ma bɛ́ n din a dí-nyali bɔlɔgoondɛnaa lɛa, n ba re toɛ ma gere bɔɔ̃ wa.

Nya ǹ dín 2:29

Piɛrɛ pɛ: – Ma dɔɔ̃nɔn lɛn, ka toa ma pɛ ka nɛ wɔsɛn digolo Davida wɔ gɔn la, á gã, ǹ ná a gere bĩ, a yala tá tɔn na a tan wɔsɛn bii ka pelo yii ni.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.