Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nya ǹ dín 2:24 - LAWA A BOO SONBORE

24 Lawa gɔsɛ gɛ̀ gɔn á si, á wusoo á yiikoonaabaa kɔ la. A giala, pàã goã gɛ̀ lon a Yezu lɛ kurəə wusoo a da yiikoonaabaa ganaa wa.

အခန်းကိုကြည့်ပါ။ ကော်ပီ

LAWA A BOO SONBORE 2011

24 Lawa gɔsɛ gɛ̀ gɔn á si, á wusoo á yiikoonaabaa kɔ la. A giala, pàã goã gɛ̀ lon a Yezu lɛ kurəə wusoo a da yiikoonaabaa ganaa wa.

အခန်းကိုကြည့်ပါ။ ကော်ပီ




Nya ǹ dín 2:24
45 ပူးပေါင်းရင်းမြစ်များ  

A bɛ́ miɛ̃, Dɛnaa Lawa, ma bɛ́ ke n din a dí-nyali lɛa, dí nyɛɛ n nɛ ka ma dan wɔ bɛ́ lɔn, n din nə ń gɛ̀ gɔnɔn fore ǹ nə́ ǹ bɔ ma ganaa.


Sɛnɛ, Asiirii sɛ bɛa woo ǹ bǎã yɛ wa. Asɛ n taasiɛ kɔsɔ we. A bɛ́ re tɔrɔ gigiã bɔ̀n biɛ lɔn, asɛ n bɛa taasiɛ we taãn-taãnɛ.


Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.


Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.


Dɛnaa Lawa na á goã li a yɔyɔrɛ ka fuu ni. A bɛ́ á n din kɔ zɛ̀rɛ si Lawa la ǹ *wúlu màn lɛa, á re tɔrɔn yii, a yii á re goɛ̃ koo a belebɔ. Sii mɛn bɛ́ kɔɔ̃n Dɛnaa Lawa-a, bɛ lɛ n die n zɛnɛɛ.


Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.


ǹ nə́ pɛ: «Goledɛnaa, wɔsɛn yiri tá a nɛ minin yiri-sãli kɛ lɛ pɛ, bɛ̀ a yii bɛ́ tɔn koo mà asɛ a gɛ̀ lɛawaa sɔɔ, mà asɛ yii á die kiɛ.


Min bie sii ma la wa dɛ. Man boe ma din ni ma á koe. Pàã tá ma lon ma bɔ ma din ni ma kɔ, pàã tá ma lon dɔn ma wusoo ma si. Maa Díi dí mɛn pɛ ma nɛ, a din lɛ n bɛ nɛ.»


Lawa a boo bɛ́ màn mɛn pii, ka á doɛ̃, mà min kɔ́n ba boe la a bɛ sàabaa wa. Lawa na a dí-pɛn lɛn kɔ min mɛnɛn la bibinaa nɛ, á ǹ baa sii yɔrɔ-bɔlen lɛa, a n bɛn lɛn bíi mà "lawan".


Màn mɛn bɛ́ á toa ǹ nə́ ǹ ba golee li wa, a din Izayii lɛ na á bɛ dɔ pɛ:


Bɛ á zɛnɛɛ, Lawa a boo mɛn bɛ́ pii mà Yezu yii doamaa nɛ a kaa a n bɔ geren bii, bɛ̀ ǹ tɔn bɛ giala ma bɔrɔ wa.


– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.


Sɛnɛ, Lawa din nə Yezu mɛn yii kaa á bɔ geren bii, bɛ gere bɔɔ̃ wa.


Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.


Bɛa Yezu kɛ lɛ, Lawa ná a yii kaa á bɔ geren bii, wɔsɛn tumaa n bɛa siéren lɛa.


Ka bɛ́ ka nyin-kɔle dinmaa kɔ minin la ǹ nə́ dɛ, Lawa na á yii kaa á bɔ geren bii. Wɔsɛn dinin man bɛa siéren lɛa.


Lawa na á ná a dí-nyali dia bɔrɔ ka dinin lɛa. A na á dia mà a da barka wɔ ka gogoonmaa nɛ, a giala, a n die ka diɛ wusoo kaa sii baraan kio ganaa.»


Ka dinin tumaa laanka Izirayeli gána minin tumaa dɔ̃ kəni, mà Nazarɛtin Yezu tɔ kɛ pàã nɛ, giĩ kɛ á golee ne ka yɔrɔ-a min kaka lɛa. Yezu *Krita mɛn bɛ́ ka dinin nə́ dere gɔn-a, Lawa na á yii kaa á bɔ geren bii, bɛ lɛ barka nɛ.


Ka Yezu mɛn dere gɔn-a, ka dɛ lɛn, wɔ digolon Lawa lɛ na á bɛ lɛ yii kaa á bɔ geren bii.


Bɛ lɛ nɛ, bɛ̀ ń bɔ n lɛ nɛ ń pɛ mà: «Yezu n Dɛnaa lɛa», bɛ̀ ń golee li ka n foo dɔ nɛ, mà Lawa ná a yii kaa á bɔ geren bii, n tá re kirisibiɛ.


A giala, *Krita lɛ na á gã, a yii kaa, màn mɛn bɛ́ toɛ, a geren laanka yiikoonaan Dɛnaa baa.


A nə n pii wɔ dɔn wɔ gɔn la, bɛ̀ wɔ dɔn tá golee a din li, Lawa á re lɛ koe wɔ dɔn ganaa min peperen lɛa. A din Lawa lɛ na á wɔa Dɛnaa Yezu yii kaa, á bɔ geren bii.


Bɛa batɛmu kɛ lɛ barka nɛ, wɔ n wɔ́ gã kun ka Yezu ni, ǹ nə́ wɔ bĩ kun ka a din ni. Sɛnɛ, wɔ Di Lawa bɛ́ a ná a yii kaa á bɔ geren bii, ka a din pàã gole kɛ nɛ, wɔsɛn dɔn yii á boe la a kaa, wɔ tɔ wɔ ǹ gɔn dii saa.


Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.


Die n boe la kəni, a dɔlɔ da ǹ mìi ni? Min kɔ́n, a giala, Yezu Krita na á gã, ka bɛ dɔ nɛ a yii kaa, á giã-n Lawa gusin, á n Lawa nyankoe wɔ a lɛa.


Bɛ̀ wɔ á pii ka nɛ, wáa Krita yii-kaa á n bɔ geren li, wàa na á baa kaa min tɛnɛn tá pii, mà geren yii kaa banban?


Doo, bɛ̀ geren yii kaabaã lɛ n taãn lɛa, a n goon ka soɛ siére-pɛlen man wɔ nɛ Lawa wɔ paǹ li. A giala, mà wɔ́ pɛ wáa Lawa Krita bɔ geren li, á da yiikoonaabaa nɛ, a da yaa a na a yii kaa dɔn wa.


Sɛnɛ, ka boo taãn nɛ, Krita lɛ yii bɛ́ á kaa bibinaa nɛ á n bɔ geren li, bɛ n nyɛɛ mà geren tumaa yii á re kiɛ.


Ǹ nə́ bĩ, a lɛawaa sɔɔbaa ǹ wɔ pinaa, a yii kaa, ka Lawa a sɛ́wɔ bɛ́ á pɛ lɔn.


Lawa na á Dɛnaa bɔ geren li, á da yiikoonaabaa nɛ. Á re wɔ dɔn boe geren li, a wɔ kaa yiikoonaabaa nɛ ká a din pàã nɛ.


A giala, ma á doɛ̃ taãnɛ, máa Lawa mɛn bɛ́ á Yezu yii kaa á bɔ geren li, máa bɛ á re masɛ dɔ yii kiɛ kun ka Yezu ni, ma wusoo ma yɛ kun ka ka nɛ, a din yɔrɔ-a.


Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.


á Krita yii kaa nɛ, á bɔ geren li á da yiikoonaan li, á koa lon, a din gusin.


Sonbore ne, ǹ bɛ́ ǹ nə́ *batɛmu da ka ganaa, a n goon ka maǹ nə́ ka bĩ kun ka Krita nɛ, ka yii wusoo á kaa kun ka a din ni, a giala, Lawa pàã mɛn na a yii kaa á bɔ geren bii, ka golee bɛ lɛ li.


Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.


Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,


Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,


Asɛ lɛ barka nɛ ka á golee-n Lawa li, Lawa mɛn bɛ́ a ná a yii kaa á bɔ geren bii, á gugurubaa kɔ la. Bɛa yɔrɔ kɛ la, kaa goleemali laanka kaa foo-doa giala n doa-n Lawa ganaa.


Ma din nə yiikoonaa lɛa. Má goã má gã, sɛnɛ, kanna man goɛ̃ ma yii n koo yǎa duduu. Gɛ̀ a lɛduə̃ ǹ pàã n masɛ din gɔn, ka geren piɛ tumaa wɔ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ