Nya ǹ dín 2:17 - LAWA A BOO SONBORE

¹⁷ A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

LAWA A BOO SONBORE 2011

¹⁷ A màn mɛn pɛ, bɛ n ka kɛ nɛ Lawa pɛ: «Biikoo a nya waáraa ma á re ma yiri kɛ koe min tumaa la. Kaa nɛgiĩn laanka kaa nɛlɔn tá re maa boo gii diɛ. Ma á re boo diɛ kaa min golen manɛ ka narɛɛn nɛ, ma á re boo diɛ kaa nɛ tenən manɛ ka sii-yɛn nɛ.

Nya ǹ dín 2:17 ပူးပေါင်းရင်းမြစ်များ

Siin Giala 49:1

Zakɔba ná a nɛgiĩn lɛn bíi, á pɛ ǹ nɛ: «Ka n lɛ sɔkɔn, màn mɛn bɛ́ toɛ, sii mɛn bɛ́ re ka yii biɛ̃, ma bɛ pɛ ka nɛ:

Siin Giala 6:12

Dɛnaa ga kanaa ganaa, á yɛ mà á ziziɛ̃, a giala, minbuiinin tumaa a tɔ wɔ ǹ gɔn baraa kɔ.

Loen 65:2

Lawa, n din nə *Siɔn kiwi kɛ nɛ, n doamaa nɛ min gogoonmaa nə n tɔ bɔ, min gogoonmaa nə n lɛ kɔ ka sii mɛn nɛ ǹ bɛ zɛnaa n wɔ paǹ li,

Loen 72:6

Toa kii lɛ goã ka la mɛn bɛ́ kiɛ wuru-n, ka la mɛn bɛ́ kiɛ, a mu tán giɛɛra.

Suusun 1:23

Ka n too kɔ maa doroon li. Man die ma yiri gisĩ ka la kəni, ma toa ka maa da ǹ boon dɔ̃.

Izayii 2:2

Lɛawaa kɔn tá re doe Dɛnaa Lawa a kion lɛ bɛ́ kele mɛn la, a mìi la á re liɛ kelen tumaa wɔ nɛ, á re goɛ̃ tentelen tumaa lalan. Tɔrɔn tumaa á re yiɛ ǹ wo walan girigiri.

Izayii 40:5

Ka bɛ-n kəni, Dɛnaa Lawa a siĩnbaa á re n doɛ̃. Minbuiin nɛ tumaa á re yii, ǹ dɔ̃ mà Dɛnaa Lawa boo da.

Izayii 44:3

Taãn nɛ, mu boro bɛ́ tán mɛn ganaa, ma á re toɛ mu baa si bɛ la, tà baa si tán gere la. Ma á re ma yiri gisĩ n nɛnyaanan la, ma barka da n nɔ̀ɔ fulupaa ganaa.

Izayii 49:26

Min mɛnɛn bɛ́ boe n yii ni, ma á re bɛn kiɛ ǹ dinin siĩ soɛ̃ ganaa. Ǹ tá re n dinin mà mii, a ǹ yii kũ, ka duvɛ̃ dii bɛ́ min yii kuĩ lɔn. Ka bɛ nɛ, yiikoonaa tumaa á re doɛ̃, mà masɛ Dɛnaa Lawa nə n kirisibaali lɛa, ma nə n si sii la wole lɛa, masɛ Zakɔba a Lawa Pàãyiidɛnaa.

Izayii 66:23

Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Ezekieli 11:19

Ma á re foo dii koe ka la, ma yiri dii kɔ ka la. Foo kakabaa mɛn bɛ́ ka nɛ ka kɔlɔ bɛ́ lɔn, ma á re bɛ boe ma minbuiin nɛ baa ǹ foo basiɛ̃ kɔ ka la.

Ezekieli 39:29

Ma á re ma din Yiri kɛ koe Izirayeli tɔrɔn la, ma a re n yɔrɔ bɔyɛɛ ma bɔ ǹ la doo wa. Ma din Dɛnaa Lawa a da ǹ boo ne.»

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Misee 4:1

Lɛawaan kɔnɔn tá re doe, Dɛnaa Lawa a kion lɛ bɛ́ kele mɛn la, bɛ á die goɛ̃ ǹ miã kelen mìi la, lon tentenen tumaa mìi la, tɔrɔn tá re yiɛ girigiri bɛ̀ ǹ wo la.

Zakarii 12:10

Man die sonborebaa ǹ yiri laanka Lawa nyankɔ ǹ yiri koe Davida a sumu minin laanka Zeruzalɛmu minin la. Ǹ masɛ mɛn lɛ fɔ̃, ǹ tá re n yiin doɛ ma la, bɛ lɛ taman yii. Ǹ tá re gɛ̀ loe loe la, ka ǹ bɛ́ nɛgiĩ goon toto a gɛ̀ loe loe lɔn. Maǹ die wuu pii la, ka ǹ bɛ́ nɛgiĩ bibinaa a gɛ̀ wuu pii lɔn.

Zakarii 2:13

Sonbore, man die yui tɔrɔn kɛn gialaa. Min mɛnɛn nə goã ǹ bɛ̀rɛn lɛa, bɛn tá re ǹ dɔn kokoe.» Bɛ̀ bɛ nə́ n zɛnaa, ka á re doɛ̃ ka bɛ nɛ, mà Dɛnaa Lawa Pàãyiidɛnaa na á ma dia.

Luku 3:6

Bɛ kio, minbuiin nɛ din tumaa á die Lawa a wɔ kirisibaa ǹ dí lɛ yii.»

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Zaã a sɛ́wɔ 7:39

(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)

Nya ǹ dín 10:45

Zuifu Lawa-nyankɔlen mɛnɛn nə́ Piɛrɛ da zii, ǹ nə́ bɔ Zoopee kiwi, á kaãbaa da bɛn ganaa parsiini, a giala, Lawa Yiri Fu dia á gisĩ tɔrɔ kɔsɔn dɔn la sisia.

Nya ǹ dín 11:27

Bɛa biikoo kɛ lɛ li, Lawa a boo gii-dalin nə́ bɔ Zeruzalɛmu ǹ nə́ woo Antiɔsi.

Nya ǹ dín 11:28

Ǹ goon mɛn tɔ bɛ́ Agabusu, Yiri Fu nyaa bɛ nɛ á pɛ, mà bòo gole á die we kanaa paǹ din tumaa nɛ. Sonbore, bɛa bòo lɛ wɔ Klodo a kiibaa wasa nɛ.

Nya ǹ dín 2:16

Sɛnɛ, ka yii bɛ́ sii mɛn-a ke, Lawa a boo gii-dali Zowɛli boo mɛn pɛ lɛlɛ, bɛ lɛ pã ǹ sii ni.

Nya ǹ dín 2:18

Bɛa biikoo lɛ li, haalɛ bɛ̀rɛgiĩn laanka bɛ̀rɛ ɔn nɛ, ma á re ma yiri koe bɛn dɔn la, ǹ tá re maa boo gii-dalin biɛ.

Nya ǹ dín 2:33

Lawa saa á da gugurubaa ǹ bǎã nɛ a din gusin. A Díi nə n lɛ kɔ la ka Yiri Fu mɛn nɛ, á bɛ kɔ la á dia wɔ la. Ka yii bɛ́ sii mɛn tumaa ganaa, ka nə ǹ mɛn tumaa dɔ miɛ, a din Yiri Fu lɛ a dí ni.

Nya ǹ dín 21:9

A nɛnyaanan man nə́ goã nɛlɔ min sii, ǹ kɔ́n goã giĩ doɛ̃ wa. Maǹ nə́ goã Lawa a boo gii diɛ.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Korɛnti1 12:10

A n kaãbaa ǹ sii zɛnaa koe min la, a Lawa a boo gii dalibaa kɔ min kɔsɔ la. A n yiri koe min tɛn la, a boo la a yiri baraa bɔkɔnlɛ dɔ̃ ka Lawa a Yiri Fu ni. A n bɔlɔ soree pɛ koe min tɛn dɔ la, a bɔlɔ soree lɛ a bɔyaa doɛ̃ kɔ min kɔsɔ dɔ la.

Korɛnti1 12:28

A n miɛ̃, Lawa tɔ́n siin kɛn koa a sɔmɔ-n: bibinaa nɛ, dia dí-a wolen manɛ, a paabaa ǹ wɔ, Lawa a boo gii-dalin manɛ, a sɔɔbaa ǹ wɔ, minin-daraalin manɛ. Bɛ kio, kaãbaa ǹ sii-zɛnaalin manɛ. Bɛ kio doo, busu-nyalin manɛ, ka dɔ minin lɛ wolen ne, ka sii nyɛɛnaan-bɔlen ne, ka bɔlɔ soree pɛlen ne.

Ebrəə 1:2

Sɛnɛ sisia, giala-nyɔmiɛ biikoo kɛ li, Lawa na á boo da wɔ nɛ, ka a din a Nɛgiĩ kɛ barka nɛ. Lawa na á kanaa da ka bɛa Nɛgiĩ kɛ lɛ pàã nɛ, a na á ná a din dɔ bɔ á koa, mà a màn din tumaa a dɛnaa baa.

Zaaki 5:3

soe kaa sana laanka kaa wɔrɔ kũ. Bɛa soe lɛ n die ka gɔ̀nɔn siĩ kuĩ ka tɛ bɛ́ màn kuĩ lɔn, a kaa nya ǹ dí baraa nyaa. Ka ǹ ká naforo lɛ sɔkɔn-a biikoo giala-nyɔmiɛn kɛn gɔ́ɔ̃-n ka koa!

Piɛrɛ2 3:3

Ka dɔ̃ dinin bɔrɔ, mà giala-nyɔmiɛ biikoo li, yaa-wɔlen tá re yii, ǹ nə́ tɔ we á n kɔnpii ǹ dinin dùũ sii babaraan nɛ. Maǹ die ka diɛ yaa lɛa,