Nya ǹ dín 2:10 - LAWA A BOO SONBORE

¹⁰ Frizii ni ka Panfilii gána nɛ, Ezipti ni ka Liibii a Sirɛni gána nɛ, Rɔmu minin ni

LAWA A BOO SONBORE 2011

¹⁰ Frizii ni ka Panfilii gána nɛ, Ezipti ni ka Liibii a Sirɛni gána nɛ, Rɔmu minin ni

Nya ǹ dín 2:10 ပူးပေါင်းရင်းမြစ်များ

Siin Giala 12:10

Bɛ kio, bòo gole daa á wɔ gána lɛ nɛ. Bòo lɛ bɛ́ á baraa kɔ á la yii ni, Abramu soo, mà asɛ n woe Ezipti gána nɛ, á giã walan boɛɛnɛ.

Zeremii 46:9

Sùin, ka n ta ǹ gialaa! Ziabaa ǹ wotoron, ka n mìi fɔ̃! Zia baali zanbian lɛn, ka nyɛɛnaan bɔ: Etiopii minin laanka Liibii minin, goórodɛnan lɛa, Ludu minin ni sadɛnan lɛa!

Ezekieli 30:5

Etiopii minin ni, Puti wɔn nɛ, Ludu wɔn nɛ, Larabu gána wɔn nɛ, bɛa tɔrɔ lɔlɔkɔn kɛ lɛ tumaa á re kiɛ kunun ǹ ni zia la, haalɛ ma din tɔrɔn kɛn lɛn dɔn dinin minin.

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Zakarii 8:20

Dɛnaa Lawa bɛ́ boo mɛn pii á ke: Taãn nɛ, tɔrɔ kɔsɔn ka kiwi gigiã minin tá re wusii doo ǹ da Zeruzalɛmu.

Zakarii 8:23

Masɛ Dɛnaa Lawa Pàãyiidɛnaa n kɛ pii ka nɛ: Bɛa waáraa, tii tɔrɔ fù, ǹ tumaa n bɔlɔ totoro pii, bɛn tá re n gɔn parɛɛ *Zuifu min a mɔnaa lɛkoro ganaa, ǹ pɛ nɛ: «Wɔ n li wɔ wo kunun n ni. A giala, wɔ ma mà Lawa n kun ka nɛ.»

Matiə 2:15

Á giã walan yǎa Erɔdi gã. Lawa a boo gii-dali Dɛnaa a boo mɛn da, kɛ na á n zɛnaa á kɔnpɛ ka bɛ lɛ nɛ: «Má maa nɛgiĩ bíi á bɔ Ezipti.»

Matiə 23:15

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka nə n gɔ̀nɔn diɛ ka dinin ganaa, bɛ̀ ka n bibiə̃ gánan gɔ́ɔ̃ nɛ, mà kasɛn nə min goon dinsɔɔ̃ yɛ ka da Zuifun Lawa a zii ni. Bɛ̀ ka gɔn dɔ a ganaa, ka n wusii ka bɛa dɛnaa baa *Sɛtaan a piɛ min lɛa á la ka dinin manɛ gunyin paa.»

Matiə 27:32

Ǹ bɛ́ soe kiwi gɔ́ɔ̃ nɛ, ǹ nə́ kaa Sirɛnin giĩ goon lɛ, a tɔ n Simɔn. Sɔraasin lɛn nə́ kũ ka pàã nɛ, mà a Yezu a dere ǹ gɔn gũ.

Marki 15:21

Sɔraasin lɛn bɛ́ woe, ǹ nə́ giĩ goon yɛ boe don die piɛ. Ǹ nə́ bɛ kũ ka pàã nɛ mà a Yezu a dere ǹ gɔn gũ. Giĩ lɛ tɔ n Simɔn, a n boe Sirɛni kiwi, a din a nɛnyaanan man Alɛksandrə laanka Rufusu ni.

Nya ǹ dín 11:20

Sɛnɛ, ǹ gialakunun mɛnɛn bɛ́ Siipri gána laanka Sirɛni kiwi minin lɛa, bɛn nə́ woo Antiɔsi, ǹ nə́ Dɛnaa Yezu a boo kɔɔ̃n kɛ pɛ tɔrɔ kɔsɔn dɔn manɛ.

Nya ǹ dín 13:1

Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Nya ǹ dín 13:13

Pooli laanka ǹ miãn nə́ wɔ tà kuru ǹ goo ne Pafɔsi kiwi, ǹ nə́ woo Pɛrɛgi kiwi, Panfilii gána nɛ. ZAÃ na á wusoo ǹ ganaa walan, á woo Zeruzalɛmu.

Nya ǹ dín 13:43

Lɛsɔkɔn lɛ kio, Zuifun ni ka tɔrɔ kɔsɔn mɛnɛn nə wɔ Zuifubaa nɛ, bɛn gigiã kɔ Pooli laanka Barnabaasi lɛ. Ǹ bɛ́ sùn biɛ kunun ǹ ni, Pooli laanka Barnabaasi nə́ ǹ foo taã, mà ǹ goã golee Lawa li kɛ gɔ́ɔ̃ nɛ, Lawa din nə ǹ mɛn kɔ ka a bǐɛ̃baa barka nɛ.

Nya ǹ dín 14:24

Bɛ kio, ǹ nə́ Pisidii gána wɔsɔ ǹ nə́ kiɛ̃, ǹ nə́ woo Panfilii gána nɛ.

Nya ǹ dín 15:38

Sɛnɛ, Pooli sɛ, mà min mɛn bɛ́ á n na á n bɔ ǹsɛn ganaa Panfilii gána nɛ, a ná a dí lɛ nya kun ǹsɛn nɛ wa, mà bɛa dɛnaa a koe masɛ lɛ wa.

Nya ǹ dín 16:6

Pooli laanka Silaasi Frizii laanka Galaasi gána wɔsɔ, a giala, Yiri Fu lɛ kɔ ǹ la mà ǹ Lawa a boo pɛ Azii gána-n wa.

Nya ǹ dín 17:21

Atɛni minin lɛn laanka tiin mɛnɛn bɛ́ ǹ li, man biikoo gole siɛ sii diin laakalaa ganaa, ka too kɔ ǹ ganaa nɛ.

Nya ǹ dín 18:2

Á kaa Zuifu goon lɛ walan, a tɔ n Akilaasi, Pɔn gána min ni. A na á bɔ Italii gána-n sisia, á daa kun ka a lɔ Prisili ni. Sonbore, kii gole gole Klodo na á goã á pɛ, mà Zuifun tumaa soo ǹ nə n bɔ Rɔmu kiwi. Pooli woo bɛa giĩ kɛ lɛ laanka a lɔ li.

Nya ǹ dín 18:23

Á biikoo kɔ́n zɛnaa walan, bɛ kio, á wusoo á zii kũ doo, á woo Galaasi gána nɛ ka Frizii gána nɛ, bɛ̀ a ǹ Lawa-nyankɔlen foo taã.

Nya ǹ dín 2:11

ka Krɛti laanka Larabu gána minin ni. Wɔsɛn tumaa, a Zuifu taãnan nɛ, ka tɔrɔ kɔsɔn mɛnɛn nə wɔ Zuifubaa nɛ. Á ke, wɔsɛn tumaa dɔ nə ǹ lɛ miɛ, ǹ nə́ Lawa a dí dadaran kɛn boo diɛ ka wɔsɛn gogoonmaa a bɔlɔ nɛ.»

Nya ǹ dín 23:11

Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»

Nya ǹ dín 27:5

Yìsi mu mɛn bɛ́ kaa-n Siliisii gána laanka Panfilii gána lɛ, wɔ́ bɛ kuru wɔ́ woo dɔ Miira kiwi, Liisii gána nɛ.

Nya ǹ dín 28:15

Wɔ dɔɔ̃nɔn mɛnɛn bɛ́ Rɔmu, bɛn bɛ́ ǹ nə́ wɔa daa boo ma, ǹ nə́ yoo ǹ nə́ daa yǎa Apiyusu kiwi a pii ni, ka Tiin yu ǹ bǎã sɔɔ kɛ nɛ, ǹ nə́ n da wɔ lɛ. Pooli bɛ́ á ǹ yɛ, á barka da Lawa nɛ, a foo taã.

Nya ǹ dín 6:5

Zaman lɛ tumaa lɛ kɔ boo kɛ ganaa. Ǹ nə́ Itian bɔ, golee Lawa li tá a lon parsiini, Yiri Fu dɔ tá la. Maǹ ná asɛ bɔ ka Filipi ni, Prokɔɔrɔ nɛ, Nikanɔɔrɔ nɛ, Tiimɔn nɛ, Parmanaasi ni, ka Nikolaa nɛ, bɛ n Antiɔsi kiwi min lɛa á wɔ Zuifubaa nɛ.

Nya ǹ dín 6:9

Sɛnɛ, bɛa siin kɛn lɛn zɛnaa gɔ́ɔ̃ nɛ, liere wɔ Itian laanka minin kɔnɔn bii ni. Ǹ tɛnɛn man boe lɛsɔkɔn kion kɔ́n nɛ, ǹ nə́ bíi mà Bɔ Bɛ̀rɛbaa-n Wolen lɛsɔkɔn kion, gialakunun man Sirɛni gána minin lɛa, ka Alɛksandrii kiwi minin ni, kɔsɔn dɔn man Siliisii laanka Azii gána minin lɛa.

Rɔmu minin 1:15

Bɛ lɛ taman yii, masɛ n giɛ li taãn-taãnɛ, ma Boo Tii Kɔɔ̃n kɛ pɛ ka dɔn manɛ, kasɛn mɛnɛn bɛ́ giã-n Rɔmu kiwi.

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Timote2 1:17

Sɛnɛ, a bɛ́ á dɔ Rɔmu lɔn gɔrɔ, a na á ga ma li taãn-taãnɛ, yǎa á ma yɛ.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".