Nya ǹ dín 19:29 - LAWA A BOO SONBORE

²⁹ Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ.

LAWA A BOO SONBORE 2011

²⁹ Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ.

Nya ǹ dín 19:29 ပူးပေါင်းရင်းမြစ်များ

Nya ǹ dín 13:5

Ǹ bɛ́ ǹ nə́ dɔ Salamini kiwi, ǹ nə́ Lawa a boo pɛ walan Zuifun lɛsɔkɔn kionən ne. ZAÃ dɔ́ goã kunun ǹ ni, a nə́ n doe ǹ lɛ.

Nya ǹ dín 16:12

Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ.

Nya ǹ dín 16:9

Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.»

Nya ǹ dín 17:8

Boon kɛn nə́ zaman lɛ là kakã, ka kiwi lɛ a pàãman nɛ.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 19:22

A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.

Nya ǹ dín 19:32

Zaman lɛ na á goã n lɛ dii, min kɔ́n dɔ a lɛ-dɛ ǹ bɔlɔ a goon ka n miã wɔ-n wa. Minbuiin lɛ bɔlɔ na á goã lɔloɛ-n kɔn taãn-taãnɛ, ǹ gigiã dɔ goã lɛsɔkɔn lɛ mìi doɛ̃ wa.

Nya ǹ dín 20:34

Ka dininmaan tá doɛ̃, masɛ gɔnɔn mɛnɛn bɛ́ ka yii tá ǹ ganaa, bɛn lɛn man nə́ dí nya, ǹ nə́ masɛ din laadoo bǐɛ̃ kɔ ka ma miãn wɔ nɛ.

Nya ǹ dín 20:4

A koa-kun wolen man nə́ goã ka Beeren giĩ Pirusu a nɛ Sopatrɔsi ni, Tesalonikin Aristarki laanka Sekundusu ni, Dɛrbən Gayusu laanka Timote ne, ka Tisiki laanka Trofimu ni, bɛa min paa kɛ n boe Azii lɛ a paǹ kɛ nɛ Rɔmu a pàã giulun.

Nya ǹ dín 21:30

Kiwi lɛ tumaa nə́ n lɔlɔkɔn, ǹ nə́ baa si ǹ nə́ daa. Ǹ nə́ Pooli kũ ǹ nə́ baã ǹ nə́ bɔ Lawa a kion, ǹ ná a kiɛnlɛn tã fufuu gɔrɔ.

Nya ǹ dín 21:38

N din Ezipti min kɛ lɛ bie wa ya? N din lɛ bie ń minin sɔsɔmɔ, ń piã-wɔle duu sii goa, n nə ǹ kaa n kio ń woo ǹ ne don sisia bii ni wa ya?»

Nya ǹ dín 27:2

Wɔ́ wɔ Adramiti kiwi a tà kuru ǹ goo goon ne, bɛ doamaa nɛ a bɔ Azii gána genli a kiɛ̃. Wɔ́ wɔ, wɔ́ woo ka Aristarki-n kun wɔ nɛ, Masedoanɛ gána min ni, a n boe Tesaloniki kiwi.

Rɔmu minin 16:23

Gayusu mɛn bɛ́ masɛ laanka Lawa a sɔmɔ minin tumaa a zaàtiingiĩ lɛa, bɛ á fòo diɛ ka nɛ. Kiwi lɛ a wɔrɔ-koali Erasti á fòo diɛ ka nɛ, ka wɔ dɔɔ̃n Kartusu dɔ nɛ.

Korɛnti1 1:14

Bɛ̀ á n bɔ Kripuusu ni, ka Gayusu ni, masɛ batɛmu da ka kɔ́n ganaa wa. Ma á bɛa barka diɛ Lawa nɛ.

Korɛnti1 4:9

A tá ma yiri ni, máa wɔsɛn mɛnɛn bɛ́ Yezu a dia dí-a wolen lɛa, Lawa na á bǎã tumaa a giala-nyɔmɔɔ kɔ wɔsɛn la. Wɔ n ka kiri bɛ́ á min mɛnɛn kũ, ǹ nə́ die ǹ dii zaman tumaa yɔrɔ-a. Á wɔ baa gayon wɔ ǹ mànan lɛa kanaa tumaa yɔrɔ-a, lon a dia dí-a wolen ne ka minbuiinin ni.

Korɛnti2 8:19

Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

Kolɔɔsi minin 4:10

Aristarki mɛn bɛ́ kòso-n kun ma-n kànaa, bɛ á fòo diɛ ka nɛ. Barnabaasi n dɔɔ̃ngiĩ a nɛ Marki dɔ á fòo diɛ ka nɛ. Ka boon ma a wɔ gɔn la, bɛ̀ á daa ka li, ka kũ doɛ̃.

Filemɔn 1:24

Ma miã dí nya kun wolen dɔn tá fòo diɛ n nɛ: Marki ni, Aristarki ni, Demaasi ni, ka Luku ni.

Zaã3 1:1

Masɛ *min gole kɛ n sɛ́wɔ kɛ diɛ maa giaára Gayusu la, má n narɛ taãn-taãnɛ.