Nya ǹ dín 19:26 - LAWA A BOO SONBORE

²⁶ Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.

LAWA A BOO SONBORE 2011

²⁶ Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.

Nya ǹ dín 19:26 ပူးပေါင်းရင်းမြစ်များ

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Ozee 8:6

Kaa diin nɛ nyín lɛ, a n boe Izirayeli gána nɛ, dí-dɔ̃li kɔ́n na á zɛnaa, A bie Lawa lɛa wa! Taãn nɛ, Samarii minin diin nɛ nyín lɛ á re pɔpɔsɛ.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 17:29

Haya, ka bɛ́ Lawa din tɔrɔ lɛa, ka doamaa bie ka taasɛ, mà Lawa n kɔnboe ka sana nɛ, ka wɔrɔgiala nɛ, ka kɔlɔ mɛn tumaa nə n zɛnaa, á kɔnpɛ ka minbuiin nɛ a gɔn a kɔɔ̃nbaa laanka a taasiɛ-n wa.

Nya ǹ dín 18:19

Ǹ bɛ́ ǹ nə́ dɔ Efɛɛzi kiwi, Pooli nə́ n na á n bɔ Prisili laanka Akilaasi ganaa. Asɛ woo lɛsɔkɔn kion, á boo da Zuifun manɛ.

Nya ǹ dín 19:1

Apolɔɔsi bɛ́ Korɛnti kiwi, Pooli Galaasi laanka Frizii gána a kele bǎãn wɔsɔ, á daa dɔ Efɛɛzi kiwi. Pooli woo kialandɛnan kɔnɔn yaa Efɛɛzi kiwi lɛ nɛ.

Nya ǹ dín 19:10

Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.

Nya ǹ dín 19:25

Demetrisi lɛ ná a dí-nyalin lɛ sɔkɔn, ka min kɔsɔn mɛnɛn dɔn dí bɛ́ kɔnboe ka ǹ wɔ nɛ, á pɛ ǹ nɛ: «Maa giaáran lɛn, ka á doɛ̃ mà wɔsɛn màn yɛ din tumaa n boe kɛa dí kɛ nɛ.

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Galaasi minin 4:8

Lɛlɛ, ka bɛ́ ka goã Lawa doɛ̃ wa, ka ǹ ká goã màn kɔsɔn bɛ̀rɛn lɛa, màn mɛnɛn bɛ́ ǹ ba Lawa taãnan lɛa wa.

Timəə dí-pɛn 4:28

Ka bɛ́ re lawan mɛnɛn guguru koe walan, minbuiin nɛ gɔn na á ǹ zɛnaa ka gɔn nɛ, ka kɔlɔ nɛ. Ǹ yii a wɔlɔ yii wa, ǹ ba boo miɛ wa, ǹ ba boe la ǹ màn bii wa, ǹ ba màn gìĩ miɛ̃ wa.

Tesaloniki1 1:9

A giala, ká wɔ kũ lɔn bɛ̀ wɔ bɛ́ wɔ́ daa kaa piɛ, min tumaa na a laakalɛɛ. Ká dìn toa walan lɔn ká Lawa taãn kɛ guguru kɔ, Lawa yiikoonaa ke, ǹ tá bɛ dɔ pii.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.