Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nya ǹ dín 19:22 - LAWA A BOO SONBORE

22 A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.

အခန်းကိုကြည့်ပါ။ ကော်ပီ

LAWA A BOO SONBORE 2011

22 A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.

အခန်းကိုကြည့်ပါ။ ကော်ပီ




Nya ǹ dín 19:22
18 ပူးပေါင်းရင်းမြစ်များ  

Ǹ bɛ́ ǹ nə́ dɔ Salamini kiwi, ǹ nə́ Lawa a boo pɛ walan Zuifun lɛsɔkɔn kionən ne. ZAÃ dɔ́ goã kunun ǹ ni, a nə́ n doe ǹ lɛ.


Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa.


A na á goã Pooli gɔ́ɔ̃ nɛ a wo-n kun ka a din ni. Pooli kũ á kuru, Zuifun mɛnɛn bɛ́ bɛa bǎãn lɛn nɛ, a na á zɛnaa bɛn lɛa, a giala, ǹ tumaa goã doɛ̃ sonbore, mà Timote lɛ di na á goã Grɛki lɛa.


Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.


Bɛa sii kɛ lɛ ná a n zɛnaa yǎa lɛ̀ paa, bɛ lɛ na á toa, Azii gána minin tumaa, a Zuifun laanka a Grɛkin ni, ǹ tumaa Dɛnaa a boo kɛ ma.


Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»


Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ.


Sii lɔlɔkɔn lɛ bɛ́ á kiɛ̃, Pooli lɛ dia Lawa-nyankɔlen lɛn la á ǹ foo taã. Bɛ kio, á fòo da ǹ nɛ, á zii kũ á woo Masedoanɛ gána nɛ.


Ka dininmaan tá doɛ̃, masɛ gɔnɔn mɛnɛn bɛ́ ka yii tá ǹ ganaa, bɛn lɛn man nə́ dí nya, ǹ nə́ masɛ din laadoo bǐɛ̃ kɔ ka ma miãn wɔ nɛ.


Gayusu mɛn bɛ́ masɛ laanka Lawa a sɔmɔ minin tumaa a zaàtiingiĩ lɛa, bɛ á fòo diɛ ka nɛ. Kiwi lɛ a wɔrɔ-koali Erasti á fòo diɛ ka nɛ, ka wɔ dɔɔ̃n Kartusu dɔ nɛ.


Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.


Sɛnɛ, ma gɔ́ɔ̃ goã bii ni, a giala, ma wo ma dɔɔ̃n Tiiti yaa wa. Bɛ lɛ na á toa, má zii nyankɔ Troasi minin la, má kiɛ̃ má woo Masedoanɛ gána nɛ.


Wɔ dɔɔ̃nɔn lɛn, Lawa a bǐɛ̃baa ǹ siin nə n zɛnaa Masedoanɛn Lawa a sɔmɔn nɛ ka yɔrɔ mɛn nɛ, ma n zoɛ̃ máa ka bɛ dɔ̃.


Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.


Dɛnaa a boo lɛ nə́ n toa kaa piɛ, á dɔ Masedoanɛ laanka Grɛki minin li, bɛ dinsɔɔ̃ bie wa, sɛnɛ, kaa golee Lawa li lɛ dɔ a boo nə n da wɔlɔ la lɔn, mìi din ba la doo wɔsɛn na a boo da wa.


Erasti giã Korɛnti kiwi. Má Trofimu toa Milɛti kiwi, a giala, a goã lon wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ