Nya ǹ dín 19:19 - LAWA A BOO SONBORE

¹⁹ Koe sii-zɛnaali gigiã daa ka ǹ sɛ́wɔn nɛ, ǹ nə́ ǹ kaa kɔn la, ǹ nə́ tɛ da ǹ ganaa min tumaa yɔrɔ-a. Ǹ bɛ́ ǹ nə́ bɛa sɛ́wɔn lɛn giɔ̀mɔ nimi ǹ nə́ kaa kun, ǹ nə́ yɛ mà á dɔ lɛawaa duu posooro dí-nya ǹ giɔ̀mɔ li.

LAWA A BOO SONBORE 2011

¹⁹ Koe sii-zɛnaali gigiã daa ka ǹ sɛ́wɔn nɛ, ǹ nə́ ǹ kaa kɔn la, ǹ nə́ tɛ da ǹ ganaa min tumaa yɔrɔ-a. Ǹ bɛ́ ǹ nə́ bɛa sɛ́wɔn lɛn giɔ̀mɔ nimi ǹ nə́ kaa kun, ǹ nə́ yɛ mà á dɔ lɛawaa duu posooro dí-nya ǹ giɔ̀mɔ li.

Nya ǹ dín 19:19 ပူးပေါင်းရင်းမြစ်များ

Siin Giala 35:4

Dìn mɛnɛn bɛ́ ǹ gɔn, tɔrɔ kɔsɔn nə́ ǹ guguru koe lawan lɛa, ǹ nə́ bɛn goa, ǹ nə́ woo ǹ kɔ Zakɔba la, ka ǹ too ganaa ǹ kaaranan nɛ. Da gole mɛn bɛ́ kunu Sisɛmu ganaa, Zakɔba nə́ ǹ bĩ bɛ giulun.

KZS1 10:13

Sayulu lɛ na á gã, a giala a na á bɔlɔgoonbaãdɛnaa baa Dɛnaa Lawa wɔ paǹ li. A na a kɔ Dɛnaa Lawa a dí-pɛn lɛ ka a yɔrɔ-n wa. Á goã dinin á kanbaa Lawa la á woo gere nyin bii á nɔ̀n da la. Bɛ lɛ nɛ Dɛnaa Lawa toa á gã, a ná a kiibaa lɛ saa á kɔ Zesee a nɛgiĩ Davida la.

KZS2 33:6

A ná a nɛgiĩ baa wúlu màn-tiɛ̃ lɛa. Á boobaa ǹ dí nya, á kɔ́lɔnbaa ǹ siin zɛnaa, wɔ kũ ǹ siin ni ka nyín bíi ǹ dí ni. Siin mɛnɛn bɛ́ baraa Dɛnaa Lawa yii li, Manaasee na á bɛn lɛn dinin zɛnaa á la yii ni, á Dɛnaa Lawa foo yoo.

Bɔ bɛ̀rɛbaa nɛ 32:20

Ǹ diin nɛ nyán mɛn lɛ zɛnaa, á bɛ saa, á da tɛ-n, a ná a gialakun kɛ lɔ mɔmɔnɔ, á kaa mu li, á kɔ Izirayeli nɛnyaanan lɛn la ǹ nə́ mi.

Bɔ bɛ̀rɛbaa nɛ 7:11

Sɛnɛ, Faarahɔn dɔ lɛ dia a màn-dɔ̃lin laanka a kɔ́lɔnbaalin la, ǹ dɔn ná a din dí lɛ nya, ka ǹ boo sii la ǹ pàã baraa kɛ nɛ.

Bɔ bɛ̀rɛbaa nɛ 7:22

Sɛnɛ, Ezipti gána a kɔ́lɔnbaalin dɔn ná a din dí goon lɛ nya, ka ǹ boo sii la ǹ pàã baraa kɛ nɛ. Faarahɔn too goã a kakabaa gɔ́ɔ̃ nɛ, a n too kɔ Muizu laanka Aarɔn lon wa, ka Dɛnaa din bɛ́ á goã á pɛ lɔn.

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 8:19

Min tɛnɛn man pii: «Ka wo nyín-bíilin li, ka wɔ-kũlin ni, ǹ mɛnɛn bɛ́ biɛ̃ ǹ sii nyɛɛ bɛ̀ ǹ boo bisin da ǹ lɛ giulun.» Bɛ̀ ǹ nə́ pɛ ka nɛ mà minin doamaa nɛ ǹ dìn gɔ, ǹ nyínin bíi yiikoonaan lɛa,

Lawa a wúlu-bɔlen 13:52

Bɛ̀ mɔnaa lɛ nɛ, bɛ̀ mɔnaa wùsu ni, ta sère ka dɔnkɛ hinlaa ta boosa wɔ lɛ nɛ, hinlaa ta màn woo màn nɛ, ǹ nə́ zɛnaa ka ki ni, bɛa sulii bǎã kɛ lɛ ná a ganaa, wúlu-bɔle lɛ bɛ tã. Min bɛ́ a bie boe la á bɛa gɔ̀ babaraa lɛ boe wa, màn lɛ doamaa nɛ a n tã.

Luku 14:33

Bɛa yɔrɔ kɛ lɛ la, min woo min tá ka bii, a ná a ba n yii boe a gɔn màn-a wa, bɛ ba boe la a masɛ a kialandɛnaa baa wa.

Luku 15:8

«Bɛ̀ wɔrɔ we fù n lɔ lon, yǎa a goon papaã, a n bólon diɛ, a na a kion gɔ́ɔ̃ wɔraa a ga li ka tɛrɛɛ nɛ yǎa a yii. Lɔ mɛn na a ba bɛ zɛnɛɛ wa?

Nya ǹ dín 13:6

Bɛa tán kɛ lɛ, mu bii, ǹ bɛ́ ǹ nə́ bɛ wɔsɔ, ǹ nə́ woo dɔ Pafɔsi kiwi, ǹ nə́ giĩ goon yɛ walan, Zuifu ni, a tɔ n Bara-Yezu. A na á goã koe siin zɛnaali lɛa, a nə n din biɛ Lawa a boo gii-dali lɛa.

Nya ǹ dín 13:8

Sɛnɛ, Bara-Yezu lɛ, a tɔ kɔsɔ n Elimasi, bɛ giala mà "Koe siin-zɛnaali", bɛ́ Barnabaasi laanka Sooli liere kɔ, a na á goã giɛ li a kii lɛ kurəə golee Lawa li ganaa.

Nya ǹ dín 19:18

Min mɛnɛn nə golee Lawa li, ǹ gigiã nə́ ǹ sii-durii zɛnaan pɛ zaman yɔrɔ-a.

Ebrəə 10:34

Sonbore, ká kaa wɔ gii yɛ kòso nɛn fuu ni. Ǹ nə́ ka gɔn mànan si ka la, ká lɛ kɔ bɛa mànan kɛn lɛn woo ganaa ka nyɛnyɛɛ nɛ, a giala, ká dɔ̃ mà naforo sonbore nyabaã wolen tá ka lon.