Nya ǹ dín 18:5 - LAWA A BOO SONBORE

⁵ Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

LAWA A BOO SONBORE 2011

⁵ Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Nya ǹ dín 18:5 ပူးပေါင်းရင်းမြစ်များ

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 6:11

Ma piɛ̃maa-n ka Dɛnaa Lawa a foo-busii ni. Ma a boe la ma kũ ma foo n doo wa. Bɛa foo-yoo lɛ sawaa nɛnyaanan la zii la, kɔnlɛ ka nɛ tenən tumaa nɛ. Ǹ tumaa tá re kòso nɛn biɛ, giĩn ni lɔn nɛ, min golen ne ka min zizin ni.

Ezekieli 3:14

Lawa yiri lɛ na á ma saa, á woo ma nɛ. Man má woo, ma yɔrɔ ń kɔsiɛ nɛ, ma foo ń ziziɛ̃ nɛ. Dɛnaa Lawa pàã na á goã ma la taãn-taãnɛ.

Misee 3:8

Sɛnɛ, masɛ Misee, Dɛnaa Lawa yiri na á pàã gole kɔ ma la, ka peperebaa laanka foo tãbaa nɛ, màn mɛn bɛ́ toɛ, ma Zakɔba tɔrɔn kɛn Lawa bɔlɔ tii boo kɛ da ǹ nɛ, ma Izirayeli minin kɛn sii baraa kɛ pɛ ǹ nɛ.

Luku 12:50

A n fuu kɔ́n tɔrɔ lɛa masɛ á die yii, a n guĩ lɛa masɛ mìi ni, yǎa a zɛnaa doe!

Luku 16:28

Mà asɛ dɔɔ̃n sooro tan. Mà a wo n gɔn waa ǹ nɛ, màn mɛn bɛ́ toɛ, ǹ dɔn baran da fuu yɛ ǹ bǎã kɛ-n wa.

Zaã a sɛ́wɔ 1:41

a na á kiɛ̃ á woo dɔ a din dɔɔ̃n Simɔn lɛ li bɔrɔ á pɛ nɛ mà ǹsɛn nə́ Minin Nyin-sili lɛ yɛ (ǹ dinin bɔlɔ nɛ: mà Masia, bɛ giala mà Krita.)

Zaã a sɛ́wɔ 10:24

Zuifun nə́ woo a lɛnpɛnɛ, ǹ nə́ pɛ nɛ mà a n die toɛ ǹsɛn nə n yii da miɛ̃ yǎa biĩ? Mà Minin Nyin-sili lɛ, mà bɛ̀ a din ni, mà a pɛ ǹsɛn manɛ foaãnɛ!

Zaã a sɛ́wɔ 15:27

Ka dɔn tá re siére biɛ masɛ a lɛa, a giala, ka á kun ka masɛ nɛ, haalɛ maa siin lɛn giala kɔ waáraa.

Zaã a sɛ́wɔ 3:28

Ka dininmaan kɛn lɛn, ka dinin man masɛ a siéren lɛa, má pɛ ka nɛ máa ma bie Minin Nyin-sili lɛa wa, sɛnɛ, Lawa min mɛn dia a nyɛɛnɛ, masɛ din ni.

Nya ǹ dín 10:42

Á pɛ wɔsɛn man dɔn, mà wɔsɛn nə kɛ laakalaa zaman nɛ, mà Lawa lɛ na á ná a din lɛ bɔ yiikoonaan laanka geren kiri-kuruli lɛa.

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 16:1

Pooli dɔ Dɛrbə, bɛ kio á woo Listrə kiwi. Lawa-nyankɔle goon na á goã walan, a tɔ n Timote, ǹ dan nə Zuifu lɛa, a n golee-n Lawa li, n di na á goã Grɛki lɛa.

Nya ǹ dín 16:12

Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ.

Nya ǹ dín 16:9

Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.»

Nya ǹ dín 17:3

Pooli ná a yɔrɔ pɛ á nyaa ǹ nɛ mà Minin Nyin-sili lɛ doamaa nɛ a fuu yɛ, a gã, a yii kaa a n bɔ geren bii. Mà Minin Nyin-sili lɛ, mà Yezu kɛ lɛ nɛ, asɛ tá a boo diɛ ǹ nɛ.

Nya ǹ dín 18:28

A giala, a boo lɛ pàã boo Zuifun lɛn la zaman bii. Á bɔ Lawa a boo ne á nyaa, mà Lawa Minin Nyin-sili mɛn boo da, mà á re diɛ, mà Yezu ni.

Nya ǹ dín 2:36

Izirayeli minin tumaa doamaa nɛ ǹ dɔ̃ taãn-taãnɛ mà ǹ Yezu mɛn dere gɔn-a ke lɛn, mà Lawa na á bɛ lɛ baa minbuiin tumaa a Dɛnaa laanka a Nyin-sili lɛa.

Nya ǹ dín 20:21

Masɛ a siérebaa toa Zuifun laanka tɔrɔ kɔsɔn nə́ n bɔyaa, ǹ nə́ daa Lawa ganaa, ǹ nə́ golee wɔa Dɛnaa Yezu li.

Nya ǹ dín 20:23

Sɛnɛ, ma bɛ́ màn mɛn dinsɔɔ̃ doɛ̃, Yiri Fu n nyɛɛ ma nɛ kiwi gogoonmaa nɛ, mà kòso a nɔmaa nə n yii diɛ ma la walan.

Nya ǹ dín 20:24

Ma a giɛ ma din a yiikoonaabaa kɛ ganaa màn kɔ́n lɛa wa, ma bɛ́ giɛ màn mɛn li, bɛ n ka kɛ nɛ: Ma maa dí nya a wo dɔ a lɛ dan ganaa, Dɛnaa Yezu din dí mɛn kɔ ma la, mà ma Lawa a bǐɛ̃baa ǹ Boo Tii Kɔɔ̃n kɛ pɛ, ma bɛ lɛ pã.

Nya ǹ dín 4:20

Piɛrɛ laanka ZAÃ pɛ: «Sonbore, wɔsɛn yii bɛ́ á màn mɛn yɛ, wɔsɛn too nə ǹ mɛn ma, wɔsɛn ba boe la wɔ n lɛ tã bɛ-a wa.»

Nya ǹ dín 9:22

Sɛnɛ, Sooli na á goã boo diɛ ka pàã nɛ, mà Yezu lɛ n Minin Nyin-sili lɛa Lawa dia, á bɛa boo lɛ da, yǎa Zuifun mɛnɛn bɛ́ ǹ nə́ goã Damaasi kiwi, á bɛn lɛ tã ǹ yii ná a ba boo-a wa.

Korɛnti2 1:19

A giala masɛ nɛ, ka Silaasi laanka Timote ne, wɔ Lawa a Nɛ Yezu Krita mɛn boo laakalaa kaa piɛ, a bie á goã pii mà «Hiĩ», a da yaa «Haayii» na a gɔ́ɔ̃-n wa. Ka bɛ-n dinin, a na á goã Lawa a «Hiĩ» lɛa.

Korɛnti2 11:9

Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 5:14

A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Filipi minin 1:23

Bɛa sii màn paa kɛ n ma yiri baɛ̃ kɔn. Man taasɛ máa man bɔ yiikoonaabaa kɛ nɛ, ma wo giã kun ka Krita nɛ, bɛ n kɔɔ̃n ma ganaa á la a yii ni.

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Tesaloniki1 3:6

Sɛnɛ sisia, Timote bɔ ka li á daa, á boo kɔɔ̃n pɛ wɔ nɛ, kaa golee Lawa li laanka kaa kɔn-narɛɛ wɔ paǹ li. Á pɛ mà ka tá n taasɛ wɔ nɛ ka nyɛnyɛɛ nɛ, mà ka tá li ka wɔ yɛ doo, ka wɔ dɔn bɛ́ giɛ li wɔ wusoo wɔ ka dɔn yɛ lɔn.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.