Nya ǹ dín 18:4 - LAWA A BOO SONBORE

⁴ *Susu ǹ pii tumaa li, á goã boo diɛ lɛsɔkɔn kion, á n giɛ li mà Zuifun laanka Grɛkin nə golee Yezu li.

LAWA A BOO SONBORE 2011

⁴ *Susu ǹ pii tumaa li, á goã boo diɛ lɛsɔkɔn kion, á n giɛ li mà Zuifun laanka Grɛkin nə golee Yezu li.

Nya ǹ dín 18:4 ပူးပေါင်းရင်းမြစ်များ

Siin Giala 9:27

Lawa die a n gɔn pã a da Zafɛti lon. Lawa die a giã Sɛmu a zàã nɛ. Kanaan die a n baa a bɛ̀rɛ lɛa.»

KZS2 32:11

Ezekiasi n pii ka nɛ, mà Dɛnaa Lawa kaa Lawa á re ka kirisibiɛ ma ganaa. A n ka siɛ̃, á n die toɛ ka tumaa gã bòo laanka mu boro gɔn.

Luku 16:31

Sɛnɛ, Abrahamu mà Lawa landa siin mɛnɛn kɔ Muizu la, ka a boon mɛnɛn dɔn kɔ a din a boo gii-dalin la, mà bɛ̀ ǹ nə n too kɔ bɛn-a wa, mà ta min yii na á kaa á bɔ geren bii á woo boo da ǹ nɛ, mà ǹ ba re wɛɛ ǹ dɛnaa a boo la wa.

Luku 4:16

Yezu bɛ́ á too Nazarɛti kiwi mɛn nɛ, á wusoo á daa walan. Zuifun *susu ǹ pii pinaa, a kɔnpɛ ka Yezu a lɛ mui sii ni, á wɔ lɛsɔkɔn kion. Á yoo a n die Lawa a boo sɛ́wɔ pii.

Zaã a sɛ́wɔ 7:35

A kũ bɛ lɛ ganaa, Zuifun man nə́ goã pii kɔn nɛ, mà a n die woe maa kəni, ǹsɛn nə ǹ ba yii doo wa? Mà Zuifun mɛnɛn bɛ́ pɛsiɛ̃-n bǎã kɔsɔn nɛ, mà a n die woe n doe kun bɛn nɛ, a Lawa doɛ̃baã wolen kɛn daraa kəni?

Nya ǹ dín 13:14

Pooli laanka ǹ miãn lɛn sɛn bɛ́ ǹ nə́ soo Pɛrɛgi kiwi, ǹ nə́ ǹ zii tɔ wɔ, ǹ nə́ woo dɔ Antiɔsi kiwi Pisidii gána nɛ. *Susu ǹ pii pinaa, ǹ nə́ wɔ lɛsɔkɔn kion ǹ nə́ giã tán.

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.

Nya ǹ dín 17:17

A na á goã boo diɛ kun ka Zuifun ni lɛsɔkɔn kion, kun ka tɔrɔ kɔsɔn mɛnɛn bɛ́ Lawa guguru koe. Baraabaraa dɔ-n, zaman paã ǹ bǎã nɛ, a na á goã boo diɛ daa wolen manɛ.

Nya ǹ dín 18:13

Ǹ nə́ pɛ: «Wɔsɛn landa siin bɛ́ ǹ ba lɛ koe Lawa guguru kɔ ǹ gɔn mɛn-a wa, kɛa giĩ kɛ n giɛ li á minin diɛ bɛ ganaa.»

Nya ǹ dín 18:19

Ǹ bɛ́ ǹ nə́ dɔ Efɛɛzi kiwi, Pooli nə́ n na á n bɔ Prisili laanka Akilaasi ganaa. Asɛ woo lɛsɔkɔn kion, á boo da Zuifun manɛ.

Nya ǹ dín 19:26

Ka dinin yii tá a ganaa, hinlaa ka tá a boo miɛ, mà Pooli lɛ bie a dí nyɛɛ Efɛɛzi kiwi dinsɔɔ̃-n wa, a n goon Azii gána din tumaa nɛ. A n pii zaman nɛ a tá ǹ sɔsɔmɛ, ǹ bɛ́ dìn mɛnɛn zɛnɛɛ ka ǹ gɔnɔn nɛ, mà bɛn ba Lawa taãnan lɛa wa.

Nya ǹ dín 19:8

Mui sɔɔ gɔ́ɔ̃ nɛ, Pooli na á goã we lɛsɔkɔn kion, bɛ̀ a boo da ka foo tãbaa nɛ *Lawa a kiibaa ǹ bǎã kɛ wɔ gɔn la. A na á goã n doɛ màn mɛn bɛ́ toɛ, a too kɔmalon wolen lɛn nə boo lɛ si taãn lɛa.

Nya ǹ dín 26:28

Agripaa tɔ́n pɛ Pooli ni: «A na á goã boɛɛnɛ n ma bɔyaa n ma baa *Krita a min lɛa kəni?»

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Nya ǹ dín 9:20

A ná a giala kɔ gɔrɔ á woe lɛsɔkɔn kionən ne, á pii mà Yezu n Lawa a Nɛgiĩ lɛa.

Korɛnti2 5:11

Ma bɛ́ nyɛ́ɛ baa Dɛnaa-n giala doɛ̃, bɛ lɛ-n ma á n doɛ máa minbuiin tumaa dɔ̃. Lawa á ma doɛ̃ ka peren-peren. Ma á taasɛ máa ka dɔn dinin gɔ́ɔ̃ nɛ, ka á masɛ doɛ̃ miɛ̃ peren-peren.