Nya ǹ dín 18:25 - LAWA A BOO SONBORE

²⁵ Á Dɛnaa a zii lɛ dɔ̃, a yiri dɔ bɛ́ kɔɔ̃nɛ, màn mɛn tumaa bɛ́ Yezu wɔ gɔn la, a na á goã bɛ yii pii, á n minin darɛɛ a ganaa pere-pere-pere, a da yaa, a na á goã ZAÃ a batɛmu diɛ kɛ dinsɔɔ̃ doɛ̃.

LAWA A BOO SONBORE 2011

²⁵ Á Dɛnaa a zii lɛ dɔ̃, a yiri dɔ bɛ́ kɔɔ̃nɛ, màn mɛn tumaa bɛ́ Yezu wɔ gɔn la, a na á goã bɛ yii pii, á n minin darɛɛ a ganaa pere-pere-pere, a da yaa, a na á goã Zaã a batɛmu diɛ kɛ dinsɔɔ̃ doɛ̃.

Nya ǹ dín 18:25 ပူးပေါင်းရင်းမြစ်များ

Siin Giala 18:19

Man má Abrahamu bɔ, máa a maa dí pɛ a nɛnyaanan laanka a kion minin ni a kio, a pɛ a laa ǹ ganaa, mà ǹ kɔ Dɛnaa a zii lɛ ka peperebaa nɛ, ka sonborebaa nɛ. Bɛ̀ á n baa miɛ̃, Dɛnaa nə n lɛ kɔ Abrahamu la ka sii mɛn nɛ, á re bɛ zɛnɛɛ nɛ.»

Loen 119:1

Min mɛnɛn tɔ wɔ ǹ gɔn bɛ́ pepere, ǹ nə́ tɔ we á n kɔnpii ka Dɛnaa Lawa a landa boon kɛn nɛ, Lawa á re barka diɛ bɛn ganaa.

Loen 67:2

Lawa, makara bɔ wɔ ganaa, n wɔ gɛrɛsiɛ bɔ. N yɔrɔ sonbore da wɔ la. *Doa

Izayii 40:3

Lɛ-dɛ n boe diə gole ne: Ka zii zɛnaa Dɛnaa Lawa wɔ lɛa. Bǎã gere ne, ka zii tele wɔa Dɛnaa Lawa wɔ lɛa.

Zeremii 6:16

Dɛnaa Lawa bɛ màn mɛn pii á ke: Ka zii mɛn saa, ka golee bɛ la, ka n taasɛ. Ka nɔ̀n da lɛlɛ ǹ ziin kɛn nɛ, ka ga zii lɛ a sonbore li, ka kɔ lɛ. Ka bɛ nɛ, ka á re susui yii ka dinin wɔ lɛa. Sɛnɛ, ǹ nə́ pɛ kɛnɛn: «Wɔ a re koe lɛ wa.»

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Marki 1:3

Lɛ-dɛ n boe diə ne: Ka Dɛnaa a zii zɛnaa, ka a ziin tele.»

Marki 12:14

Ǹ nə́ woo ǹ nə́ nɔ̀n da la kɛnɛn: «Mìinaa, wɔsɛn tá doɛ̃, wáa n tá sonbore pii, minbuiinin bɛ́ màn mɛn taasɛ, n ba nyɛ́ɛ biɛ bɛ-n wa, a giala, n ba minin bɔkɔnlɛ we wa, sɛnɛ, ma n minin darɛɛ Lawa a zii ganaa ka peperebaa nɛ. Á siĩni wɔ nyin giɔ̀mɔ saraa Rɔmun kii gole gole la hinlaa, wɔ baran saraa wa?»

Luku 1:4

Man bɛa sii lɛ zɛnɛɛ, màn mɛn bɛ́ toɛ, n dɔ̃, mà ǹ nə n daraa siin mɛnɛn-a, mà sonbore ne.

Luku 7:29

Gána lɛ a minin ni, ka wusuru-silin dɔn dinin ni, ǹ bɛ́ ǹ nə́ ǹ too kɔ ZAÃ lon, ǹ nə́ dɔ̃, ǹ nə́ lɛ kɔ, mà Lawa màn mɛn pɛ ǹsɛn wɔ gɔn la, mà sonbore ne, ǹ nə́ batɛmu lɛ si ZAÃ li.

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Nya ǹ dín 16:17

A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»

Nya ǹ dín 18:26

Á yoo á Lawa a boo pɛ lɛsɔkɔn kion ka foo tãbaa nɛ. Prisili laanka Akilaasi bɛ́ ǹ nə́ n too kɔ a lon, ǹ nə́ kũ ǹ nə́ da kunun ǹ dinin ni, ǹ nə́ wusoo ǹ nə́ Lawa a zii lɛ nyaa-n doo ka a peperebaa nɛ.

Nya ǹ dín 19:23

Bɛa biikoo kɛ lɛ nɛ, sii lɔlɔkɔn kakan nə́ n zɛnaa Lawa a zii lɛ a lɛa.

Nya ǹ dín 19:3

Pooli tɔ́n nɔ̀n da ǹ la: «Sɛnɛ, ka n ka *batɛmu mɛn tɔrɔ yɛ?» Ǹ nə́ pɛ: «ZAÃ bɛ́ á goã ǹ mɛn diɛ minin-a, wɔsɛn man wɔ́ bɛ yɛ.»

Nya ǹ dín 19:9

Sɛnɛ, ǹ tɛnɛn nə́ n too kaka kɔ, ǹ lɛ kɔ ǹ nə́ boo lɛ si taãn lɛa wa. Ǹ nə́ boo baraa da Dɛnaa a zii lɛ ganaa zaman lɛ bii. Pooli nə́ ǹ toa walan, á Lawa-nyankɔlen lɛn sɛn kũ ǹ gɔrɔn, bɛ̀ a Lawa a boo lɛ pɛ ǹ nɛ baraabaraa Tiranɔɔsi a minin daraa ǹ kion.

Nya ǹ dín 9:2

mà bɛ sɛ́wɔn kɔ asɛ la. Sɛ́wɔn mɛnɛn bɛ́ zii koe asɛ la, asɛ wɔ Damaasi kiwi a Zuifun lɛsɔkɔn kionən ne, màn mɛn bɛ́ toɛ, bɛ̀ asɛ woo minin yaa, giĩn ni ka lɔn nɛ, ǹ nə́ koe kɛa zii kɛ lɛ, asɛ nə ǹ kũ a ǹ yii, a da ǹ nɛ Zeruzalɛmu.

Rɔmu minin 12:11

Ka n doa, ka baran yoo baa wa. Ka n we yii ka dí nya Dɛnaa nɛ.

Timote2 2:4

Bɛ̀ min tá woe sɔraasibaa ǹ bǎã nɛ, bɛ̀ a tá li a sii kɔɔ̃n kɔ a goledɛnaa ganaa, a ba n taasɛ kanaa kɛ a siin ni wa.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Sii yɔrɔ-bɔlen 2:22

Dɛnaa Lawa na á n da Izirayeli minin lɛn gɔ́ɔ̃ li ka bɛn lɛn sii ni. A na á goã giɛ li a dɔ̃, bɛ̀ ǹ tá re asɛ a zii kɛ tamaɛ, ǹ kɔ lɛ ka ǹ digolon bɛ́ ǹ nə́ zɛnaa lɔn hinlaa bɛ̀ ǹ ba re zɛnɛɛ miɛ̃ wa.»

Samayeli1 12:23

Masɛ din wɔ paǹ li, bɛ̀ má Lawa nyankɔ lɛ da kaa lɛa, man má sii baraa zɛnaa Lawa nɛ. Màn mɛn nə́ ke siĩni, pepere, masɛ n die ka darɛɛ bɛa zɛnaa ganaa.