Nya ǹ dín 18:18 - LAWA A BOO SONBORE

¹⁸ Pooli giã Korɛnti á biikoo gigiã zɛnaa. Bɛ kio, á dɔɔ̃n Lawa-nyankɔlen lɛn toa walan, á wɔ tà kuru ǹ goo ne, á woo Siirii gána-n kun ka Prisili laanka Akilaasi ni. A bɛ́ á dɔ Sankree kiwi, á n mìi kɔɔ̃ kəni, a giala, a na á goã á n lɛ kɔ Lawa la.

LAWA A BOO SONBORE 2011

¹⁸ Pooli giã Korɛnti á biikoo gigiã zɛnaa. Bɛ kio, á dɔɔ̃n Lawa-nyankɔlen lɛn toa walan, á wɔ tà kuru ǹ goo ne, á woo Siirii gána-n kun ka Prisili laanka Akilaasi ni. A bɛ́ á dɔ Sankree kiwi, á n mìi kɔɔ̃ kəni, a giala, a na á goã á n lɛ kɔ Lawa la.

Nya ǹ dín 18:18 ပူးပေါင်းရင်းမြစ်များ

Minin nimi 6:18

Bɛ kio, din-kɔwole lɛ nə n mìi ka mɛn koa a din kɔ lɛ a sii a kɔnboe lɛa, a die a bɛ kɔɔ̃ kɔn yɛ ka Lawa nɛ ǹ kion kɛa kiɛnlɛ-a, a bɛa mìi ka kɛ lɛ goa a zũ tɛ kɛ nɛ kuĩ barka da ǹ wúlu màn kɛ giulun.

Minin nimi 6:2

«Boo da Izirayeli minin lɛn nɛ n pɛ ǹ nɛ: Bɛ̀ giĩ hinlaa lɔ lɛ kɔ, mà asɛ n die n din koe Dɛnaa Lawa la, a dí nya nɛ,

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Marki 6:46

A bɛ́ á ǹ da zii ǹ mɛn waáraa, á woo dii kele la á Lawa nyankɔ.

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 15:41

Á Siirii gána wɔsɔ ka Siliisii gána nɛ, á Lawa a sɔmɔ minin foo taã mà ǹ goã golee Lawa li gɔ́ɔ̃ nɛ.

Nya ǹ dín 18:2

Á kaa Zuifu goon lɛ walan, a tɔ n Akilaasi, Pɔn gána min ni. A na á bɔ Italii gána-n sisia, á daa kun ka a lɔ Prisili ni. Sonbore, kii gole gole Klodo na á goã á pɛ, mà Zuifun tumaa soo ǹ nə n bɔ Rɔmu kiwi. Pooli woo bɛa giĩ kɛ lɛ laanka a lɔ li.

Nya ǹ dín 18:26

Á yoo á Lawa a boo pɛ lɛsɔkɔn kion ka foo tãbaa nɛ. Prisili laanka Akilaasi bɛ́ ǹ nə́ n too kɔ a lon, ǹ nə́ kũ ǹ nə́ da kunun ǹ dinin ni, ǹ nə́ wusoo ǹ nə́ Lawa a zii lɛ nyaa-n doo ka a peperebaa nɛ.

Nya ǹ dín 18:27

Apolɔɔsi bɛ́ mà a n woe Grɛki gána nɛ, dɔɔ̃nɔn lɛn ná a sii lɛ yɛ siĩni, ǹ nə́ sɛ́wɔ dia Lawa-nyankɔlen la walan, mà bɛ̀ á dɔ ǹ li mà ǹ kũ doɛ̃. A bɛ́ á dɔ, á dɔmalɛ gigiã wɔ Lawa-nyankɔlen lɛn manɛ walan, ka bǐɛ̃baa ǹ màn kɛ nɛ, Lawa kɔ la.

Nya ǹ dín 21:23

Haya, wɔ bɛ́ re yiri mɛn koe n la, bɛa sii zɛnaa. Giĩ min sii tá wɔsɛn li, ǹ nə́ n lɛ kɔ Lawa la,

Nya ǹ dín 21:24

bɛn kũ, n wo *gɔ̀ bɔ min ganaa ǹ landa sii lɛ zɛnaa kunun ǹ ni, n din nə́ ǹ giɔ̀mɔ saraa. Bɛa yɔrɔ kɛ la, ǹ tá re n mìi koɛ̃. Min tumaa á re doɛ̃, mà ǹ bɛ́ boon mɛnɛn diɛ n wɔ gɔn la ke, mà taãn bie wa, mà n dinmaa lɛ dɔ á koe dí-pɛn lɛn zɛnaa ǹ zii lɛ.

Nya ǹ dín 21:3

Wɔ bɛ́ wɔ́ diri Siipri la, wɔ́ nə́ n toɛ tà kuru ǹ goo ne wɔ yii ná a ganaa, wɔ́ kanaa wɔ́ bɔ a gusin a lɛ̀gɔn li, wɔ́ mu kuru wɔ́ woo Siirii ganaa. Wɔ́ golee Tiiri kiwi, a giala, ǹ doamaa nɛ ǹ tà kuru ǹ goo lɛ a guĩ gisĩ walan.

Rɔmu minin 16:1

Man wɔ dɔɔ̃n lɔ Feebe a sii toɛ ka gɔn. A n di nyɛɛ Sankree a Lawa a sɔmɔ minin manɛ.

Korɛnti1 9:20

Má goã kun ka Zuifun ni ka Zuifu bɛ́ lɔn, màn mɛn bɛ́ toɛ, ma gɔn dɔ ǹ ganaa. A laan ma goã Muizu a Landa pàã giulun wa, ma dí nya kunun ǹ ni, ka ma na a pàã giulun, màn mɛn bɛ́ toɛ ma gɔn dɔ tá Landa pàã giulun wolen ganaa.

Galaasi minin 1:21

Bɛ dɔ kio ne, má tɔ́n woo Siirii ka Siliisii gána nɛ.