Nya ǹ dín 17:32 - LAWA A BOO SONBORE

³² Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

LAWA A BOO SONBORE 2011

³² Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Nya ǹ dín 17:32 ပူးပေါင်းရင်းမြစ်များ

Siin Giala 19:14

Lɔti soo á woo boo da ǹ daãn nɛ, min mɛnɛn bɛ́ mà maǹ die a nɛlɔn we lɔ lɛa. Á pɛ ǹ nɛ: «Haya, ka yoo! Ka soo ka n bɔ bǎã lɛ nɛ, a giala, Dɛnaa n die kiwi lɛ yui.» Sɛnɛ, ǹ daãn lɛn yii li, maǹ pii mà a n sàn koe.

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Luku 14:18

Sɛnɛ, ǹ tumaa pɛ kɔn kio ganaa, mà giĩ lɛ sabarɛbaa. Ǹ bibinaa mà dí-nyali lɛ ganaa mà asɛ na á wuru goon pii, mà asɛ doamaa nɛ a wo ga bɛ ganaa. Mà asɛ na a nyankoe a sabarabaa.

Luku 22:63

Min mɛnɛn nə goã Yezu lɛduĩ, bɛn nə́ màn yii a yii ganaa. Maǹ nə́ goã yaa we a ganaa, ǹ nə́ dii bɛ̀ ǹ nə́ pii ni: «Haya, min mɛn bɛ́ á n dɛ, bɛa dɛnaa pɛ kəni!»

Luku 23:11

Erɔdi laanka a sɔraasin ná a kiɛɛrɛ kɔ, ǹ nə́ yaa wɔ a ganaa. Erɔdi mɔnaa sonbore kɔ́n wɔ a ganaa, á wusoo á dia Pilati la.

Luku 23:36

Sɔraasin lɛn dɔn nə́ goã yaa we a ganaa. Ǹ nə́ n mɔrɔ a ganaa mà maǹ yɔ pipiã koe la.

Nya ǹ dín 13:41

«Ka ga a ganaa, kasɛn min piɛ̃-bɔlen lɛn. Ka n kaãbaa ka papaã! A ka yii toa koo, man die dí goon nyɛɛ, bɛ̀ a nə n zɛnɛɛ ka kio, min ná a laakalɛɛ ka nɛ, bɛ̀ ka a golee li wa.»

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 17:31

Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Nya ǹ dín 17:33

Pooli tɔ́n nə́ n bɔ ǹ bii á woo.

Nya ǹ dín 2:13

Sɛnɛ min tɛnɛn man nə́ goã yaa we kialandɛnan lɛn-a, bɛ̀ ǹ nə́ pii: «Duvɛ̃ nə ǹ yii ganaa.»

Nya ǹ dín 24:25

Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»

Nya ǹ dín 25:19

Liere kooron man nə́ goã ǹ bii ni ǹ Lawa a zii wɔ gɔn la, ka giĩ kɔ́n dɔ nɛ a tɔ n Yezu, min mɛn bɛ́ á gã dinin, sɛnɛ, Pooli sɛ mà a yii á koo.

Nya ǹ dín 26:8

Wàa na á baa ǹ tá taasɛ, mà Lawa a boe la a geren yii kaa wa?

Korɛnti1 1:23

Sɛnɛ, Krita mɛn bɛ́ ǹ nə́ dere gɔn ganaa, wɔsɛn man bɛ boo diɛ. Bɛ n sii kaka lɛa Zuifun ganaa, a n gàãnaabaa lɛa tɔrɔ kɔsɔn yii li.

Korɛnti1 15:12

Bɛ̀ wɔ á pii ka nɛ, wáa Krita yii-kaa á n bɔ geren li, wàa na á baa kaa min tɛnɛn tá pii, mà geren yii kaa banban?

Korɛnti1 4:10

Wɔsɛn man gàãnaan lɛa Krita a lɛa; kasɛn man sii-dɔ̃lin lɛa, kaa tá kun ka Krita-n gɔ́ɔ̃ nɛ. Wɔsɛn man pàãwɛɛnaan lɛa, kasɛn man pàãdɛnan lɛa. Wɔsɛn man màn kooron lɛa, maǹ kasɛn guguru koe!

Korɛnti2 6:2

A giala, Lawa din na á pɛ sɛ́wɔ nɛ: «Biikoo sonbore li, má n too kɔ n lon, kirisibaa pinaa, má daa n gú ganaa.» Á ke, sisia kəni, biikoo sonbore lɛ n ke, a minin kirisibaa pinaa lɛ dɔ n ke.

Ebrəə 11:36

Gialakunun dɔn nə́ nɔmaa da-yaa lɛa gɔn, ka sɛ̌n nɛ, ka fɔlɔ biɛn kaamaa nɛ, ka da kòso-n ne.

Ebrəə 13:13

Ka daa wɔ dɔn nə soo, wɔ wo a li kiwi lɛ kio, wɔ dɔn na a din sìi kɛ lɛ si wɔ ganaa.