Nya ǹ dín 17:31 - LAWA A BOO SONBORE

³¹ Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

LAWA A BOO SONBORE 2011

³¹ Sonbore, Lawa lɛawaa kɔ́n koa, a n die kiri kuri kanaa minin la ka peperebaa nɛ. Á min bɔ kiri-wɔle lɛa bɛa lɛa. A na á bɛ nyaa min tumaa nɛ ka bɛa dɛnaa lɛ a yii kaa a bɔ geren bii ni.

Nya ǹ dín 17:31 ပူးပေါင်းရင်းမြစ်များ

Loen 9:8

Sɛnɛ, Dɛnaa Lawa n kiibaa la yǎa duduu. Á ná a kii dankan doa kaka, kiri kurii a lɛa.

Loen 96:13

Ǹ nə n nyɛnyɛɛ Dɛnaa Lawa lɛ yɔrɔ-a, a giala, mà á die. A n die a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ. A n zɛnɛɛ a kɔnpɛ ka sonbore ne.

Loen 98:9

Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.

Matiə 10:15

Lawa bɛ́ re kiri we Sodɔmu laanka Gomɔɔrɔ kiwi min baraan kɛn ganaa ǹ mɛn pinaa, bɛn dɔlɔ á re goɛ̃ puusə ǹ wɔ ganaa.

Matiə 24:14

Boo Tii Kɔɔ̃n kɛ á die n pii kanaa paǹ tumaa nɛ, màn mɛn bɛ́ toɛ, Lawa bɛ́ a kanaa dii a wɔ ma nɛ ǹ lɛ-dia mɛn we, tɔrɔ tumaa bɛ ma. Bɛ kio kanaa tɔn nya.

Luku 22:22

Sonbore ne, Min a Nɛgiĩ n die giɛ̃, a kɔnpɛ ka Lawa a sii yɔrɔ bɔ nɛ, sɛnɛ, min mɛn bɛ́ re we a zɔ́ɔn gɔn, bɛa dɛnaa wɔ n ka bɔ̀n nɛ.»

Zaã a sɛ́wɔ 12:48

Bɛ̀ min mɛn nə́ n piã ka masɛ nɛ, a ná a lɛ kɔ maa boo kɛ dɔ-a wa, bɛa dɛnaa a kiri-wɔle tan. Ma boo mɛn da, bɛ lɛ n die kiri kuri la kanaa a nya pinaa.

Zaã a sɛ́wɔ 16:10

Á peperebaa nyɛɛ ǹ nɛ, a giala, masɛ n woe maa Díi li, ka a re ma yii doo wa.

Zaã a sɛ́wɔ 5:27

A din na á kiri wɔ ǹ pàã kɔ la, a giala, a n Min a Nɛgiĩ lɛa.

Nya ǹ dín 17:18

Yiridɛnan kɔnɔn dɔn dinin tan, ǹ nə́ ǹ bíi mà Sitoyisiɛ̃n ka Epikuriɛ̃n, bɛn nə́ goã sùn biɛ kun ni. Ǹ tɛnɛn man nə́ goã pii: «Kɛa boo gigiã dali kɛ n pii mà wàa sɛn?» Kɔsɔn dɔn man pii: «A n die goɛ̃ dì tiin boo-laakalaali lɛa.» Sonbore, Pooli na á goã Yezu laanka geren yii-kaa boo diɛ.

Nya ǹ dín 17:32

Ǹ bɛ́ ǹ nə́ geren yii-kaa boo kɛ ma, ǹ tɛnɛn man nə́ goã yaa we. Gialakunun mà ǹsɛn tá re n too koe bɛa boon kɛn lɛn-a Pooli lon biikoo kɔsɔ li.

Nya ǹ dín 17:6

Ǹ bɛ́ ǹ nə ǹ yɛ wa, ǹ nə́ tɔ́n Zaazɔn laanka dɔɔ̃n Lawa-nyankɔlen kɔnɔn baã ǹ nə́ woo ǹ ne kiwi lɛ a pàãdɛnan yɔrɔ-a, ǹ nə́ pɛ: «Kɛa minin kɛn lɛn ǹ nə́ kanaa din tumaa lɔlɔkɔn, maǹ nə́ daa kànaa dɔ-n sisia.

Nya ǹ dín 2:32

Bɛa Yezu kɛ lɛ, Lawa ná a yii kaa á bɔ geren bii, wɔsɛn tumaa n bɛa siéren lɛa.

Nya ǹ dín 4:10

Ka dinin tumaa laanka Izirayeli gána minin tumaa dɔ̃ kəni, mà Nazarɛtin Yezu tɔ kɛ pàã nɛ, giĩ kɛ á golee ne ka yɔrɔ-a min kaka lɛa. Yezu *Krita mɛn bɛ́ ka dinin nə́ dere gɔn-a, Lawa na á yii kaa á bɔ geren bii, bɛ lɛ barka nɛ.

Rɔmu minin 2:16

Bɛ̀ Lawa kiri kuru minbuiinin la ǹ mɛn pinaa, ka ǹ taasiɛ duriin ni, bɛ tumaa á re soe wɔlɔ fúlu ganaa. Yezu *Krita Boo Tii Kɔɔ̃n mɛn kɔ ma la mà ma pɛ, bɛ n pii miɛ̃.

Rɔmu minin 2:5

N too á kaka koe! N nə́ n piã ka Lawa a bǐɛ̃baa kɛ nɛ. Bɛ lɛ taman yii, n doamaa bɛ-n ka dɔlɔ mɛn nɛ, n ná a yɔrɔ boe koɛ n din ni, Lawa a kiri-kurii pinaa, bɛ á re gole koe doo a la yii ni. Bɛa pinaa kɛ nɛ, Lawa á re a kiri kɛ a peperebaa nyɛɛ min tumaa yɔrɔ-a, ka foo-busii gole ne.

Korɛnti1 4:5

Bɛ lɛ n toɛ, ka nyan kiri da min kɔ́n la fufuu miɛ̃, bɛ̀ Dɛnaa ná a tɔn daa wa. Màn mɛn bɛ́ wɔlɔ tì li, á re bɛ diɛ wɔlɔ fúlu li, taasiɛ duriin mɛnɛn bɛ́ minbuiin nɛ gɔ́ɔ̃ nɛ, á re bɛn nyɛɛ. Bɛ ganaa, didie tumaa bɛ́ kɔnboe ka tɔ-bɔ mɛn nɛ, Lawa á re bɛ koe la.

Korɛnti2 5:10

A giala, wɔ tumaa doamaa nɛ, wɔ golee *Krita a kiri kuru ǹ bǎã kɛ yɔrɔ-a. A n die kiri we wɔ ganaa, a didie saraa a kɔnpɛ ka a nyaǹ dí ni kanaa, ta a bǐɛ̃ nɛ, ta a baraa nɛ.

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Ebrəə 6:2

*Batɛmun kɛn nɛ, gɔn da min mìi-n a Lawa nyankɔ nɛ, ka geren yii kaa laanka dɔlɔ nyabaã kɛ a boo diɛ nɛ.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.