Nya ǹ dín 17:25 - LAWA A BOO SONBORE

²⁵ Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ.

LAWA A BOO SONBORE 2011

²⁵ Minbuiin gɔn bie a sii kɔ́n dɔ yɔrɔ boe, ka n pɛ mà a laadoo n màn kɔ́n ganaa wa, a giala a din nə yiikoonaabaa koe min din tumaa la, ka fɔfoã nɛ ka màn tumaa nɛ.

Nya ǹ dín 17:25 ပူးပေါင်းရင်းမြစ်များ

Siin Giala 2:7

Dɛnaa Lawa tán tii saa, á zɛnaa minbuiin nɛ lɛa. Á yiikoonaabaa ǹ piɛ̃ dɔ a nyin ni, á n baa màn yiikoonaa lɛa.

Zɔbu 12:10

Màn tumaa a yiikoonaabaa na a din gɔn. Minbuiin tumaa nyin biɛ na a din gɔn.

Zɔbu 22:2

– Minbuiin nɛ là á boe la a yɛ Lawa ganaa? Ta ǹ mɛn din nə sii doɛ̃, a sii-doɛ̃ lɛ a là na a din ganaa.

Zɔbu 27:3

bɛ̀ ma á tɔn boe la ma á piɛ̃ sii, bɛ̀ Lawa a piɛ̃ kɛ á tɔn ma nyin ni,

Zɔbu 33:4

Lawa din na á masɛ zɛnaa ka a yiri ni. Pàãyiidɛnaa din lɛ gɔ́ɔ̃ ǹ piɛ̃ n toɛ ma yii á koo.

Zɔbu 34:14

Bɛ̀ Lawa nə n taasɛ ka a dinsɔɔ̃ a sii ni, bɛ̀ a na a yiikoonaa baa ǹ piɛ̃ kɛ sii soekɔn a din li,

Loen 16:2

Man pii Dɛnaa Lawa nɛ: N din nə maa Mìinaa lɛa. N dinsɔɔ̃ n yii-nyɛɛ koe ma la.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 57:16

A giala, ma ba zoɛ̃ li máa ma minin zɛ̀rɛbaa biikoo yii li wa, hinlaa ma foo goã yoo-n duduu wa. Bɛ bie wa, ma min mɛnɛn zɛnaa, bɛn yiikoonaabaa á re n sii ǹ la.

Zeremii 38:16

Sɛnɛ, kii Sedekiasi lɛ kɔ wɔ ka durii ni Zeremii-n kɛnɛn: «Ká Dɛnaa Lawa Yiikoonaa tɔ nɛ, asɛ mɛn yiikoonaabaa kɔ wɔ la, ma a re n nyin boe wa. Min mɛnɛn dɔn bɛ́ zoɛ̃ n gɛ̀ li, ma a re n we bɛn gɔn wa.»

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Minin nimi 16:22

Bɛ kio, Muizu laanka Aarɔn na, ǹ nə́ kaa tán ǹ lɛ la, ǹ nə́ pɛ: «Ee Lawa! Nsɛ mɛn bɛ́, da ǹ màn din tumaa a fɔfoã nə́ n gɔn, n foo n die yui zaman lɛ tumaa li, a da yǎa min goon dinsɔɔ̃ na á sii baraa zɛnaa?»

Minin nimi 27:16

«N din Dɛnaa Lawa mɛn bɛ́, da ǹ màn tumaa a fɔfoã nə́ n gɔn, ga min li, n da zaman lɛ mìi la,

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Matiə 9:13

Lawa pɛ a boo ne: «Man giɛ li ka makara bɔ minin ganaa, ma bie giɛ li ka *wúlu mànan kɔ ma la wa.» Ka woo ka n daraa bɛ ganaa, ka a giala ma. A giala, min mɛnɛn bɛ́ n dinin biɛ min peperen lɛa, ma bie má daa bɛn taman yii wa, min mɛnɛn bɛ́ n dinin doɛ̃ sii baraa- zɛnaalin lɛa, man má daa bɛn taman yii.

Nya ǹ dín 14:17

Sɛnɛ, á n din nyaa ka a bǐɛ̃ zɛnaan nɛ biikoo tumaa li, a giala á la mu bɔ lon á kɔ ka la, á lɛ̀ sonboren kɔ ka la, á màn-bii gigiã kɔ ka la ka foo kɔɔ̃nbaa nɛ.»

Nya ǹ dín 17:28

a giala «Wɔa minbuiinbaa nɛ, ka wɔa yiikoonaabaa nɛ, ka wɔa bìn diɛ n boe a din ni.» Ka ka dinin loe-lɔle kɔsɔ dɔ bɛ́ á pɛ lɔn: «Wɔ na a din tɔrɔ lɛa.»

Rɔmu minin 11:35

Hinlaa «Die ne, mà asɛ na á màn kɔ Lawa la lɛlɛ, sɛnɛ, mà a ná a tɔn bɛ dòo saraa asɛ la wa? Min kɔ́n!»

Timəə dí-pɛn 30:20

Bɛ n ka kɛ nɛ: ka kaa Lawa, Dɛnaa Lawa lɛ narɛ, ka n too kɔ a lon, ka n naa a din lɛ ganaa. Bɛ lɛ n die toɛ ka yii goã koo. Dɛnaa Lawa nə n liɛ mà asɛ á re bǎã mɛn koe ka digolo Abrahamu la, Izaaki laanka Zakɔba nɛ, ka boo la ka giã walan ka belebɔ.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.