Nya ǹ dín 17:23 - LAWA A BOO SONBORE

²³ Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

LAWA A BOO SONBORE 2011

²³ Bɛ̀ masɛ á koe kaa ziin lɛ, ma tá kaa dì wúlu-bɔ ǹ bǎãn yii. Má bǎã lɛ kɔ́n din yɛ á n kiɛ̃ nɛ a ganaa kɛnɛn: «Min bɛ́ a ba dì mɛn doɛ̃ wa.» Ka bɛ́ ka a màn mɛn doɛ̃ wa ka ná a guguru koe dɔn, masɛ Pooli n má daa bɛ lɛ boo da ka nɛ.

Nya ǹ dín 17:23 ပူးပေါင်းရင်းမြစ်များ

Loen 147:20

A kɛ miã zɛnaa tɔrɔ kɔsɔ kɔn nɛ wa, Tɔrɔn mɛnɛn bɛ́ ǹ ba a dí-pɛn doɛ̃ wa. Aleluya, ka Dɛnaa Lawa tɔ bɔ!

Loen 50:21

N màn mɛn zɛnaa, a din lɛ n ke. Ma á boe la man lɛ tã kɛ lɛ-a sonbore? Ma n taasɛ mà n miãn ka masɛ nɛ? N sii mɛn la, man die n zɛ̀rɛ biɛ, ma a tumaa pɛ ma kaa tán n giulun.

Izayii 45:4

Maa dí-nyali Izirayeli kɛa lɛa, ka Zakɔba kɛ nɛ má bɔ má koa, má nsɛ Siirusu bíi ka n tɔ nɛ. Má gugurubaa kɔ n la, a da yaa dɔn dinin n ba ma doɛ̃ wa.

Matiə 15:9

Maǹ ma guguru koe kooro, a giala, maǹ minbuiinin dí-pɛn siɛ ǹ tá ǹ biɛ Lawa a dí-pɛn lɛa, bɛ̀ ǹ minin daraa ǹ ganaa.»

Zaã a sɛ́wɔ 17:25

Maa Díi pepere, kanaa minin ba doɛ̃ wa, sɛnɛ, masɛ á doɛ̃, kɛn lɛn dɔn tá doɛ̃, mà n din ni n masɛ dia.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 4:22

Ka bɛ́ ka a màn mɛn doɛ̃ wa, ka n bɛ guguru koe. Wɔsɛn Zuifun bɛ́ màn mɛn doɛ̃, wɔsɛn man bɛ guguru koe, a giala kirisibaa wole lɛ n Zuifu tɔrɔ lɛa.

Zaã a sɛ́wɔ 8:54

Yezu tɔ́n pɛ ǹ nɛ: «Bɛ̀ masɛ nə n din laakalɛɛ, ga tɔ li kooro n ka bɛ nɛ. Maa Díi kɛ lɛ ka tá pii mà kasɛn Lawa nɛ, a da yaa ka n ka a doɛ̃ wa, bɛ lɛ n masɛ tɔ boe. Ma á doɛ̃. Bɛ̀ má pɛ máa ma a doɛ̃ wa, masɛ dɔ n soɛ-bɔle lɛa ka ka dɔn bɛ́ lɔn. Sɛnɛ, masɛ á doɛ̃, ma tá a boo dɔ sii.

Nya ǹ dín 17:30

Á ke, Lawa ga bɛa sii-doɛ̃baã biikoon kɛn ganaa wa. Sɛnɛ, sisia a n pii min din tumaa nɛ, bǎã tumaa nɛ, mà ǹ doamaa nɛ ǹ nə n bɔyaa ǹ golee asɛ li.

Rɔmu minin 1:28

Ka bɛ dɔ-n doo, ǹ lɛ kɔ ǹ nə́ Lawa doɛ̃ sii toa ǹ gɔ́ɔ̃-n wa. Bɛ lɛ nɛ, Lawa nə́ ǹ toa ǹ dinin yiri gɔgɔrɛ kɛ gɔn, màn mɛn bɛ́ toɛ, siin mɛnɛn doamaa bɛ́ n bie ka zɛnaa-n wa, ǹ bɛn zɛnaa.

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 8:5

Min tɛnɛn tá taasɛ, mà lawan man tán la ka lon ne, lawa gigiã dinin, ka dɛnaa gigiã nɛ.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.