Nya ǹ dín 16:9 - LAWA A BOO SONBORE

⁹ Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.»

LAWA A BOO SONBORE 2011

⁹ Tèlò kɔ́n nɛ, Pooli yii màn kɔ́n yɛ: Masedoanɛ gána min goon ne, á n din nyaa nɛ golee-n lon, a ná a nyankoe kɛnɛn: «Da Masedoanɛ, n nə n dɔ wɔsɛn lɛ.»

Nya ǹ dín 16:9 ပူးပေါင်းရင်းမြစ်များ

Nya ǹ dín 10:3

Ǹ kɔ́n pinaa, wasa lɛ kanaa n nɛ, biikoo a sɔɔbaa ǹ wɔ kɛ miã li, a yii màn yɛ buə̃buə̃ ne, lon a dia dí-a wole goon wɔ a kion, á lɛ dia la: «Kɔrnɛyi.»

Nya ǹ dín 10:30

Kɔrnɛyi ná a lɛ si: – A lɛawaa sɔɔ n ke, kɛa biikoo kɛ lɛ nɛ, wasa lɛ kanaa a biikoo sɔɔ waáraa, man má goã Lawa nyankoe maa kion. Bǎã goon ne, min goon nə́ n din nyaa ma nɛ, ka mɔnaa tɛ-pɛle sonboren ná a ganaa,

Nya ǹ dín 16:10

Pooli yii bɛ́ á bɛa màn kɛ lɛ yɛ, wɔ́ yoo fufuu wɔ́ ga wo Masedoanɛ ǹ gɔn li, a giala, wɔ dɔ̃ taãn-taãnɛ wáa Lawa n wɔ bíi walan, mà wɔ a din a boo tii kɔɔ̃n kɛ pɛ ǹ nɛ.

Nya ǹ dín 16:12

Wɔ́ n toa walan wɔ́ tɔ wɔ, wɔ́ woo Filipi kiwi, bɛ mɛn bɛ́ á goã Masedoanɛ gána paǹ goon a kiwi gole lɛa, Rɔmu minin giã ǹ bǎã lɛa. Wɔ biikoo kɔ́n zɛnaa bɛa kiwi lɛ nɛ.

Nya ǹ dín 18:5

Silaasi laanka Timote bɛ́ ǹ nə́ bɔ Masedoanɛ gána nɛ ǹ nə́ daa, Pooli boo la á n din kɔ Lawa a boo lɛ a pɛ ganaa taãn-taãnɛ. A n pii Zuifun lɛn manɛ, mà Lawa pɛ mà á re Nyin-sili mɛn diɛ, mà Yezu ni.

Nya ǹ dín 19:21

Bɛa siin kɛn lɛn zɛnaa kio, Pooli ná a yɔrɔ bɔ a din yiri ni, mà a n die boe Masedoanɛ gána nɛ ka Grɛki gána nɛ, a kiɛ̃ a wo Zeruzalɛmu. A na á goã pii: «Bɛ̀ masɛ dɔ walan, ma doamaa nɛ ma kiɛ̃ ma wo Rɔmu kiwi dɔ nɛ.»

Nya ǹ dín 19:22

A ná a dí nya kun wole min paa dia Masedoanɛ gána nɛ, Timote laanka Erasti ni, bɛ̀ a dinmaa á tɔn Azii gána-n bɔrɔ.

Nya ǹ dín 19:29

Kiwi lɛ a zaman tumaa nə́ n lɔlɔkɔn, ǹ nə́ yoo kun ǹ nə́ woo lɛsɔkɔn bǎã lɛ nɛ. Ǹ bɛ́ woe, Pooli a zii tɔ-wɔ kun wolen mɛnɛn bɛ́ Masedoanɛ kiwi minin lɛa, Gayusu laanka Aristarki ni, ǹ nə́ bɛn kũ.

Nya ǹ dín 20:1

Sii lɔlɔkɔn lɛ bɛ́ á kiɛ̃, Pooli lɛ dia Lawa-nyankɔlen lɛn la á ǹ foo taã. Bɛ kio, á fòo da ǹ nɛ, á zii kũ á woo Masedoanɛ gána nɛ.

Nya ǹ dín 20:3

á mui sɔɔ zɛnaa walan. A bɛ́ mà a n tà kuru ǹ goo siɛ á woe Siirii gána nɛ ǹ mɛn waáraa, á ma mà Zuifun man giɛ li ǹ kũ. Bɛ lɛ nɛ, á wusoo á tɔ wɔ a gòã nɛ, á bɔ ka Masedoanɛ gána-n doo.

Nya ǹ dín 27:2

Wɔ́ wɔ Adramiti kiwi a tà kuru ǹ goo goon ne, bɛ doamaa nɛ a bɔ Azii gána genli a kiɛ̃. Wɔ́ wɔ, wɔ́ woo ka Aristarki-n kun wɔ nɛ, Masedoanɛ gána min ni, a n boe Tesaloniki kiwi.

Nya ǹ dín 9:38

Liidaa kiwi wɔlɔ bɛ́ a ba sɔsɔɔ Zoopee kiwi ganaa wa, Lawa-nyankɔlen lɛn bɛ́ ǹ nə́ ma mà Piɛrɛ tá Liidaa, ǹ nə́ min paa dia mà ǹ wo pɛ Piɛrɛ nɛ mà ǹsɛn man a nyankoe mà a da sisia.

Rɔmu minin 15:26

A giala, Masedoanɛ laanka Grɛki gána a Lawa-nyankɔlen man a gialaa wɔrɔ boboe, ǹ nə́ die koe Zeruzalɛmu wɔn kɛn la doobaabaa gɔ́ɔ̃ nɛ.

Korɛnti2 11:9

Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.

Korɛnti2 12:7

Bɛa sii-nyaa kaka kɛ lɛ bɛ́ boe la, á maa din koa ǹ giala biɛ, bɛ lɛ nɛ, ǹ nə́ là paparɛ ǹ busu da ma gɔ̀nɔn nɛ, ka *Sɛtaan a dia dí-a wole bɛ́ lɔn, mà a ma dɛ a ma kurəə din-koa tumaa ganaa.

Korɛnti2 7:5

Haalɛ ma bɛ́ má dɔ Masedoanɛ gána nɛ, ma susui yɛ ka duduu wa. Sii kakan nə́ ma yɛ paǹ din tumaa ganaa: má yɔ bɔ kɔn ka min kɔsɔn nɛ, nyɛ́ɛ n ma foo ne.

Korɛnti2 8:1

Wɔ dɔɔ̃nɔn lɛn, Lawa a bǐɛ̃baa ǹ siin nə n zɛnaa Masedoanɛn Lawa a sɔmɔn nɛ ka yɔrɔ mɛn nɛ, ma n zoɛ̃ máa ka bɛ dɔ̃.

Korɛnti2 9:2

Taasiɛ sonboren mɛnɛn bɛ́ ka gɔ́ɔ̃ nɛ, man ma din laakalɛɛ ka bɛn nɛ Masedoanɛ minin li kaa lɛa. Má pɛ máa a saa diɛ̃n ganaa, wɔ dɔɔ̃nɔn mɛnɛn bɛ́ Grɛki gána nɛ, máa bɛn nə́ lɛ kɔ ka dɔmalɛ lɛ nɛ. Kaa din kɔ sii ganaa miɛ̃ kɛ lɛ Lawa a sɔmɔn lɛn gigiã gù kaa.

Timəə dí-pɛn 30:13

Ǹ bie yìsi mu kio wa. Bɛ̀ maǹ walan kɛnɛn, bɛ̀ min nə pii: «Die n die yìsi mu kuri, a wo ǹ too kɔ ǹ ganaa, a da ǹ pɛ wɔ nɛ, màn mɛn bɛ́ toɛ, wɔ kɔ ǹ lɛ?»

Tesaloniki1 4:10

Bɛ lɛ n ke ka á zɛnɛɛ dinin, dɔɔ̃nɔn tumaa wɔ a paǹ li, Masedoanɛ gána din tumaa nɛ. Sɛnɛ, wɔ n ka nyankoe doo dɔɔ̃nɔn lɛn, wáa ka n doa ka wusoo ka màn da li.