Nya ǹ dín 16:30 - LAWA A BOO SONBORE

³⁰ Á pɛ ǹ nɛ mà ǹ soo, bɛ kio á tɔ́n pɛ ǹ nɛ: «Giĩn lɛn, masɛ doamaa nɛ ma wàa mɛn zɛnaa ma tɔn kirisibaa?»

LAWA A BOO SONBORE 2011

³⁰ Á pɛ ǹ nɛ mà ǹ soo, bɛ kio á tɔ́n pɛ ǹ nɛ: «Giĩn lɛn, masɛ doamaa nɛ ma wàa mɛn zɛnaa ma tɔn kirisibaa?»

Nya ǹ dín 16:30 ပူးပေါင်းရင်းမြစ်များ

Zɔbu 25:4

Minbuiin nɛ n siɛ lɔn a tɔn sonbore yɛ Lawa ganaa? Lɔ a yii kɛ lɛ n siɛ lɔn a tɔn goã *yoreen ne?

Zɔbu 34:32

Mà asɛ bɛ́ a tɔn màn mɛn dɔ̃ wa, mà Lawa din bɛ nyaa asɛ nɛ. Mà bɛ̀ asɛ sii baraa zɛnaa lɛlɛ, mà asɛ a tii a ganaa doo wa.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Izayii 58:9

Bɛ̀ n lɛ dia, Dɛnaa Lawa á re n lɛ sii. Bɛ̀ n dɔmalɛ nyankɔ, á re pii n ni: «Ma á die.» Màn mɛn bɛ́ nɔmaa diɛ n zaman mìi ni, sii zɛnaan mɛnɛn bɛ́ nyɛ́ɛ diɛ, ka boo baraan nɛ, bɛ̀ ń boo la n bɛn sàabaa,

Matiə 3:8

Ka a zɛnaa ǹ siin zɛnaa, màn mɛnɛn bɛ́ nyɛɛ mà ka kaa giã ǹ gɔn bɔyaa.

Matiə 5:7

Min mɛnɛn bɛ́ ǹ miãn makara doɛ̃, Lawa á re barka diɛ bɛn ganaa, a giala Lawa á die makara boe ǹ dɔn ganaa!

Luku 3:10

Zaman gigiã na á goã nɔ̀n diɛ ZAÃ la mà ǹsɛn doamaa nɛ ǹ wàa mɛn zɛnaa kəni?

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 16:17

A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»

Nya ǹ dín 16:24

Bɛa boo lɛ a pɛ kio, kòso lɛduə̃li lɛ nə́ ǹ kaa kòso lɛ a kɛ gialaa nɛ, á ǹ gòãn kaa kan nɛ.

Nya ǹ dín 2:37

Ǹ bɛ́ ǹ nə́ bɛa boon kɛn ma, á ǹ foo kũ parsiini, ǹ nə́ nɔ̀n da Piɛrɛ laanka dia dí-a wole gialakunun lɛn la: «Dɔɔ̃nɔn lɛn, wɔsɛn man die wàa zɛnɛɛ kəni?»

Nya ǹ dín 22:10

Má nɔ̀n da: «Dɛnaa, ma doamaa nɛ ma wàa mɛn zɛnaa kəni?» Dɛnaa ma lɛ si: «Yoo, n wo Damaasi, Lawa dí mɛn koa n wɔ lɛa, ǹ tá re bɛ nyɛɛ n nɛ walan.»

Nya ǹ dín 9:6

Sɛnɛ, yoo, n wɔ kiwi, n doamaa bɛ́ nɛ n sii mɛn zɛnaa, ǹ tá re bɛ pii n ni walan.»

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.