Nya ǹ dín 16:15 - LAWA A BOO SONBORE

¹⁵ A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

LAWA A BOO SONBORE 2011

¹⁵ A din laanka a kiondɛnan bɛ́ ǹ nə́ *batɛmu yɛ, á pɛ wɔ nɛ: «Ka dinin bɛ́ giɛ a ganaa, masɛ golee Dɛnaa li, ka da giã masɛ a piɛ.» Á n laa wɔ ganaa yǎa wɔ́ lɛ kɔ.

Nya ǹ dín 16:15 ပူးပေါင်းရင်းမြစ်များ

Siin Giala 19:3

Sɛnɛ, Lɔti nə́ n laa ǹ ganaa woone, yǎa ǹ nə́ wusoo ǹ nə́ woo a piɛ. Á buuru zɛnaa fufuu, yɔ bù ná a ba li wa, á kɔ ǹ la ǹ nə́ bii.

Siin Giala 33:11

ma da bǐɛ̃baa ǹ màn mɛn kɔ n la, lɛ kɔ n bɛ dɔ si. A giala, Lawa na á ma gɔ. Ma laadoo bɛ́ màn mɛn tumaa ganaa, a tumaa tá ma lon.» Zakɔba nə́ n laa Ezawu ganaa, yǎa á lɛ kɔ á mànan lɛn si.

Kiin2 4:8

Ǹ kɔn pinaa, Yiliizee n kiɛ̃ Sunɛmu kiwi, lɔ pàãma goon goã bɛa kiwi lɛ nɛ, á Yiliizee bii mà a da màn bii. A saa bɛ lɛ ganaa, bɛ̀ Yiliizee tá kiɛ̃ lɔn, a n woe màn bii lɔ lɛ li.

Matiə 10:41

Bɛ̀ min mɛn nə́ Lawa a boo gii-dali kũ doɛ̃, a Lawa a boo gii diɛ lɛ a lɛa, bɛa dɛnaa á die Lawa a boo gii-dali a saraa yii. Bɛ̀ min mɛn nə́ min pepere kũ doɛ̃ a min peperebaa lɛ a lɛa, bɛa dɛnaa á die min pepere a saraa yii.

Matiə 3:6

Ǹ nə́ goã golee ǹ sii baraan li min tumaa yɔrɔ-a, bɛ̀ ZAÃ tá batɛmu diɛ ǹ ganaa Zurdɛ̃ tà mu li.

Luku 14:23

Goledɛnaa tɔ́n pɛ a dí-nyali lɛ nɛ mà a wo don ziin la ka dù gɔrɔn lɛ-an nɛ, a minin kũ ka pàã nɛ ǹ daa, màn mɛn bɛ́ toɛ, kion lɛ pã.

Luku 24:29

Ǹ ná a nyankɔ mà a golee kunun ǹsɛn nɛ, a giala biikoo kiɛ̃, wasa mɛ á nya. Á lɛ kɔ á golee á wɔ kion kunun ǹ ni.

Nya ǹ dín 11:14

Bɛa Piɛrɛ lɛ á die siin laakalɛɛ n nɛ, siin mɛnɛn bɛ́ re die n din laanka n kion minin kirisibaa nɛ.»

Nya ǹ dín 16:31

Ǹ ná a lɛ si: «Golee Dɛnaa Yezu li, n tá re kirisibiɛ, n laanka n kion minin ni.»

Nya ǹ dín 16:33

A din biikoo lɛ nɛ, tèlò biribiri lɛ gɔ́ɔ̃ nɛ, kòso-lɛduə̃li lɛ nə́ ǹ kũ á woo ǹ ne, á ǹ busu lɛn pii. Bɛ kio gɔrɔ, á lɛ kɔ, ǹ nə́ batɛmu da a ganaa, a laanka a kion minin ni.

Nya ǹ dín 16:34

Bɛ kio, á Pooli laanka Silaasi kũ á woo ǹ ne a piɛ, á màn-bii kɔ ǹ la. Á n nyɛnyɛɛ kun ka a kion minin ni ǹ golee Lawa li a lɛa.

Nya ǹ dín 18:8

Ǹ bɛ́ ǹ nə́ n too kɔ Pooli lon, Kripuusu mɛn bɛ́ lɛsɔkɔn kion lɛ a goledɛnaa lɛa, bɛ laanka a kion minin tumaa golee Dɛnaa li. Korɛnti kiwi min gigiã dɔ Lawa-nyankɔlen baa, ǹ nə́ lɛ kɔ ǹ nə́ *batɛmu si.

Nya ǹ dín 8:12

Sɛnɛ, Filipi na á goã *Lawa a kiibaa ǹ Boo Tii Kɔɔ̃n kɛ pii Yezu *Krita wɔ gɔn la, á nyaa, mà Lawa a kiibaa ǹ dí lɛ na á n giala kɔ kanaa ka a din ni. Ǹ bɛ́ ǹ nə́ golee li, ǹ nə́ lɛ kɔ, lɔn laanka giĩn ni, ǹ nə́ *batɛmu kɛ si.

Nya ǹ dín 8:38

Bɛ kio, giĩ lɛ pɛ mà ǹ wotoro lɛ kurəə. A din dí-nyali gole kɛ lɛ, a laanka Filipi wɔ mu lɛ li, ǹ dinin min paa, yǎa Filipi batɛmu lɛ da a ganaa.

Rɔmu minin 16:23

Gayusu mɛn bɛ́ masɛ laanka Lawa a sɔmɔ minin tumaa a zaàtiingiĩ lɛa, bɛ á fòo diɛ ka nɛ. Kiwi lɛ a wɔrɔ-koali Erasti á fòo diɛ ka nɛ, ka wɔ dɔɔ̃n Kartusu dɔ nɛ.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 5:14

A giala, Krita a minin-narɛɛ la ma nɛ, masɛ mɛn bɛ́ má waa la, máa min goon na á gã min tumaa a lɛa, bɛ n nyɛɛ mà min tumaa na á gã.

Galaasi minin 6:10

A bɛ́ miɛ̃, bɛ̀ wɔ á boe la biikoo woo biikoo li, wɔ toa wɔ sii bǐɛ̃ zɛnaa min tumaa nɛ, sanparɛ min mɛnɛn bɛ́ wɔ dɔɔ̃nɔn lɛa goleemali gɔ́ɔ̃ nɛ.

Efɛɛzi minin 1:1

Masɛ Pooli n Yezu *Krita a dia dí-a wole lɛa, á kɔnpɛ ka Lawa foo sii ni. Kasɛn Efɛɛzi a Lawa a minin mɛnɛn bɛ́ bɔlɔgoondɛnan lɛa, tá kun ka Yezu Krita-n gɔ́ɔ̃ nɛ, ma á fòo diɛ ka nɛ.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Filemɔn 1:17

Filemɔn, bɛ̀ n tá giɛ ma ganaa sonbore, n miã dí-nyali lɛa Yezu Krita nɛ, Onezimu lɛ kũ ka n pɛ mà masɛ Pooli ni.

Ebrəə 13:2

Ka yiri baran bɔ tiin kũ doɛ̃-n wa. Bɛ a zɛnaa barka nɛ, min tɛnɛn nə́ lon a dia dí-a wolen tiibaa kũ, ǹ nə́ ǹ dɔ̃ wa.

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.

Zaã2 1:10

Bɛ̀ min daa ka ganaa, a ná a da ka bɛa daraa ǹ gɔn kɛ-n wa, ka baran n yɔrɔ da la wa, ka baran fòo din da-n wa.

Zaã3 1:5

Maa giaára sonbore, n tá dɔmalɛ we ka bɔlɔgoondɛnaabaa nɛ, n dɔɔ̃n Lawa-nyankɔlen manɛ, haalɛ ǹ mɛnɛn bɛ́ tiin lɛa.

Zaã3 1:8

Wɔsɛn Lawa-nyankɔlen man siĩn kəni, wɔ n dɔ bɛa minin kɛn miãn lɛ, ń giɛ, wɔ dɔn tá n gii we ǹ dí kɛ lɛ nɛ, ǹ nə́ nyɛɛ sonbore a lɛa.

Samayeli1 28:23

Sayulu nə́ n piã á pɛ mà asɛ a die màn bii wa. Sɛnɛ, a dí-nyalin lɛn laanka lɔ lɛ nə́ n laa a ganaa, á tɔ́n nə ǹ bɔlɔ si. Á yoo á n bɔ tán, á giã piì la.