Nya ǹ dín 15:4 - LAWA A BOO SONBORE

⁴ Ǹ bɛ́ ǹ nə́ dɔ Zeruzalɛmu, Lawa a sɔmɔ minin ni, dia dí-a wolen ne, ka nyɛɛnaandɛnan nə́ n da ǹ lɛ sɔnbɔraanɛ. Lawa dí mɛn tumaa nya ǹ gɔn, ǹ nə́ bɛ yii laakalaa ǹ nɛ.

LAWA A BOO SONBORE 2011

⁴ Ǹ bɛ́ ǹ nə́ dɔ Zeruzalɛmu, Lawa a sɔmɔ minin ni, dia dí-a wolen ne, ka nyɛɛnaandɛnan nə́ n da ǹ lɛ sɔnbɔraanɛ. Lawa dí mɛn tumaa nya ǹ gɔn, ǹ nə́ bɛ yii laakalaa ǹ nɛ.

Nya ǹ dín 15:4 ပူးပေါင်းရင်းမြစ်များ

Matiə 10:40

Bɛ̀ min mɛn nə́ ka kũ doɛ̃ bɛa dɛnaa na á masɛ kũ doɛ̃; bɛ̀ min mɛn masɛ kũ doɛ̃ bɛa dɛnaa na á masɛ a dia wole kũ doɛ̃.

Nya ǹ dín 11:30

Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.

Nya ǹ dín 14:27

Ǹ bɛ́ ǹ nə́ dɔ Antiɔsi, ǹ nə́ Lawa a sɔmɔ minin lɛ sɔkɔn. Lawa sii mɛn din tumaa zɛnaa ǹ gɔn, ka bɛ dɔ nɛ, a n dɔ ǹ lɛ lɔn tɔrɔ kɔsɔn nə́ lɛ kɔ ǹ nə́ wɔ golee Lawa li ǹ zii kɛ nɛ, ǹ nə́ bɛ laakalaa.

Nya ǹ dín 15:12

Zaman lɛ tumaa golee ka kiĩni, ǹ nə́ n too kɔ Barnabaasi laanka Pooli lon. Lawa kaãbaa ǹ sii dadaran mɛnɛn zɛnaa ǹ gɔn tɔrɔ kɔsɔn gána nɛ, ǹ nə́ bɛn laakalaa.

Nya ǹ dín 15:2

Á n baa zia lɛa, liere gigiã wɔ Pooli laanka Barnabaasi biin ni ka bɛa minin kɛn lɛn nɛ. Ǹ nə́ tɔ́n pɛ mà Pooli ni ka Barnabaasi ni ka Antiɔsi min kɔsɔn dɔn nɛ, mà ǹ wo Zeruzalɛmu kiwi, dia dí-a wolen laanka nyɛɛnaandɛnan li, bɛa zia kɛ lɛ a boo ganaa.

Nya ǹ dín 15:22

Dia dí-a wolen lɛn laanka nyɛɛnaandɛnan lɛn nə́ kɔnwɔ ma ka Lawa a sɔmɔ minin lɛn nɛ, ǹ nə́ golee li, ǹ nə́ minin bɔ ǹ dinin bii, ǹ nə́ ǹ dia Antiɔsi kiwi, kun ka Pooli ni ka Barnabaasi ni. Bɛa minin lɛn, Zudaasi ni, ǹ nə́ bíi Barsabaasi, ka Silaasi ni, min yii guguru-an manɛ ǹ dɔɔ̃nɔn bii.

Nya ǹ dín 15:3

Lawa a sɔmɔ minin nə́ ǹ zii tɔ-we sii yɔrɔ bɔ. Ǹ bɛ́ kiɛ̃ Fenisii gána nɛ ka Samarii gána nɛ, ǹ nə́ tɔrɔ kɔsɔn golee Lawa li kɛ boo da, á foo kɔɔ̃nbaa da dɔɔ̃nɔn tumaa ganaa parsiini.

Nya ǹ dín 15:6

Dia dí-a wolen laanka nyɛɛnaandɛnan nə́ n lɛ sɔkɔn, ǹ nə́ bɛa boo kɛ lɛ sɔsɔ̃ ǹ nə́ ga a ganaa.

Nya ǹ dín 16:4

Ǹ bɛ́ kiɛ̃ kiwin mɛnɛn nɛ, Zeruzalɛmu a dia dí-a wolen laanka a nyɛɛnaandɛnan nə́ boon mɛnɛn pɛ, Pooli laanka Silaasi na á goã bɛn pii bɛa kiwin lɛn minin manɛ, bɛ̀ ǹ tá ǹ nyankoe mà ǹ tɔ wɔ a kɔnpɛ ka bɛn lɛn nɛ.

Nya ǹ dín 18:27

Apolɔɔsi bɛ́ mà a n woe Grɛki gána nɛ, dɔɔ̃nɔn lɛn ná a sii lɛ yɛ siĩni, ǹ nə́ sɛ́wɔ dia Lawa-nyankɔlen la walan, mà bɛ̀ á dɔ ǹ li mà ǹ kũ doɛ̃. A bɛ́ á dɔ, á dɔmalɛ gigiã wɔ Lawa-nyankɔlen lɛn manɛ walan, ka bǐɛ̃baa ǹ màn kɛ nɛ, Lawa kɔ la.

Nya ǹ dín 21:17

Wɔ bɛ́ wɔ́ dɔ Zeruzalɛmu, dɔɔ̃nɔn nə́ n da wɔ lɛ ka nyɛnyɛɛ nɛ.

Nya ǹ dín 21:19

A bɛ́ á fòo da ǹ nɛ á nya, Lawa dí mɛn tumaa nya a gɔn tɔrɔ kɔsɔn bii, Pooli bɛ laakalaa ǹ nɛ ka tɛrɛɛ nɛ.

Rɔmu minin 15:18

Masɛ a re n foo taɛ̃ ma màn kɔ́n boo da wa, bɛ̀ á n bɔ Krita din nə ǹ mɛnɛn zɛnaa ma gɔn, á tɔrɔ kɔsɔn bíi, á ǹ kaa Lawa bɔlɔ-sii ganaa. A na á bɛa di lɛ nya maa boo laanka maa sii-zɛnaan barka nɛ,

Rɔmu minin 15:7

Ka lɛ kɔ kɔn ganaa, ka Krita din bɛ́ á lɛ kɔ ka ganaa lɔn ke, á Lawa tɔ bɔ.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti2 5:19

A giala, Lawa n min tumaa kiɛ kun ka a din ni Krita pàã ganaa. A ba giɛ minbuiinin sã ǹ siin kɛn ganaa wa. A din na á minin kaa kun ka a din ni ǹ boo kɛ kɔ wɔsɛn la, mà wɔ pɛ.

Korɛnti2 6:1

Ma bɛ́ dí nyɛɛ kun ka Lawa din ni, a bǐɛ̃ mɛn baa wɔ la, man ka nyankoe máa ka nyan toa, bɛ goã kooro wa.

Kolɔɔsi minin 4:10

Aristarki mɛn bɛ́ kòso-n kun ma-n kànaa, bɛ á fòo diɛ ka nɛ. Barnabaasi n dɔɔ̃ngiĩ a nɛ Marki dɔ á fòo diɛ ka nɛ. Ka boon ma a wɔ gɔn la, bɛ̀ á daa ka li, ka kũ doɛ̃.

Zaã2 1:10

Bɛ̀ min daa ka ganaa, a ná a da ka bɛa daraa ǹ gɔn kɛ-n wa, ka baran n yɔrɔ da la wa, ka baran fòo din da-n wa.