Nya ǹ dín 15:36 - LAWA A BOO SONBORE

³⁶ Biikoo kɔ́n bɛ́ á kiɛ̃, Pooli pɛ Barnabaasi ni: «Wɔsɛn nə Dɛnaa a boo tii kɔɔ̃n lɛ pɛ kiwin mɛnɛn nɛ, daa, wɔ wusoo wɔ wo walan, wɔ n yii kɔ bɛa dɔɔ̃nɔn lɛn li, wɔ ǹ tɔ wɔ ǹ gɔn dɔ̃.»

LAWA A BOO SONBORE 2011

³⁶ Biikoo kɔ́n bɛ́ á kiɛ̃, Pooli pɛ Barnabaasi ni: «Wɔsɛn nə Dɛnaa a boo tii kɔɔ̃n lɛ pɛ kiwin mɛnɛn nɛ, daa, wɔ wusoo wɔ wo walan, wɔ n yii kɔ bɛa dɔɔ̃nɔn lɛn li, wɔ ǹ tɔ wɔ ǹ gɔn dɔ̃.»

Nya ǹ dín 15:36 ပူးပေါင်းရင်းမြစ်များ

Bɔ bɛ̀rɛbaa nɛ 4:18

Muizu wusoo, á woo ǹ daãgiĩ Zetro li, á pɛ-n kɛnɛn: «Ma á siĩni ma wusoo, ma wo ma din tɔrɔ minin kɛn li Ezipti gána nɛ, ma ga bɛ̀ ǹ yii á tɔn koo.»

Zeremii 23:2

Bɛ lɛ nɛ, Dɛnaa Lawa, Izirayeli a Lawa n boo kɛ diɛ ǹ paǹ li: – Ka maa tɔɔn toa ǹ nə́ woo paǹ yii li, ka maa sèren loo, ka ga ǹ walan wa. Á bǐɛ̃ kɔ! Ka sii baraa mɛn tumaa zɛnaa, ma á re yui ka gialaa bɛn taman yii. Masɛ Dɛnaa Lawa a da ǹ boo ne.

Matiə 25:36

Ma gɔ̀nɔn kooro bɛ́ á goã, ka mɔnaa wɔ ma ganaa. Ma bɛ́ ma goã lon wa, ka ga ma walan. Ma bɛ́ má goã kòso-n, ka daa n yii kɔ ma ganaa.»

Matiə 25:43

Má goã tii lɛa, ka ma bíi kaa piɛ wa. Ma gɔ̀nɔn kooro bɛ́ á goã, ka mɔnaa wɔ ma-a wa. Ma bɛ́ ma goã lon wa, ka bɛ dɔ nɛ, ma bɛ́ má goã kòso-n, ka da ǹ yii kɔ ma-a wa.»

Nya ǹ dín 13:12

Kii Sɛrzusu lɛ bɛ́ á bɛa sii kɛ lɛ yɛ á n zɛnaa, á golee Lawa li, a giala boo mɛn nə n da Dɛnaa Yezu wɔ gɔn la, bɛ ná a foo kũ parsiini.

Nya ǹ dín 13:4

Barnabaasi laanka Sooli bɛ́ Yiri Fu a dia dí-a wolen lɛa, ǹ nə́ woo Selusii kiwi, ǹ nə́ tà kuru ǹ goo saa walan ǹ nə́ n yɔrɔ dia Siipri gána la.

Nya ǹ dín 13:51

Pooli laanka Barnabaasi nə́ ǹ tán a tii gusuũ duduə ǹ nə́ bɔ ǹ gòãn-a, ǹ nə́ soo ǹ nə́ woo Ikoniɔmu.

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 14:21

Ǹ bɛ́ ǹ nə́ Boo Tii Kɔɔ̃n pɛ bɛa kiwi lɛ nɛ, min gigiã golee Lawa li. Bɛ kio, Pooli laanka Barnabaasi wusoo ǹ nə́ woo bɔ Listrə ka Ikoniɔmu ni ka Antiɔsi ni.

Nya ǹ dín 14:6

Sɛnɛ, Pooli laanka Barnabaasi bɛ́ ǹ nə́ bɛa sii kɛ lɛ dɔ̃, ǹ nə́ soo ǹ nə́ baa si ǹ nə́ woo Likawonii gána nɛ, ǹ nə́ wɔ Listrə laanka Dɛrbə kiwi, ka ǹ lɛkoro lɛ-a kiwin ni.

Nya ǹ dín 7:23

Muizu bɛ́ á dɔ lɛ̀ pusi, á wɔ a yiri ni á soo á woo bɔ ǹ dɔɔ̃n Izirayeli minin li.

Rɔmu minin 1:11

Sonbore, masɛ n giɛ li taãn-taãn ma ka yɛ, màn mɛn bɛ́ toɛ, Lawa a Yiri Fu bǐɛ̃baa ǹ mànan mɛnɛn kɔ ma la, ma da bɛn kɔ ka la, ka boo la ka wo nyɛɛnɛ.

Korɛnti2 11:28

Ma ba a gialakun kɛ nimii wa, Lawa a sɔmɔn gɔ́ɔ̃ bii ǹ siin man guĩ lɛa ma mìi-n baraa nɛ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Tesaloniki1 3:6

Sɛnɛ sisia, Timote bɔ ka li á daa, á boo kɔɔ̃n pɛ wɔ nɛ, kaa golee Lawa li laanka kaa kɔn-narɛɛ wɔ paǹ li. Á pɛ mà ka tá n taasɛ wɔ nɛ ka nyɛnyɛɛ nɛ, mà ka tá li ka wɔ yɛ doo, ka wɔ dɔn bɛ́ giɛ li wɔ wusoo wɔ ka dɔn yɛ lɔn.

Timote2 1:4

N wuu mɛn pɛ lɛlɛ, bɛ̀ ma yiri daa bɛ nɛ, a n ma gɔ́ɔ̃-n parsiini, máa ma wusoo ma n yɛ, màn mɛn bɛ́ toɛ, ma kã ka nyɛnyɛɛ nɛ.