Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nya ǹ dín 15:29 - LAWA A BOO SONBORE

29 Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

အခန်းကိုကြည့်ပါ။ ကော်ပီ

LAWA A BOO SONBORE 2011

29 Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. Wɔsɛn boo yii n ka bɛ nɛ.»

အခန်းကိုကြည့်ပါ။ ကော်ပီ




Nya ǹ dín 15:29
20 ပူးပေါင်းရင်းမြစ်များ  

Sɛnɛ, ka baran siĩ sɔ̃, ka a mà ná a-n wa. A giala, yiikoonaabaa lɛ n mà nɛ.


A giala, bɛ̀ màn yii á koo ǹ mɛn waáraa, a yiikoonaabaa lɛ n ka a mà nɛ. Bɛ lɛ n ke má pɛ Izirayeli minin lɛn manɛ, máa ǹ nyan toa ǹ màn kɔn a mà wɔ ǹ lɛ-n wa. A giala, màn din tumaa a yiikoonaabaa, a mà nɛ. Bɛ̀ min mɛn wɔ a lɛ-n, ǹ doamaa nɛ ǹ bɛa dɛnaa loo.


Min goon kɔsɔ dɔ́ pɛ Yezu-n doo: «Dɛnaa ganaa, masɛ n die koe n lɛ, sɛnɛ, a toa masɛ wo sawaa kɔn-a ǹ fòo da maa kion minin man bɔrɔ.»


Ka daa wɔ sɛ́wɔ kiɛ̃ kooro wɔ pɛ ǹ nɛ, mà ǹ nə n na ǹ nə n bɔ dì wúlu-bɔ ǹ siĩn ganaa, ka naarɛbaa nɛ, ka tɔɔ bɔlɔ-yui wole siĩn ni, ka màn mà nɛ.


Sɛnɛ, a bɛ́ re woe á pɛ ǹ nɛ: «Bɛ̀ Lawa ná a lɛ kɔ, ma á re wusii ma da ka li biikoo kɔsɔ li.» Á wɔ tà kuru ǹ goo ne Efɛɛzi,


Tɔrɔ kɔsɔn mɛnɛn nə Lawa-nyankɔle baa, wɔsɛn nə́ wɔa taasiɛn kiɛ̃ wɔ́ ǹ dia bɛn la: ǹ baran min kooron dì wúlu-bɔ ǹ siĩn sɔ̃ wa, ka màn mà nɛ, ka tɔɔ bɔlɔ-yui wole siĩ-n wa, ǹ naarɛbaa toa walan lenlen.»


Bɛ kio má ma, mà minin man nə́ n lɛ kaa kun, ǹ nə́ giɛ li ǹ dɛ a gã, bɛ lɛ-n má giĩ lɛ dia n la. Má pɛ a zɛ̀rɛ-baalin lɛn nɛ, máa ǹ wo a zɛ̀rɛ baa n din yɔrɔ-a.»


Ma bɛ́ má goã kaa piɛ, bɛ̀ ma laadoo tá wɔrɔ ganaa, ma mɛnaa kaa min kɔ́n la wa. A giala, wɔ dɔɔ̃nɔn mɛnɛn nə bɔ Masedoanɛ, ǹ nə́ daa ma laadoo màn tumaa kɔ ma la. Man din kũ sii din tumaa gɔ́ɔ̃ nɛ, máa ma nyan goã guĩ lɛa ka mìi-n wa. Man tɔn die n din kuĩ miɛ̃.


Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.


Sɛnɛ, ka nyan màn mà sɔ̃ wa. Ka die ka bɛ kaa tán ka mu bɛ́ lɔn.


N baran saa lɛlɛ, n nə n gɔn da min kɔ́n la fufuu, n Lawa a sɔmɔ dí kɔ la wa. N baran n sii wɔ min kɔsɔ a sii baraa-n wa. N din tamaa *yoreen ne.


Zii mɛn bɛ́ siĩni, á n pepere dɔn Díi Lawa yɔrɔ-a, bɛ n ka kɛ nɛ: N nə n dɔ nɛ-toenən laanka lɔ giɔɔrɔn lɛ ǹ nɔmaa gɔ́ɔ̃ nɛ, n nə n parabaa ka kanaa siin ni, màn mɛn bɛ́ toɛ, n baran gɔ̀ lɔ n din ganaa wa.


Maa nɛnyaanan lɛn, ka n dinin kũ dì mànan ganaa.


Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.


«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.


«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ