Nya ǹ dín 15:20 - LAWA A BOO SONBORE

²⁰ Ka daa wɔ sɛ́wɔ kiɛ̃ kooro wɔ pɛ ǹ nɛ, mà ǹ nə n na ǹ nə n bɔ dì wúlu-bɔ ǹ siĩn ganaa, ka naarɛbaa nɛ, ka tɔɔ bɔlɔ-yui wole siĩn ni, ka màn mà nɛ.

LAWA A BOO SONBORE 2011

²⁰ Ka daa wɔ sɛ́wɔ kiɛ̃ kooro wɔ pɛ ǹ nɛ, mà ǹ nə n na ǹ nə n bɔ dì wúlu-bɔ ǹ siĩn ganaa, ka naarɛbaa nɛ, ka tɔɔ bɔlɔ-yui wole siĩn ni, ka màn mà nɛ.

Nya ǹ dín 15:20 ပူးပေါင်းရင်းမြစ်များ

Siin Giala 35:2

Zakɔba tɔ́n pɛ a kion minin manɛ, min mɛnɛn bɛ́ kun ni ka bɛn dɔn nɛ: «Tɔrɔ kɔsɔn bɛ́ mànan mɛnɛn guguru koe lawan lɛa, ka bɛn waa, ka ǹ bɔ ka bii. Ka ka dinin *yoreen kɔ, ka mɔnaa kɔsɔn wɔ.

Siin Giala 9:4

Sɛnɛ, ka baran siĩ sɔ̃, ka a mà ná a-n wa. A giala, yiikoonaabaa lɛ n mà nɛ.

Bɔ bɛ̀rɛbaa nɛ 20:23

Kaa boe la, ka masɛ baa ka lawan kɛn bɛ́ lɔn, ǹ nə́ ǹ zɛnaa ka wɔrɔgiala laanka sana-n wa. Kaa boe la, ka bɛn miãn zɛnaa masɛ genli wa.

Ezekieli 33:25

Bɛ lɛ taman yii, a pɛ ǹ nɛ, mà masɛ Dɛnaa Lawa n kɛ pii: «Ka n siĩ laanka a mà soɛ̃ kun, ká n dìn guguru koe, ká n gɛ̀n didii. Gána lɛ á boe la a kaa wɔ baa, a da yaa, ká n bɛa siin kɛn lɛn dɔn zɛnɛɛ?

Ezekieli 4:14

Má tɔ́n a lɛ si má pɛ: «E! Dɛnaa Lawa, ma tɔn *gɔ̀ da ma din-a duduu wa. A saa maa nɛnyaanbaa waáraa ganaa a da kaa pelo lɛ, bɛ̀ màn mɛn gã a din li hinlaa don mànan man nə́ dɛ, máa ma bin bɛa siĩ sɔ̃ duduu wa, ma bin siĩ gɔgɔrɛ kɔn wɔ ma lɛ-n wa.»

Lawa a wúlu-bɔlen 18:6

Min kɔn baran n mɔrɔ ǹ dɔɔ̃n lɔ ganaa, a giã kun ni wa. Ma din nə Dɛnaa Lawa lɛa.

Lawa a wúlu-bɔlen 19:26

Ka baran tɔɔ kɔn a siĩ sɔ̃ ka a mà ná a-n wa. Ka baran wɔ-kũlibaa ǹ sii laanka boobaa ǹ sii zɛnaa wa.

Lawa a wúlu-bɔlen 3:17

Tɔɔ nyɔɔ tumaa laanka a mà tumaa, ǹ nyan toa ǹ bɛ kɔn wɔ ǹ lɛ-n wa. Bɛ n landa lɛa. Ta maǹ giã-n bǎã mɛn nɛ, ǹ doamaa nɛ ǹ bɛ tamaa biikoo tumaa li.

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Nya ǹ dín 15:29

Dì wúlu-bɔ ǹ siĩn kɛn, ka n na ka n bɔ bɛn ganaa, ka màn mà nɛ, ka tɔɔ bɔlɔ-yui wolen siĩn ni, ka naarɛbaa nɛ. Bɛ̀ ka á bɛa siin kɛn toɛ walan sɔnbɔraanɛ, á die bǐɛ̃ koe taãn-taãnɛ. «Wɔsɛn boo yii n ka bɛ nɛ.»

Nya ǹ dín 21:25

Tɔrɔ kɔsɔn mɛnɛn nə Lawa-nyankɔle baa, wɔsɛn nə́ wɔa taasiɛn kiɛ̃ wɔ́ ǹ dia bɛn la: ǹ baran min kooron dì wúlu-bɔ ǹ siĩn sɔ̃ wa, ka màn mà nɛ, ka tɔɔ bɔlɔ-yui wole siĩ-n wa, ǹ naarɛbaa toa walan lenlen.»

Korɛnti1 5:11

Man máa min mɛn tumaa bɛ́ ka Lawa nyankɔ ǹ tɔ ná a ganaa, a n din kũ doɛ̃baã wole lɛa, a n yii bɔ miã gɔn màn li wole lɛa, a n dì wúlu-bɔle lɛa, a n minin tɔ-ziziɛ̃li lɛa, a n yɔ-mili baraa lɛa, á n wurumu lɛa, ka nyan kaa sii kɔ́n kaa kun ka bɛn nɛ wa. Ka a kɔnboe, ka màn din bii kun ka bɛ miã min kɛ-n wa.

Korɛnti1 6:13

Ka á pii doo: «Màn-bii n nɔ̀ wɔ lɛa, nɔ̀ dɔ n màn-bii wɔ lɛa.» Hiĩ, Lawa á re ǹ dinin paanan ziziɛ̃. Sɛnɛ, minbuiin gɔ̀nɔn bie á n zɛnaa din kũ doɛ̃baã siin lɛa wa. Gɔ̀nɔn nə Dɛnaa wɔ lɛa, Dɛnaa dɔ n gɔ̀nɔn wɔ lɛa.

Korɛnti1 6:18

Ka baa si din kũ doɛ̃baã nyɛɛnɛ! A giala, mà min bɛ́ sii baraa gialakun mɛn kɔsɔ zɛnɛɛ, mà bɛ n kanaa, a we a gɔ̀nɔn nɛ wa. Sɛnɛ, min mɛn bɛ́ n din koe din kũ doɛ̃baã sii la, bɛ n sii baraa zɛnɛɛ a din gɔ̀nɔn kɛ nɛ.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Korɛnti1 7:2

Bɛ gɔ́ɔ̃ nɛ, man pii máa a n soɛ giĩ gogoonmaa a lɔ goã, lɔ gogoonmaa dɔ zuũ goã, ń giɛ din kũ doɛ̃baã siin baran yɛ wa.

Korɛnti1 8:1

Bɛ̀ á daa dì wúlu bɔ ǹ siĩ boo wɔ paǹ li, sonbore ne, «wɔ tumaa á màn doɛ̃,» ka ka tɛnɛn bɛ́ pii lɔn. Màn-doɛ̃ kɛ lɛ n minbuiin piɛ̃ gole koe, sɛnɛ, kɔn-narɛɛ n wɔa goleemali gole koe.

Korɛnti2 12:21

Ma bɛ́ re die boe ka li, nyɛ́ɛ tá ma ganaa, máa Lawa nyan ma kiɛɛrɛ kɔ ka yɔrɔ-a, ma wuu pɛ kaa min damata a sii ganaa wa. Ǹsɛn mɛnɛn nə sii baraa zɛnaa lɛlɛ, ma ba li ma wusoo ma da ǹ yaa miɛ̃ wa. Man zoɛ̃ máa ǹ nə n gɔ́ɔ̃ binyəə, ǹ nə́ n bɔ ǹ gɔgɔrɛbaa nɛ, ka ǹ din kũ doɛ̃baã nɛ, ka ǹ kɔrɔbaa ǹ sii kɔsɔn nɛ.

Galaasi minin 5:19

Gɔ̀nɔn foo siin bɛ́ n zɛnɛɛ lɔn ǹ tá n doɛ̃: kɔrɔbaa nɛ, *gɔ̀ sii zɛnaa nɛ, din kũ doɛ̃baã nɛ,

Efɛɛzi minin 5:3

Ka bɛ́ Lawa a zaman minin lɛa, a kɔnboe ka yɔrɔ kɔ́n nɛ, kɔrɔbaa nɛ, gɔgɔrɛbaa nɛ, ka yii mu mi ni, bɛ kɔ́n boo ma ka bii dinin wa.

Timəə dí-pɛn 12:16

Sɛnɛ, ka nyan màn mà sɔ̃ wa. Ka die ka bɛ kaa tán ka mu bɛ́ lɔn.

Timəə dí-pɛn 14:21

Ka nyan toa ka màn gere kɔn sɔ̃ wa. Gùlin mɛnɛn bɛ́ kaa kiwin ni, ka kɔ bɛn la, bɛn tá boe la ǹ sɔ̃. Bɛ̀ a miɛ̃ wa, ka sã tii la. A giala, kasɛn man ka gɔrɔn, kaa Lawa, Dɛnaa Lawa a zaman lɛa. Ka baran bòe nɛ siĩ kɔrɛ n dan nyɔ mu li wa.

Timəə dí-pɛn 15:23

Sɛnɛ, ka nyan tɔɔ mà sɔ̃ wa. Ka kaa tán, ka ǹ bɛ́ mu kiɛ tán lɔn.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Tesaloniki1 4:3

Lawa bɛ́ giɛ màn mɛn li bɛ ǹ ka kɛ nɛ, ka kɔrɔbaa lɛ da, ka goã *yoreen ne.

Ebrəə 12:16

Ka n yiri kɔ, min kɔ́n baran naarɛbaali baa wa, hinlaa sàn kɔ Lawa-n wole, ka Ezawu bɛ́ lɔn wa. Asɛ mɛn bɛ́ a ná a kiãbaa sã bǎã goon màn-bii ganaa.

Ebrəə 13:4

Min tumaa zín wɔ kɔn-wɔ nɛ. Giĩ laanka lɔ goã bɔlɔgoondɛnan lɛa. A giala, mà Lawa á re kiri kuri naarɛbaalin laanka min kɔrɔn la.

Piɛrɛ1 4:3

Sonbore, ka biikoo gigiã saa lɛlɛ, ka kaa sii din tumaa zɛnaa, á kɔnpɛ ka min kooron sii-zɛnaan nɛ. Ka ǹ ká goã naarɛ biɛ, ka goã dùũ sii babaraan zɛnɛɛ, ka ǹ ká goã yɔ-mili baraan lɛa: Ka ǹ ká goã n lɛ soekɔn ka n mii baraabaraa, ka n mii bɛ̀ ka n zɔɔ̃ kɔn. Ka dì wúlu-bɔ bɔnɛɛn dɔn zɛnaa.

Sii-nyaan 10:2

Á sɛ́wɔ boɛɛn lɛ buĩmaa kũ ká a gɔn nɛ. Á n gusin a gòã da yìsi mu gole la, á n gɔsɛ a gòã da tán la.

Sii-nyaan 10:8

Ma goã má lɛn mɛn ma lon, bɛ́ wusoo á pɛ ma-n doo: «Lon a dia dí-a wole mɛn bɛ́ golee-n lon yìsi mu gole la ka tán nɛ, ka sɛ́wɔ boɛɛn lɛ buĩmaa nɛ a gɔn, wo sɛ́wɔ lɛ si la.»

Sii-nyaan 2:14

«Ka bɛ tumaa nɛ, ma lɛ tá n li ka sii tɛn nɛ: Minin tá n li, ǹ gɔn nə́ tɔn paraa-n Balaamu a lɛlɛ a minin daraa ǹ yiri baraa kɛ ganaa. Balaamu na á goã kii Balaaki darɛɛ, mà a Izirayeli minin bebere, a ǹ kaa dì wúlu bɔ ǹ siĩ sɔ̃ ganaa, ǹ nə n dinin kɔ kɔrɔbaa la.

Sii-nyaan 2:20

«Sɛnɛ, ma lɛ bɛ́ n li ka sii mɛn nɛ, bɛ á ke: Lɔ kɔrɔ Zezabɛli a sii á kúu biɛ n nɛ, asɛ lɔ mɛn bɛ́ n din biɛ Lawa a boo gii-dali lɛa. A din nə maa dí-nyalin siɛ̃, mà ǹ nə n dinin kɔ kɔrɔbaa la, ǹ dì wúlu bɔ ǹ siĩn dɔn sɔ̃.

Sii-nyaan 9:20

Sɛnɛ, minbuiin gialakun mɛn goã, ǹ nə́ ǹ gã koen kɛn lɛn gɔ́ɔ̃-n wa, bɛa minin kɛn lɛn nə wusoo ǹ nya ǹ dín kio wa. Ǹ nɔ̀ɔnɔn guguru koe laanka dì wúlu boe lɛ da wa. Ǹ dinin man nə́ bɛa dìn lɛn zɛnaa ka sana nɛ, ka wɔrɔ nɛ, ka zan nɛ, ka kɔlɔ nɛ, ka gɔn nɛ. Ǹ yii a wɔlɔ yii wa, ǹ too a boo miɛ wa, ǹ ba tɔ we doɛ̃ wa.

Samayeli1 14:32

ǹ mànan mɛnɛn si ǹ zɔ́ɔn la, ǹ nə́ yiɛ, ǹ nə́ kaa bɛn la. Ǹ nə́ tɔɔ bisinin kũ, ka dii dadaran laanka a tenən ne, ǹ nə́ ǹ naa tán, ǹ nə́ ǹ bɔlɔ kuru. Ǹ nə́ siĩ lɛ sɔ̃ kɔnlɛ ka a mà nɛ.

Samayeli1 14:33

Ǹ nə́ bɛa boo lɛ pɛ Sayulu ni: «Á ke, zaman lɛ tá a gialaa sii liɛ Dɛnaa Lawa la, a giala, maǹ siĩ soɛ̃ kɔnlɛ ka a mà nɛ.» Sayulu pɛ: «Ka a bɔlɔ goon pii wa! Ka kɔlɔ gole birikəə̃, ka da nɛ masɛ li sisia.»