Nya ǹ dín 14:23 - LAWA A BOO SONBORE

²³ Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

LAWA A BOO SONBORE 2011

²³ Lawa a sɔmɔ gogoonmaa nɛ, ǹ nə́ nyɛɛnaandɛnan bɔ ǹ nə́ ǹ koa minin mìi la, ǹ nə́ Lawa nyankɔ bɛ̀ ǹ nə́ n lɛ soɛ. Ǹ nə́ ǹ sii wɔ Dɛnaa din gɔn, ǹ bɛ́ ǹ nə́ golee Dɛnaa mɛn li.

Nya ǹ dín 14:23 ပူးပေါင်းရင်းမြစ်များ

Matiə 17:21

Sɛnɛ bɛ̀ á n bɔ Lawa nyankɔ laanka lɛ-sɔɔ nɛ, min ba boe la a nɔ̀ɔnɔn kɛn tɔrɔ loo ǹ woo wa.]»

Marki 3:14

Maǹ min fulupaa, á ǹ koa dia dí-a wolen lɛa. A na á ǹ bɔ, mà ǹ goã kun ka asɛ nɛ, bɛ̀ asɛ nə ǹ dia ǹ wo Lawa a boo pɛ.

Luku 2:37

Bɛ kio, á goã lɔ giɔɔrɔbaa nɛ, yǎa á zizi kɔ á woo dɔ lɛ̀ pɔkiwisiwensii. A goã soe doo á n boe Lawa a kion wa, a na á goã Lawa guguru koe tèlò laanka penleen ne, bɛ̀ a nə́ n lɛ soɛ á n Lawa nyankoe.

Luku 23:46

Yezu nə́ n lɛ dɛ gole á pɛ: «Díi, masɛ n ma din nyin we n gɔn.» A bɛ́ á bɛ da á nya, a piɛ̃ nya.

Nya ǹ dín 1:24

Ǹ nə́ tɔ́n Lawa nyankɔ: «Dɛnaa, nsɛ mɛn bɛ́ min tumaa foo doɛ̃, n din bɛ́ ń min mɛn bɔ min paa kɛ bii, bɛ nyaa wɔsɛn manɛ,

Nya ǹ dín 11:30

Ǹ nə́ bɛ lɛ zɛnaa, ǹ nə́ kɔ Barnabaasi laanka Sooli la, mà ǹ wo wɔ Lawa a sɔmɔ minin lɛn nyɛɛnaandɛnan gɔn Zeruzalɛmu kiwi.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 15:4

Ǹ bɛ́ ǹ nə́ dɔ Zeruzalɛmu, Lawa a sɔmɔ minin ni, dia dí-a wolen ne, ka nyɛɛnaandɛnan nə́ n da ǹ lɛ sɔnbɔraanɛ. Lawa dí mɛn tumaa nya ǹ gɔn, ǹ nə́ bɛ yii laakalaa ǹ nɛ.

Nya ǹ dín 15:6

Dia dí-a wolen laanka nyɛɛnaandɛnan nə́ n lɛ sɔkɔn, ǹ nə́ bɛa boo kɛ lɛ sɔsɔ̃ ǹ nə́ ga a ganaa.

Nya ǹ dín 20:17

Pooli bɛ́ Milɛti kiwi, á lɛ dia Efɛɛzi a Lawa a sɔmɔ nyɛɛnaandɛnan la.

Nya ǹ dín 20:32

Sisia kəni, masɛ n ka toɛ Lawa laanka a din a bǐɛ̃baa ǹ boo kɔɔ̃n kɛ gɔn. Pàã tá Lawa lon a ka gù we yii, pàã tá a lon dɔn, a din bɛ́ màn sonboren mɛnɛn koɛ a wɔn manɛ, a bɛn kɔ ka la.

Korɛnti2 8:19

Ka bɛ din ni doo, Lawa a sɔmɔn man nə́ bɔ, mà a maa zii tɔ wɔ kun wole baa, bǐɛ̃baa ǹ dí kɛ lɛ a nyɛɛ gɔ́ɔ̃ nɛ. Wɔ ǹ bɛa dí lɛ nyɛɛ Dɛnaa dinmaa a tɔ golebaa a lɛa, taasiɛ sonbore mɛn dɔ bɛ́ wɔ gɔ́ɔ̃ nɛ, wɔ bɛ dɔ nyaa nɛ.

Timote1 5:1

N nyan kakaarɛ kɔ min golen ganaa wa, sɛnɛ, boo da ǹ nɛ ka n bɛ́ boo diɛ n díi-n lɔn. Tɔntɔraan kũ n din dɔɔ̃nɔn lɛa.

Timote1 5:22

N baran saa lɛlɛ, n nə n gɔn da min kɔ́n la fufuu, n Lawa a sɔmɔ dí kɔ la wa. N baran n sii wɔ min kɔsɔ a sii baraa-n wa. N din tamaa *yoreen ne.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 2:2

N màn mɛn ma ma lɛ-n siére gigiã yii ni, min mɛnɛn bɛ́ bɔlɔgoondɛnan lɛa, ǹ dɔn nə́ boe la, ǹ min kɔsɔn daraa a ganaa, a yɔrɔ nyaa bɛn manɛ.

Tiitii 1:5

Man má n toa Krɛti gána nɛ, ń giɛ, dí gialakun mɛn goã, n bɛ yɔrɔ bɔ sɔnbɔraanɛ. Ń giɛ, n ga Lawa a sɔmɔ walan wolen dɔn bɔ, n nə ǹ koa kiwi gogoonmaa nɛ. Ma yiri mɛn kɔ n la, n die n nə n yiri koa bɛ li.

Zaaki 5:14

Bɛ̀ kaa min mɛn ba lon wa, ǹ dɛnaa Lawa a sɔmɔ nyɛɛnaandɛnan bíi, bɛn nə nyɔɔ lɔ a ganaa ka Dɛnaa tɔ nɛ, ǹ Lawa nyankɔ a lɛa.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Zaã2 1:1

Masɛ *min gole lɛ n sɛ́wɔ kɛ diɛ "lɔ kɛ la Lawa bɔ á koa ka a nɛnyaanan nɛ". Man ka narɛ taãn-taãnɛ. Masɛ dinsɔɔ̃ bie ka narɛ wa, min mɛnɛn tumaa bɛ́ sonbore doɛ̃, bɛn dɔn man ka narɛ miɛ̃.

Zaã3 1:1

Masɛ *min gole kɛ n sɛ́wɔ kɛ diɛ maa giaára Gayusu la, má n narɛ taãn-taãnɛ.