Nya ǹ dín 14:21 - LAWA A BOO SONBORE

²¹ Ǹ bɛ́ ǹ nə́ Boo Tii Kɔɔ̃n pɛ bɛa kiwi lɛ nɛ, min gigiã golee Lawa li. Bɛ kio, Pooli laanka Barnabaasi wusoo ǹ nə́ woo bɔ Listrə ka Ikoniɔmu ni ka Antiɔsi ni.

LAWA A BOO SONBORE 2011

²¹ Ǹ bɛ́ ǹ nə́ Boo Tii Kɔɔ̃n pɛ bɛa kiwi lɛ nɛ, min gigiã golee Lawa li. Bɛ kio, Pooli laanka Barnabaasi wusoo ǹ nə́ woo bɔ Listrə ka Ikoniɔmu ni ka Antiɔsi ni.

Nya ǹ dín 14:21 ပူးပေါင်းရင်းမြစ်များ

Matiə 28:19

Bɛ lɛ taman yii, ka woo, ka tɔrɔ tumaa baa maa kialandɛnan lɛa, ka *batɛmu da ǹ ganaa, ka Díi Lawa laanka a Nɛgiĩ ka Yiri Fu tɔ nɛ.

Nya ǹ dín 13:14

Pooli laanka ǹ miãn lɛn sɛn bɛ́ ǹ nə́ soo Pɛrɛgi kiwi, ǹ nə́ ǹ zii tɔ wɔ, ǹ nə́ woo dɔ Antiɔsi kiwi Pisidii gána nɛ. *Susu ǹ pii pinaa, ǹ nə́ wɔ lɛsɔkɔn kion ǹ nə́ giã tán.

Nya ǹ dín 13:51

Pooli laanka Barnabaasi nə́ ǹ tán a tii gusuũ duduə ǹ nə́ bɔ ǹ gòãn-a, ǹ nə́ soo ǹ nə́ woo Ikoniɔmu.

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 14:19

Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 14:6

Sɛnɛ, Pooli laanka Barnabaasi bɛ́ ǹ nə́ bɛa sii kɛ lɛ dɔ̃, ǹ nə́ soo ǹ nə́ baa si ǹ nə́ woo Likawonii gána nɛ, ǹ nə́ wɔ Listrə laanka Dɛrbə kiwi, ka ǹ lɛkoro lɛ-a kiwin ni.

Nya ǹ dín 14:7

Ǹ nə́ boo tii kɔɔ̃n lɛ pɛ walan dɔn nɛ.

Nya ǹ dín 14:8

Giĩ goon na á goã Listrə kiwi lɛ nɛ, a ba boe la á golee a gòãn la wa. A bin tɔ wɔ wa, a giala, a na á yɛ bɔlɔka lɛa.

Nya ǹ dín 15:36

Biikoo kɔ́n bɛ́ á kiɛ̃, Pooli pɛ Barnabaasi ni: «Wɔsɛn nə Dɛnaa a boo tii kɔɔ̃n lɛ pɛ kiwin mɛnɛn nɛ, daa, wɔ wusoo wɔ wo walan, wɔ n yii kɔ bɛa dɔɔ̃nɔn lɛn li, wɔ ǹ tɔ wɔ ǹ gɔn dɔ̃.»

Nya ǹ dín 16:2

A tɔ sonbore goã boe ǹ dɔɔ̃nɔn bii Listrə laanka Ikoniɔmu kiwi.

Nya ǹ dín 2:47

Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.