Nya ǹ dín 14:19 - LAWA A BOO SONBORE

¹⁹ Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

LAWA A BOO SONBORE 2011

¹⁹ Sɛnɛ, Zuifun kɔnɔn nə́ bɔ Antiɔsi kiwi Pisidii gána nɛ ka Ikoniɔmu kiwi ni, ǹ nə́ zaman lɛ baã, ǹ nə́ kaa kunun ǹ dinin ni. Ǹ nə́ Pooli dɛ ka kɔlɔ nɛ mà a gã, bɛ kio, ǹ nə́ giɛraa ǹ nə́ woo daa kiwi lɛ lɛkoro-a, a giala maǹ nə́ goã taasɛ mà á gã.

Nya ǹ dín 14:19 ပူးပေါင်းရင်းမြစ်များ

Zeremii 22:19

Maǹ die biĩ ka gin bɛ́ lɔn, ǹ giɛɛraa furu-n, ǹ zũ sɔsɔɔ Zeruzalɛmu kiɛnlɛn ganaa!

Nya ǹ dín 13:14

Pooli laanka ǹ miãn lɛn sɛn bɛ́ ǹ nə́ soo Pɛrɛgi kiwi, ǹ nə́ ǹ zii tɔ wɔ, ǹ nə́ woo dɔ Antiɔsi kiwi Pisidii gána nɛ. *Susu ǹ pii pinaa, ǹ nə́ wɔ lɛsɔkɔn kion ǹ nə́ giã tán.

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Nya ǹ dín 14:1

A din sii goon lɛ na á n zɛnaa Ikoniɔmu kiwi. Pooli laanka Barnabaasi woo Zuifun lɛsɔkɔn kion, ǹ nə́ boo da yǎa Zuifu laanka Grɛki gigiã lɛ kɔ ǹ nə́ golee Lawa li.

Nya ǹ dín 14:18

A laanka bɛa boon kɛn lɛn tumaa nɛ, dia dí-a wolen lɛn man nə́ nɔmaa taãn-taãnɛ, ǹ nə́ tɔ́n boo la ǹ nə́ minin kɛn lɛn kurəə ǹ wúlu lɛ a bɔ ganaa.

Nya ǹ dín 14:2

Sɛnɛ, Zuifu kɔsɔn mɛnɛn bɛ́ ǹ lɛ kɔ boo lɛ a sonborebaa ganaa wa, bɛn nə́ tɔrɔ kɔsɔn lɛn gòãn sɔsɔmɔ, ǹ nə́ ǹ kaa Lawa-nyankɔlen lɛn ganaa.

Nya ǹ dín 14:21

Ǹ bɛ́ ǹ nə́ Boo Tii Kɔɔ̃n pɛ bɛa kiwi lɛ nɛ, min gigiã golee Lawa li. Bɛ kio, Pooli laanka Barnabaasi wusoo ǹ nə́ woo bɔ Listrə ka Ikoniɔmu ni ka Antiɔsi ni.

Nya ǹ dín 14:26

Ǹ nə́ yoo walan ǹ nə́ tà kuru ǹ goo saa ǹ nə́ n yɔrɔ dia Antiɔsi la. Bɛa kiwi kɛ lɛ din ni, ǹ nə́ ǹ kɔ Lawa a bǐɛ̃baa la, ǹ nya ǹ dí kɛ lɛ a lɛa.

Nya ǹ dín 14:4

Kiwi lɛ a minin nə́ n talakɔn: Ǹ tɛnɛn man kun ka Zuifun ni, gialakunun man kun ka dia dí-a wolen kɛn nɛ.

Nya ǹ dín 14:5

Zuifun laanka tɔrɔ kɔsɔn nɛ, ka kiwi lɛ a nyɛɛnaandɛnan nɛ, bɛn nə́ ga li mà ǹ yoo dia dí-a wolen lɛn gialaa, ǹ nə ǹ dɛ ka kɔlɔ nɛ.

Nya ǹ dín 15:26

min mɛnɛn bɛ́ ǹ nə́ n dinin kɔ wɔa Dɛnaa Yezu *Krita kɛ tɔ a lɛa.

Nya ǹ dín 17:13

Sɛnɛ, Tesaloniki a Zuifun lɛn dinin nə ma lɔn gɔrɔ, mà Pooli tá Lawa a boo pii Beere dɔ nɛ, ǹ nə́ daa walan dɔ nɛ, ǹ nə́ zaman lɛ sɔsɔmɔ ǹ nə́ ǹ lɔlɔkɔn.

Nya ǹ dín 22:20

Biikoo mɛn waáraa, ǹ nə́ n din a siére Itian dii giɛ̃, táa masɛ dɔ́ goã walan, má goã giɛ a dɛlen dí lɛ-a dí sonbore lɛa, masɛ din ni má goã ǹ mɔnaan lɛduĩ.»

Nya ǹ dín 7:58

Ǹ nə́ nyanyanaa ǹ nə́ soo ne ǹ nə́ n bɔ-n kiwi, ǹ nə́ mɛ la ǹ nə́ dii ka kɔlɔn nɛ. Minin mɛnɛn nə kɔlɔ zũ Itian nɛ bibinaa nɛ, ǹ nə́ ǹ bíi mà siéren, bɛn nə́ ǹ mɔnaan koa tɔntɔraa goon li, a tɔ n Sooli.

Nya ǹ dín 9:16

A bɛ́ re fuu mɛn yii masɛ tɔ kɛ a lɛa, masɛ dinmaa á re bɛn nyɛɛ nɛ.»

Korɛnti1 15:31

Ma dɔɔ̃nɔn lɛn, baraanɛ, gɛ̀ n ma lɛnpɛnɛ. Man bɛ pii ka-n sonbore maa din kalaa lɛa, kaa tá kun ka wɔa Dɛnaa Yezu Krita-n kɛ taman yii.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 11:25

Ǹ nə́ ma dɛ ka bàlà-n gunyin sɔɔ, ǹ nə́ ma dɛ ka kɔlɔn nɛ gunyin goon. Tà kuru ǹ goo yu ka ma nɛ mu li gunyin sɔɔ, má wasa zii goon ka tèlò goon zɛnaa mu li gunyin goon.

Korɛnti2 11:26

Maa zii tɔ wɔ gigiã kɛ gɔ́ɔ̃ nɛ ka ma gòã nɛ, sii gɔgɔrɛn nə́ ma yɛ tà kuru ǹ bǎãn nɛ, waa zii ganaa wolen wɔ paǹ li, ma dɔɔ̃n Zuifun wɔ paǹ li, tɔrɔ kɔsɔn wɔ paǹ li, kiwi dadaran gɔ́ɔ̃ nɛ, ka don sabii ni, yìsi mu li ni ka ma din dɔɔ̃n babaraan nɛ.

Tesaloniki1 2:14

Sonbore, dɔɔ̃nɔn lɛn, Lawa a sɔmɔ minin mɛnɛn bɛ́ Zudee gána nɛ, golee-n Yezu Krita li, ka ǹ ká kɔ bɛn gòɛ̃ lɛ. Bɛn nə nɔmaa mɛn wɔ ǹ dinin tɔrɔ Zuifun gɔn, ka dɔn man ka bɛa nɔmaa lɛ miã wɔ ka dinin tɔrɔn gɔn;

Timote2 3:11

Ǹ fuu mɛn nyaa ma nɛ, ma nɔmaa mɛn wɔ, n tá bɛ dɔ doɛ̃. Sii mɛn tumaa ma yɛ Antiɔsi kiwi, Ikoniɔmu ni, ka Listrə ne, n bɛn tumaa yɛ. Bɛ̀ ń pɛ mà fuu, má yɛ. Sɛnɛ, Dɛnaa ma bɔ a din tumaa gɔ́ɔ̃ nɛ.