Nya ǹ dín 13:48 - LAWA A BOO SONBORE

⁴⁸ Ǹ bɛ́ ǹ nə́ bɛa boo kɛ ma, tɔrɔ kɔsɔn minin kɛn foo kɔɔ̃n kɔ parsiini, ǹ nə́ barka da Lawa nɛ a boo kɛ a lɛa. Minin mɛnɛn tumaa bɛ́ Lawa nə́ ǹ da nyin nyabaã kɛ wɔn lɛa, bɛn nə́ golee Lawa li.

LAWA A BOO SONBORE 2011

⁴⁸ Ǹ bɛ́ ǹ nə́ bɛa boo kɛ ma, tɔrɔ kɔsɔn minin kɛn foo kɔɔ̃n kɔ parsiini, ǹ nə́ barka da Lawa nɛ a boo kɛ a lɛa. Minin mɛnɛn tumaa bɛ́ Lawa nə́ ǹ da nyin nyabaã kɛ wɔn lɛa, bɛn nə́ golee Lawa li.

Nya ǹ dín 13:48 ပူးပေါင်းရင်းမြစ်များ

Loen 138:2

Man die n musin koɛ tán, ma yɔrɔ nə́ n kion sonbore kɛ la, ma barka da n nɛ, n kɔn-narɛɛ gole kɛ laanka n bǐɛ̃ duduu kɛ a lɛa. A giala, n kɔ n da ǹ boo lɛ, wɔ yiri din bɛ́ a ba màn mɛn-a wa, ń bɛ zɛnaa wɔ nɛ.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Matiə 28:16

Kialandɛnaa fulugoon lɛ woo Galilee gána nɛ. Yezu kele mɛn boo da ǹ nɛ, ǹ nə́ woo ǹ yii da la walan.

Luku 7:8

Masɛ dinmaa lɛ n pàã giulun, sɔraasin nə́ ma dɔ giulun. Bɛ̀ má pɛ goon ne máa a woo, a n woe. Bɛ̀ má pɛ kɔsɔ nɛ máa a daa, a n die. Bɛ̀ má n toa maa dí-nyali ganaa máa a kɛ zɛnaa, a n zɛnɛɛ.»

Zaã a sɛ́wɔ 10:16

«Maa sère kɔsɔn dɔn tan, ǹ ba kion kɛ-n wa, ma doamaa nɛ, ma da ka bɛn dɔn nɛ ma ǹ kaa a nɛ. Ǹ tá re ma bɔlɔ miɛ, ǹ tumaa nə n baa tɔɔ kuru goon toto lɛa, ǹ lɛduə̃li goã goon toto.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Nya ǹ dín 13:12

Kii Sɛrzusu lɛ bɛ́ á bɛa sii kɛ lɛ yɛ á n zɛnaa, á golee Lawa li, a giala boo mɛn nə n da Dɛnaa Yezu wɔ gɔn la, bɛ ná a foo kũ parsiini.

Nya ǹ dín 13:42

Pooli laanka Barnabaasi bɛ́ ǹ nə́ soo lɛsɔkɔn kion lɛ nɛ, ǹ nə́ ǹ nyankɔ mà ǹ wusoo ǹ da susu ǹ pii kɔsɔ kɛ li, ǹ na a din boo lɛ da.

Nya ǹ dín 15:2

Á n baa zia lɛa, liere gigiã wɔ Pooli laanka Barnabaasi biin ni ka bɛa minin kɛn lɛn nɛ. Ǹ nə́ tɔ́n pɛ mà Pooli ni ka Barnabaasi ni ka Antiɔsi min kɔsɔn dɔn nɛ, mà ǹ wo Zeruzalɛmu kiwi, dia dí-a wolen laanka nyɛɛnaandɛnan li, bɛa zia kɛ lɛ a boo ganaa.

Nya ǹ dín 15:31

Ǹ bɛ́ ǹ nə́ pɛ, ǹ foo kɔɔ̃n kɔ, a giala, á foo-basiɛ̃ kɔ ǹ la.

Nya ǹ dín 2:41

Min gigiã golee a boo li, ǹ nə́ batɛmu da ǹ ganaa. Bɛa pinaa kɛ lɛ nɛ, minbuiin duu sɔɔ (3 000) kɛ miã yɛ, ǹ nə́ kaa kun Lawa a zaman lɛ nɛ.

Nya ǹ dín 2:47

Maǹ nə́ goã Lawa tɔ boe, min tumaa dɔ goã boo sonbore diɛ ǹ wɔ gɔn la. Lawa bɛ́ min mɛnɛn kirisibiɛ, a na á goã bɛn kiɛ a din a zaman lɛ li baraabaraa.

Nya ǹ dín 20:13

Wɔsɛn nə́ yoo Pooli nyɛɛnɛ, wɔ́ wɔ tà kuru ǹ goo ne wɔ́ woo Asɔsi kiwi. Pooli sɛ mà asɛ n die koe zii lɛ, wɔ tɔn wo kɔn yaa walan wɔ saa tà kuru ǹ goo ne.

Nya ǹ dín 22:10

Má nɔ̀n da: «Dɛnaa, ma doamaa nɛ ma wàa mɛn zɛnaa kəni?» Dɛnaa ma lɛ si: «Yoo, n wo Damaasi, Lawa dí mɛn koa n wɔ lɛa, ǹ tá re bɛ nyɛɛ n nɛ walan.»

Nya ǹ dín 28:23

Ǹ lɛawaa mɛn bɔ, bɛ bɛ́ á dɔ, ǹ nə́ wusoo ǹ nə́ daa Pooli yaa a giã ǹ bǎã nɛ. Pooli boo da ǹ nɛ, á *Lawa a kiibaa ǹ dí kɛ a nyɛɛ boo pɛ ǹ nɛ. A na á goã n doɛ á Yezu boo diɛ ǹ nɛ, a n boe Muizu a landa sɛ́wɔ nɛ ka Lawa a boo gii-dalin sɛ́wɔn nɛ. A n giɛ li mà ǹ dɔ̃, mà màn mɛn nə n da a wɔ gɔn la, mà sonbore ne. Maǹ nə́ sùn lɛ baa baayɛlɛ yǎa wasa mɛ.

Nya ǹ dín 8:8

Nyɛnyɛɛ gole yɛ bɛa kiwi lɛ nɛ.

Rɔmu minin 11:7

Wɔ n die pii mà wàa kəni? Izirayeli tɔrɔ lɛ bɛ́ á goã giɛ màn mɛn li, a bɛ yɛ wa. Lawa din boɛɛn mɛn bɔ, bɛn nə́ yɛ, gialakunun kɛn sɛn nə boo la, ǹ ná a giala ma wa.

Rɔmu minin 13:1

Min din tumaa doamaa nɛ a goledɛnan bɔlɔ si. A giala, goledɛnaabaa kɔ́n banban, bɛ̀ bɛ ná a bɔ Lawa li wa. Goledɛnan mɛnɛn bɛ́ ǹ tan ke, ǹ koa na á bɔ Lawa li.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 16:15

Dí goon nə ke doo, ma dɔɔ̃nɔn lɛn: Ka á doɛ̃ mà Tefanaasi laanka a kion minin man nə́ golee Lawa li bibinaanɛ Grɛki gána nɛ. A kũ bɛ lɛ ganaa, ǹ nə́ n dinin kɔ, ǹ nə́ dí nyɛɛ Lawa a sɔmɔ minin manɛ.

Efɛɛzi minin 1:11

Wɔa tá kun Krita-n lɛ gɔ́ɔ̃ nɛ, Lawa nə n lɛ kɔ a minin la ka màn mɛn nɛ, wɔ dɔn nə́ wɔa wɔ gii yɛ. Bɛ na á kɔnpɛ ka a din a sii yɔrɔ bɔ a koa nɛ. A giala, a din nə sii tumaa zɛnɛɛ á kɔnpii ka a din foo sii ni. Lawa din na á saa lɛlɛ á wɔ bɔ,

Efɛɛzi minin 1:19

Pàã gole mɛn bɛ́ a lon goleemali wolen wɔ lɛa, a die a toa ka bɛ dɔ̃. A na á n we bɔ ka bɛa pàã gole kɛ lɛ nɛ,

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,

Efɛɛzi minin 1:5

a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Tesaloniki2 3:1

Bɛ tumaa kio, dɔɔ̃nɔn lɛn, ka Lawa nyankɔ wɔa lɛa, màn mɛn bɛ́ toɛ, Dɛnaa a boo kɛ wo nyɛɛnɛ, a guguru kɔ, ka a bɛ́ n zɛnɛɛ ka li lɔn.